Chapter Title : റോക്കി 6 [സാത്യകി] [Climax]

ഉള്ളിൽ ഉള്ളത്..?
ഞാൻ അവളോട് ചോദിച്ചു

'നമ്മളെ രണ്ട് പേരെയും സംബന്ധിക്കുന്ന ഒന്ന്..'
ഇഷാനി പറഞ്ഞു

'അതെന്ത് രഹസ്യം..?
ഞാൻ ചോദിച്ചു.

'അതൊക്കെ ഉണ്ട്.. അത് പറഞ്ഞാൽ ഞാൻ ചോദിക്കുന്നതിനു ശരിക്കുമുള്ള ആൻസർ എന്നോടും പറയണം.. സമ്മതമാണോ...?
ഇഷാനി ചോദിച്ചു

'ആദ്യം നീ എന്താണ് പറയാൻ പോണത് എന്ന് പറ..'

'നമ്മൾ ഫസ്റ്റ് കണ്ടത് എവിടെ വച്ചാണെന്നാണ് ഞാൻ പറഞ്ഞിട്ടുള്ളെ...?
അവൾ ചോദിച്ചു

'കോളേജിൽ വച്ചു.. സ്റ്റെയറിന്റെ അവിടെ വച്ചു.. നീ എന്നോട് അത് നേരത്തെ പറഞ്ഞിട്ടുണ്ടെടി..'
ഞാൻ പറഞ്ഞു

'എന്നാൽ അല്ല.. അതിനും മുന്നേ നിന്നെ ഞാൻ കണ്ടിട്ടുണ്ട്. കോളേജിൽ വരുന്നതിന് മുമ്പ്.. എവിടെ വച്ചാണെന്ന് ഊഹിക്കാമോ..?
ഇഷാനി ചോദിച്ചു

'കോളേജിനു മുന്നെയോ...? നീ ചുമ്മാ പറയുവാ..'
ഞാൻ പറഞ്ഞു

'അല്ല. ദൈവത്തിനാണെ സത്യം.. നമ്മൾ കണ്ടിട്ടുണ്ട് കോളേജിൽ വരുന്നതിന് മുന്നേ..'
ഇഷാനി തറപ്പിച്ചു തന്നെ പറഞ്ഞു

'നീ എന്നെ കണ്ടിട്ടുണ്ടാകും. ഞാൻ നിന്നെ കണ്ടിട്ടുണ്ടെന്ന് തോന്നുന്നില്ല..'

'നോ.. നീയും എന്നെ കണ്ടിട്ടുണ്ട്. എന്നോട് സംസാരിച്ചിട്ടുണ്ട്..'
ഇഷാനി ഒരു കള്ളച്ചിരിയോടെ പറഞ്ഞു

'അങ്ങനെ ആണേൽ ഞാൻ അത് ഓർത്തേനെ. സാധാരണ ഇത്രയും ലുക്ക്‌ ഉള്ള പെമ്പിള്ളേരെ ഒക്കെ പരിചയപ്പെട്ടാൽ ഞാൻ മറക്കാറില്ല.. നീ നുണ പറയുവാ..'
ഞാൻ പറഞ്ഞു

'അല്ല.. ഞാൻ സത്യം ഇട്ടില്ലേ.. ശരിക്കും ഉള്ളതാ..'
ഇഷാനി സത്യം പിന്നെയും ഇട്ടു

'എന്നാൽ എവിടെ വച്ചു..? എനിക്ക് ഒരു ഓർമയും കിട്ടുന്നില്ലല്ലോ...?

'അത് പറയാം.. പക്ഷെ ഞാൻ ചോദിക്കുന്ന ഒരു കാര്യം നീയും പറയണം..'
ഇഷാനി പറഞ്ഞു

'നീയാദ്യം പറ.. എന്നിട്ട് ഞാൻ പറയാം..'