Chapter Title : സാംസൻ 4 [Eros - God of Lust]

പലരും എന്നോട് കുശലം അന്വേഷിട്ട് തിരികെ പോയി. ഒടുവില്‍ ഐഷയും ദീപ്തിയും സനലും മാത്രം നിന്നു.

“വൈകിട്ട് കാണാം ചേട്ടാ.”

സാന്ദ്ര പറഞ്ഞിട്ട് അവളുടെ രണ്ട് കൂട്ടുകാരികളെ വലിച്ചു കൊണ്ട്‌ പോയി.

അവസാനം സനല്‍ മാത്രം അവിടെ നിന്നു.

കുറെ നേരം അവന്‍ വെറുതെ ഓരോ കാര്യങ്ങളെ ചോദിച്ചു കൊണ്ട്‌ നിന്നു. ഞാനും കുറെ കാര്യങ്ങൾ അവനോട് സംസാരിച്ചു.

“പിന്നേ ചേട്ടനെ കുറിച്ച് ജൂലി ചേച്ചിയോട് ചിലരൊക്കെ കുറ്റം പറയുന്നത് ഞാൻ കേട്ടു.” ഞാൻ പോകാൻ തുടങ്ങിയപ്പോൾ സനല്‍ പെട്ടന്ന് പറഞ്ഞു.

“അത് ഞാനും അറിഞ്ഞു. ജൂലി എന്നോട് പറഞ്ഞു.”

ഞാൻ പറഞ്ഞതും സനല്‍ ചിരിച്ചു.

“ഓക്കെ, പിന്നേ കാണാം.” അവനോട് പറഞ്ഞിട്ട് പോകുന്ന നേരം, അകലെ നിന്ന് ഷസാന എനിക്ക് കൈ കാണിക്കുന്നത് കണ്ടു.

ഞാനും അവള്‍ക്ക് കൈ പൊക്കി കാണിച്ച ശേഷം മാളിലേക്ക് വിട്ടു.

മാളിൽ ചെന്ന പാടെ വിനിലയുടെ കോൾ വന്ന് ഞാൻ എടുത്തു.

“എടാ, ഞായറാഴ്ച എന്നെ കൊണ്ട്‌ വിട്ട ശേഷം ഒരിക്കലെങ്കിലും ഒരു കോൾ അല്ലെങ്കിൽ മെസേജ് ചെയ്തോ..?” വിനില അല്‍പ്പം ദേഷ്യത്തില്‍ ചോദിച്ചതും ഞാൻ ചിരിച്ചു.

“നീയും ചെയ്തില്ലല്ലോ..!?” ഞാൻ തിരിച്ച് പറഞ്ഞതും വിനിലയുടെ ചിരി ഫോണിലൂടെ കേട്ടു.

“ശെരി അത് പോട്ടെ. പതിനൊന്ന് മണിക്ക് നി ഇങ്ങോട്ട് വാ, നമുക്ക് സുമിയുടെ സ്കൂളിൽ പോണം.”

“എന്തു പറ്റി...?”

“പേരൻസ് മീറ്റിംഗ് ഉണ്ട്. പതിനൊനരയ്ക്കാണ് മീറ്റിംഗ് തുടങ്ങുന്നത്.”

“ശെരി നിന്റെ ഭർത്താവിന്റെ സ്ഥാനം എനിക്കാണല്ലോ, ഞാൻ വരാം.” ഞാൻ താമശ പറഞ്ഞതും അവള്‍ ചിരിച്ചു.

രണ്ട് മൂന്ന്‌ മിനിറ്റ്‌ കൂടി സംസാരിച്ച ശേഷം അവള്‍ കട്ടാക്കി.

ഞാൻ പതിനൊന്ന് മണി വരെ നിന്നില്ല. അപ്പോ തന്നെ ഞാൻ വിനിലയുടെ വീട്ടിലേക്ക് വിട്ടു.

ആകാശം അല്‍പ്പം കറുത്താണിരുന്നത്. അങ്ങിങ്ങായി മഴമേഘങ്ങളും കണ്ടു. എപ്പോ വേണമെങ്കിലും മഴ പെയ്യുന്ന ലക്ഷണവും കണ്ടു.

ഞാൻ അല്‍പ്പം സ്പീഡിൽ ഓടിച്ചു. വിനിലയുടെ വീടിന്‌ മുന്നിലെത്തിയതും ഞാൻ ഇറങ്ങി ഗേറ്റ് തുറന്ന് അകത്ത് കേറി ഗേറ്റ് പൂട്ടിയ ശേഷം ബൈക്ക് എടുത്ത് മുറ്റത്ത്‌ കൊണ്ട്‌ നിർത്തി. വീടിന്റെ