Chapter Title : രുദ്രപ്രതാപം 23 [JHON CLINTON]

ഇതെന്തു ജൈലോ ആദ്യം അനുവാതം ഒക്കെ വാങ്ങി പോവാൻ…

”അതെയ് എനിക്ക് വേണ്ടപെട്ടൊരു ആള് അകത്തുണ്ട് ഒന്ന് കാണാൻ വന്നതാ…അപ്പോയിന്റ്മെന്റ് ഒന്നുല്ല…ഇതൊന്നു തുറന്നു തരോ…“

അത് പറഞ്ഞപ്പോ അയാൾ എന്നെ ഒന്ന് ഇരുത്തി നോക്കി. വല്ല ഉടായിപ്പ് കള്ളന്മാരെ നോക്കുന്ന പോലെ..

”അപ്പോയിന്റ്മെന്റ് ഇല്ലാതെ തുറന്നു തരാൻ പറ്റില്ല.. മനുഷ്യനെ മെനക്കെടുത്താതെ പോവാൻ നോക്കടാ…“

ഇയ്യാളെ കൊണ്ട് ഇത് വലിയ തോന്തരവ് ആയല്ലോ.

ഞാൻ ഫോൺ എടുത്തു ദിവ്യക്ക് വിളിച്ചു നോക്കി…ആരെടുക്കാൻ എന്നോടുള്ള ദേശ്യം ഒരു പൊടിക്ക് അടങ്ങീട്ടില്ല…

പിന്നെ വേറെ വഴിയില്ലല്ലോ മൃതുല ആന്റിയെ തന്നെ വിളിച്ചു. മൂന്ന് നാല് വെട്ടം റിങ് ചെയ്തിട്ടാണ് ഫോൺ എടുത്തത്…

”ഹലോ…“

ഈണത്തിലുള്ള ആ വിളി അപ്പുറത്ത് നിന്നും കേട്ടു…

”അതേയ്…ഒരു അപ്പോയിന്റ്മെന്റ് കിട്ടോ…?“

”അപ്പോയിന്റ്മെന്റോ…എന്തിന്…?“

”അല്ല എനിക്ക് അകത്തേക്ക് കേറാൻ അപ്പോയിന്റ്മെന്റ് വേണമത്രേ…? എന്ത് ചെയ്യും…?“

” നീ ഇപ്പൊ എവിടെയാ…“

”ഞാൻ ഇതാ നിങ്ങടെ വീടിന്റെ ഗേറ്റിന്റെ മുന്നിൽ ഉണ്ടല്ലോ…?“

”നീ ആ ഫോൺ ഒന്ന് സെക്യൂരിറ്റിക്ക് കൊടുക്ക്…“

ഞാൻ ആന്റി പറഞ്ഞപോലെ തന്നെ ഫോൺ അയാൾക്ക് നേരെ നീട്ടി…

എന്റെ കയ്യിൽ നിന്നും ഫോൺ വാങ്ങുന്നത് വരെ അയാളുടെ മുഖത്ത് പുച്ഛമായിരുന്നു. ഒറ്റയടിക്ക് അതങ്ങു പോയി…

”okey maam“

”okey maam“

”sorry maam“

എന്നൊക്കെ പറയുന്നുണ്ടായിരുന്നു…നന്നായിട്ട് കൊടുത്തിട്ടുണ്ടല്ലോ.. ആന്റി ഫോൺ വെച്ചന്നു തോനുന്നു…

അയാൾ ചമ്മി നാറിയ ഭാവവും ആയി എനിക്ക് നേരെ ആ ഫോൺ നീട്ടി…അത് കണ്ട പാവം തോന്നും…ഇതിപ്പോ ഞാനയോ കുറ്റക്കാരൻ…

”sorry sir…“

”മ്മ് വേഗം ഗേറ്റ് തുറക്ക്…“