Chapter Title : സാംസൻ 2 [Eros - God of Lust]

നിന്നും ജൂലി എടുത്തു തോളിലിട്ടു.

“ഹൊ.. കൈ അനക്കാതെ മോളെ ഒറ്റ പൊസിഷനിൽ തന്നെ പിടിച്ചിരുന്നത് കൊണ്ട്‌ കൈക്ക് നല്ല വേദന.” എന്നും പറഞ്ഞ്‌ വിനില രണ്ടു മൂന്ന്‌ വട്ടം കൈ കുടഞ്ഞു വിട്ടു.

എന്നിട്ടാണ് എന്റെ തോളില്‍ പിടിച്ചു കൊണ്ട്‌ അവള്‍ മെല്ലെ ഇറങ്ങിയത്.

അമ്മായിയും സിറ്റൗട്ടിൽ തന്നെ ഉണ്ടായിരുന്നു. പക്ഷേ സാന്ദ്രയെ എങ്ങും കണ്ടില്ല.

“സാന്ദ്ര എവിടെ..?” ഞങ്ങൾ എല്ലാവരും ഹാളിലേക്ക് വന്നതും വിനില ചോദിച്ചു.

ഉടനെ എന്റെ മുഖം വലിഞ്ഞു മുറുകി. അത് ജൂലി ശ്രദ്ധിച്ചു.

“അവള്‍ക്ക് നല്ല സുഖമില്ലെന്നും പറഞ്ഞ്‌ ഉച്ചക്കെ ഓട്ടോ പിടിച്ചു വന്നതാ... ആരും അവളെ ശല്യം ചെയ്യരുതെന്നും പറഞ്ഞ്‌ റൂമും പൂട്ടിയാ കിടപ്പ്, ഇതുവരെ അവള്‍ താഴെ വന്നിട്ടില്ല.” ജൂലി എന്നെ ചുഴിഞ്ഞു നോക്കിക്കൊണ്ടാണ് അത്രയും പറഞ്ഞത്.

അവളുടെ ആ നോട്ടം കണ്ടിട്ട് എനിക്ക് പേടിയാണ് തോന്നിയത്‌. സാന്ദ്ര എന്തെങ്കിലും ഇവരോട് പറഞ്ഞുവോ? പെട്ടന്ന് മനസ്സിൽ അസ്വസ്ഥത നിറഞ്ഞു.

“സാമേട്ട, തല്‍ക്കാലത്തേക്ക് സുമി മോളെ നമ്മുടെ റൂമിൽ കിടത്തിയാൽ മതി. രാത്രി ഭക്ഷണം കഴിച്ചിട്ട് ചേച്ചി മുകളിലേക്ക് പോകുമ്പോ മോളെ കൊണ്ടു പോയാൽ മതിയല്ലോ..!”

ഉടനെ ഞാനും ജൂലിയുടെ കൈയിൽ നിന്നും സുമിയെ വാങ്ങി എന്റെ മാറോട് ചേര്‍ത്തു പിടിച്ചതും ജൂലി നിരാശയോടെ ഒന്നെന്നെ നോക്കി. അവളുടെ വിഷമം എന്താണെന്ന് എനിക്ക് മനസ്സിലായി.

ഞാൻ രണ്ട് കണ്ണും ഇറുക്കി കാണിച്ചിട്ട് പുഞ്ചിരിച്ചതും ജൂലിയുടെ വിഷമം പെട്ടന്ന് അകന്നു പോയി.

ശേഷം പെണ്ണുങ്ങള്‍ മൂന്നും അവിടെ ഹാളില്‍ ഇരുന്നു കൊണ്ട്‌ കുശലം പറയാൻ തുടങ്ങി.

ഞാനും സുമിയെ കൊണ്ട്‌ റൂമിൽ വന്നിട്ട് ബെഡ്ഡിൽ കിടത്തി. എന്നിട്ട് ലുങ്കിയും ടീ ഷര്‍ട്ടിലേക്കും മാറി.

അതുകഴിഞ്ഞ്‌ ഞാനും ബെഡ്ഡിൽ കേറി സുമിയെ കെട്ടിപിടിച്ചു കൊണ്ട്‌ കിടന്നു. അവളുടെ പനിയും മുമ്പത്തെക്കാൾ കുറഞ്ഞിരുന്നു.

കുറച്ചു കഴിഞ്ഞ് സുമി ചിണുങ്ങി കൊണ്ട്‌ കണ്ണ് തുറന്നു നോക്കി. പക്ഷെ എന്നെ കണ്ടതും അവളുടെ കണ്ണുകൾ വിടര്‍ന്നു.

“സാം അങ്കിള്‍...!” അത്രമാത്രം സന്തോഷത്തോടെ പറഞ്ഞിട്ട് അവള്‍ എന്റെ കഴുത്തിനെ കെട്ടിപിടിച്ചു കൊണ്ട്‌ പിന്നെയും ഉറങ്ങി പോയി. ഞാനും അവളെ