Chapter Title : സാംസൻ 6 [Eros - God of Lust]

അതുകൊണ്ട്‌ എനിക്ക് അവിടെയുള്ള ആരെയും കാണാനോ സംസാരിക്കാനോ കഴിഞ്ഞില്ല.

ദേവിയെ കണ്ട മാത്രയില്‍ എന്റെ മിഴികള്‍ വിടര്‍ന്നു. എനിക്ക് വളരെയേറെ ഇഷ്ട്ടപ്പെട്ട നീല നിറത്തിലുള്ള സാരിയാണ് അവള്‍ ഉടുത്തിരുന്നത്. അവളെ തൊഴാനാണ് ആദ്യം തോന്നിയത്‌. അതിനുശേഷം അവളെ പിടിച്ചു കിടത്തി ശരീരം മുഴുവനും ഉമ്മ കൊടുക്കാനും ആഗ്രഹം തോന്നി.

എന്നെ കണ്ടതും ഒരു വലിയ ചിരിയോടെ ദേവി അവളുടെ ഹാന്‍ഡ് ബാഗിന്‍റെ വള്ളിയെ തോളില്‍ ഒന്ന് അഡ്ജസ്റ്റ് ചെയ്തിട്ട് എന്റെ അടുത്തേക്ക് വന്നു. അവളുടെ കൈയിൽ മടക്കിയ ഒരു നീല കൈലേസും പിടിച്ചിരുന്നു.

എന്റെ അടുത്തേക്ക് വന്നതും എന്റെ മനസ്സിനെ വായിച്ചത് പോലെ അവളുടെ മുഖത്ത് നാണം നിറഞ്ഞു.

“ഇതെന്താ... മനസ്സില്‍ എന്തൊക്കെയോ കള്ളത്തരങ്ങള്‍ ഉള്ളത് പോലെയാണല്ലോ എന്നെ നോക്കുന്നത്...?!”

“യേയ്... ഞാൻ... ഞാൻ... അങ്ങനെ ഒന്നും ഇല്ലല്ലോ...!!” വാക്കുകള്‍ക്ക് തപ്പി ഒടുവില്‍ ഞാൻ എന്തൊക്കെയോ പറഞ്ഞു.

“ഊഹും.... മുഖത്ത് ശെരിക്കും കള്ള ലക്ഷണം ഉണ്ട്.” എന്റെ വാക്കുകളെ വിശ്വാസിക്കാത്ത പോലെ അവള്‍ ചിരിച്ചു.

എന്നിട്ട് എന്റെ തോളില്‍ പിടിച്ചു കൊണ്ട്‌ ബൈക്കില്‍ കേറി എന്നോട് ചേര്‍ന്നിരുന്നു.

“എന്നെ എത്ര പെട്ടന്ന് സ്കൂളിൽ എത്തിക്കാൻ ചേട്ടന് കഴിയും...?” അവള്‍ ആരാഞ്ഞു.

“എങ്ങനെയും ഇരുപത്തഞ്ചു മിനിറ്റ് വേണ്ടി വരും.” പറഞ്ഞിട്ട് ഞാൻ സ്കൂൾ ലക്ഷ്യമാക്കി ബൈക്ക് വിട്ടു.

“അപ്പോ പത്ത് മിനിറ്റ് മാത്രം ലേറ്റ് ആവും... അത് സാരമില്ല.” അവള്‍ സ്വയം ആശ്വസിപ്പിച്ചു.

“പിന്നേ ചേട്ടൻ എന്തിനാ എന്നെ മിഴിച്ചു നോക്കിയത്‌...?” അവള്‍ തിരക്കി.

“ദിവസം കഴിയുന്തോറും നിന്റെ സൗന്ദര്യം വര്‍ധിച്ച് കൊണ്ടിരുന്നാൽ മിഴിച്ചു നോക്കാതെ എന്തോ ചെയ്യും...!!”

അതുകേട്ട് ദേവി നാണത്തോടെ ചിരിച്ചു.

“എനിക്ക് ഇഷ്ടപ്പെട്ട നിറമാണ് നീല. സത്യം പറഞ്ഞാല്‍ നിന്നെ എനിക്ക്—” പെട്ടന്ന് എന്റെ നാവിനെ ഞാൻ കടിച്ചു പിടിച്ചു.... അബദ്ധങ്ങള്‍ എന്റെ നാവില്‍ നിന്നും വീണു പോകാതിരിക്കാന്‍.

“എന്നെ ചേട്ടന്...!!?” ദേവി ആകാംഷയോടെ ചോദിച്ചു.

“ഒന്നുമില്ല.... ഞാൻ ചിന്തിക്കാതെ എന്തൊക്കെയോ പറഞ്ഞു പോകുമായിരുന്നു.” വെപ്രാളം പിടിച്ചു ഞാൻ പറഞ്ഞു.

എന്നിട്ട് മിററിലൂടെ ഞാൻ ദേവിയെ നോക്കി. അവളുടെ മുഖത്ത് നിരാശ നിഴലിട്ട് നില്‍ക്കുന്നത് കണ്ടു.