സാംസൻ 5

Samson Part 5 | Author : Eros - God of Lust

[ Previous Part ] [ www.kkstories.com ]

“എനിക്ക് പരിചയം ഇല്ലാത്ത അവളുടെ താങ്ക്സ് ഒന്നും എനിക്ക് വേണ്ട. ആതിര ചേച്ചിയോട് ഞാൻ എല്ലാം സംസാരിച്ച് കഴിഞ്ഞു. ജോലി കിട്ടിയ ചേച്ചി തന്നെ എനിക്ക് താങ്ക്സ് പറഞ്ഞും കഴിഞ്ഞും. ഇനി വേറെ വല്ലവരും എനിക്ക് നന്ദി പറയേണ്ട കാര്യമില്ല.”

“അഹങ്കാരി...!!” വിനില അല്‍പ്പം കടുപ്പിച്ച് പറഞ്ഞിട്ട് കോൾ കട്ടാക്കി.

ചിരിച്ചു കൊണ്ട്‌ വണ്ടി സ്റ്റാര്‍ട്ട് ചെയ്ത് ഞാൻ വീട്ടിലേക്ക് വിട്ടു.

വീട്ടിലെ പോർച്ചിൽ കൊണ്ട്‌ കാറിനെ നിര്‍ത്തുമ്പോള്‍ സുമി എന്റെ ബൈക്കില്‍ ഇരുന്ന് ഹാന്‍ഡിൽ അങ്ങോട്ടും ഇങ്ങോട്ടും തിരിച്ച് കളിക്കുന്നത് കണ്ടു. ജാഗ്രതയോടെ സുമിയേ വീക്ഷിച്ചു കൊണ്ട്‌ സാന്ദ്രയും തൊട്ടടുത്ത് തന്നെ ഉണ്ടായിരുന്നു.

“സാമങ്കിൾ..!!” ഞാൻ കാറിൽ നിന്നിറങ്ങിയതും സുമി ആഹ്ലാദകരമായി വിരണ്ടു താഴെ ഇറങ്ങാന്‍ വെപ്രാളം കാണിച്ചതും സാന്ദ്ര അവളെ തൂക്കി താഴെ നിർത്തി. സുമി ചിരിച്ചു കൂവി കൊണ്ട്‌ ഓടി അടുത്തേക്ക് വന്നതും ഞാനും ചിരിച്ചു കൊണ്ട്‌ അവളെ പൊക്കിയെടുത്ത് വട്ടം കറക്കിയ ശേഷം എന്റെ മാറോട് അണച്ചു പിടിച്ചു.

എന്നിട്ട് ഒരു കവിളിൽ ഞാൻ ഉമ്മ കൊടുത്തതും, അവൾ എന്റെ രണ്ട് കവിളിലും വായിലും മൂക്കിലും എല്ലാം ഉമ്മ തന്നു.

“എടി എന്റെ വായിൽ നക്കാൻ നി പട്ടി കുഞ്ഞാണോ..?” ചിരിച്ചു കൊണ്ട്‌ ഞാൻ ചോദിച്ചതും അവള്‍ ഊർന്ന് താഴെ ഇറങ്ങാന്‍ ശ്രമിച്ചു. അവളെ ഞാൻ താഴെ നിര്‍ത്തിയ ശേഷം എന്റെ മുഖത്ത് പറ്റിയ അവളുടെ ചാളുവ എല്ലാം തുടച്ചു കളഞ്ഞു.

ശേഷം സാന്ദ്രയെ നോക്കിയതും അവള്‍ എന്നെ തന്നെ മതിമറന്നു നോക്കി, മന്ദസ്‌മിതം തൂകി നില്‍ക്കുന്നതാണ് കണ്ടത്.

ഞാനും പുഞ്ചിരി തൂകി. ശേഷം വാങ്ങിയ സാധനങ്ങള്‍ എല്ലാം കാറിൽ നിന്ന് പുറത്തെടുത്തതും, എന്റെ കൈയിൽ നിന്നും കുറെ കവറുകളെ സാന്ദ്ര വാങ്ങിച്ചു. എന്നാൽ ഫ്രൂട്ട്സും ചോക്ലേറ്റും അടങ്ങിയ കവറിനെ എല്ലാം സുമി എന്റെ കൈയിൽ നിന്നും വാങ്ങി സന്തോഷത്തോടെ കെട്ടിപിടിച്ചു കൊണ്ട്‌ നടന്ന് വീട്ടിലേക്ക് പോയി. ബാക്കിയുണ്ടായിരുന്ന ഒരു കവറിലെ സാധനങ്ങളെ ഞാനും എടുത്തു.