Chapter Title : റോക്കി 6 [സാത്യകി] [Climax]

വന്നെ..'
ഇഷാനി എന്റെ കയ്യിൽ പിടിച്ചു വലിച്ചു

' നീ ഇങ്ങനെ പേടിക്കാതെ ഞാൻ അവനെ തല്ലിയത് ഒന്നുമല്ല. അതൊക്കെ കൊടുക്കാൻ ഉള്ളപ്പോ കൊടുത്തിട്ടുണ്ട്..'
ലച്ചു പിന്നെയും ഇഷാനിയെ മൂപ്പിച്ചു

'അവന്റെ ദേഹത്ത് എങ്ങാനും നീ ഇനി തൊട്ടാൽ നിന്നെ കൊല്ലും ഞാൻ...'
ഇഷാനി ശരിക്കും ഭദ്രകാളിയേ പോലെ വിറച്ചു കൊണ്ട് പറഞ്ഞു

'ഓ പിന്നെ.. അതൊന്ന് കാണണമല്ലോ...'
നാട്ടുമ്പുറത്തുകാരി തൊട്ടാവാടി പെണ്ണ് തന്നോട് തട്ടിക്കയറിയപ്പോ ലച്ചു വാശിപ്പുറത്തു കൈ നീട്ടി എന്നെ ഒന്ന് തൊടാൻ ഭാവിച്ചു. ഇഷാനിയേ ഒന്ന് കൂടി ദേഷ്യം പിടിപ്പിക്കാൻ ആയിരുന്നു അവളുടെ ഉദ്ദേശം. പക്ഷെ ഇഷാനി എത്രമാത്രം ദേഷ്യത്തിൽ ആയിരുന്നു എന്ന് ഞങ്ങൾക്ക് രണ്ട് പേർക്കും ഊഹിക്കാൻ കഴിഞ്ഞില്ല.. എന്നെ തൊടാൻ ലച്ചു കൈകൾ ഉയർത്തിയപ്പോൾ തന്നെ ഇഷാനി അവളുടെ മുഖത്ത് ആഞ്ഞടിച്ചു..

പടക്കം പൊട്ടുന്നത് പോലെ ഒരു ശബ്ദം അവിടെ മുഴങ്ങി. അവിടെ ഞങ്ങൾ മാത്രമേ ഉള്ളായിരുന്നു എങ്കിലും ശബ്ദം കേട്ട് ആളുകൾ ഞങ്ങൾ നിൽക്കുന്ന അവിടേക്ക് നോക്കി. ലച്ചു അടി കൊണ്ട കവിൾ പൊത്തി നിൽക്കുവായിരുന്നു.. അവിടെ നിന്നവർക്ക് ഒരടി പൊട്ടിയത് മനസ്സിലായോ ആവൊ...? ലച്ചുവിനെയും ഇഷാനിയേയും ഇത് വരെ കാണാത്ത വിധത്തിൽ ഞാൻ കണ്ട്.. പക്കാ വയലന്റ് എന്റെ കയ്യിൽ കിടന്നു അവളെ നോക്കി ഉറഞ്ഞു തുള്ളുകയാണ് ഇഷാനി. ലച്ചു ആവട്ടെ ഇഷാനി തന്റെ മുഖത്ത് അടിച്ച ഷോക്കിൽ കണ്ണ് നിറച്ചു എന്നെ നോക്കി നിൽക്കുന്നു.. രണ്ട് പേരും സ്വഭാവം കുറച്ചു നേരത്തേക്ക് വച്ചു മാറ്റിയത് പോലെ..

കാര്യം എന്തെന്ന് അറിയാൻ ലച്ചുവിന്റെ ഫ്രണ്ട്സ് ഞങ്ങളുടെ അടുത്തേക്ക്