Chapter Title : സാംസൻ 9 [Eros - God of Lust]

സ്നേഹത്തോടെ ഞാൻ ഉമ്മ വച്ചു.

“പിന്നേ ഓസ്ട്രേലിയ പോയി കഴിഞ്ഞ് ഞാൻ സാമേട്ടനെ എന്റെ ഭർത്താവിന്റെ സ്ഥാനത്ത് നിന്നും മാറ്റാൻ ശ്രമിക്കും. നമ്മൾ ചെയ്തു കൂടിയതും ഇനി ചെയ്തു കൂട്ടാൻ പോകുന്നതും ഞാൻ മറക്കാൻ ശ്രമിക്കും. ചേട്ടനെ എന്റെ സ്വന്തം സഹോദരനെ പോലെ മാത്രം എന്റെ മനസ്സിൽ ഞാൻ കുടിയിരുത്തും. അപ്പോൾ മാത്രമേ എനിക്ക് മറ്റൊരാളെ വിവാഹം കഴിക്കാന്‍ കഴിയൂ. ഞാൻ നാട്ടില്‍ തിരിച്ചു വരുമ്പോൾ ചേട്ടൻ എന്നെ തെറ്റായ രീതിക്ക് കാണരുത്. തെറ്റായി എന്നോട് പെരുമാറാനും പാടില്ല. തെറ്റായ വാക്കുകൾ പോലും എന്നോട് ഉപയോഗിക്കരുത്. തെറ്റായ ചിന്തയോടെ എന്നെ തൊടുകയും അരുത്.” അവള്‍ സങ്കടത്തോടെ പറഞ്ഞു. “ഞാൻ തിരികെ വരുമ്പോൾ ഒരു അനുജത്തിയെ പോലെ മാത്രം എന്നെ തൊടണം. അനുജത്തിയെ പോലെ മാത്രം എന്നെ ചേര്‍ത്തു പിടിക്കണം. അനുജത്തിക്ക് ഉമ്മ കൊടുക്കും പോലെ മാത്രം എനിക്ക് ഉമ്മ തരണം. സ്വന്തം അനുജത്തിയായി തന്നെ എന്നെ കാണണം.” അവള്‍ തീര്‍ത്തു പറഞ്ഞു.

എനിക്കെന്തോ വിഷമം തോന്നി. അവള്‍ പറഞ്ഞത് ഒന്നും അംഗീകരിച്ചു കൊടുക്കാൻ മനസ്സ് വന്നില്ല. പക്ഷേ എന്റെ മനസ്സിനെ ഞാൻ ശകാരിച്ചു കൊണ്ട്‌ സാന്ദ്രയുടെ മുടിയില്‍ വാത്സല്യപൂർവ്വം ഞാൻ തഴുകി.

“എല്ലാം ഞാൻ സമ്മതിച്ചു.” വേദന മറച്ചു കൊണ്ട്‌ ഞാൻ പറഞ്ഞതും സാന്ദ്ര വിഷമത്തോടെ എന്നെ നോക്കി. കണ്ണീരോടെ അവള്‍ പുഞ്ചിരിച്ചു.

“എന്നോട് സ്നേഹം ഉണ്ടെങ്കിൽ ഇപ്പോൾ എനിക്ക് തന്ന ഈ വാക്കിനെ ഒരിക്കലും ചേട്ടൻ തെറ്റിക്കരുത്, കേട്ടല്ലോ...?” ഉയർന്നു വന്ന തേങ്ങൽ അടക്കി കൊണ്ട്‌ സാന്ദ്ര ചോദിച്ചു.

“എന്റെ മരണം വരെ ഞാൻ തെറ്റിക്കില്ല.” പുഞ്ചിരിയോടെ ഞാൻ പറഞ്ഞതും സാന്ദ്ര പെട്ടന്ന് പൊട്ടിക്കരഞ്ഞു. എന്നിട്ട് എന്നെ കെട്ടിപിടിച്ചു കൊണ്ട്‌ അവള്‍ ഏങ്ങിക്കരഞ്ഞു.

ഞാൻ ഒന്നും മിണ്ടാതെ അവളെ ചേര്‍ത്തു പിടിച്ചു കൊണ്ട്‌ വെറുതെ ഇരുന്നു. ഒരുപാട്‌ നേരം കഴിഞ്ഞ് സാന്ദ്ര കരച്ചില്‍ നിർത്തി മുഖം ഉയർത്തി എന്നെ നോക്കി പ്രകാശമായി പുഞ്ചിരിച്ചു.

“ശെരി ചേട്ടാ, സമയം ഒരുപാടായി. ചേച്ചി ഉണര്‍ന്നാൽ പിന്നേ ചേട്ടനെ കാണാഞ്ഞിട്ട് സംശയം തോന്നും. വരൂ താഴെ പോകാം. താഴെ നിന്ന് എന്റെ