Chapter Title : സച്ചുവിന്റെ പണികൾ 4 [മാൻഡ്രേക്ക്]

വിശാൽ എന്നെ ആനയിച്ചു കൊണ്ടു എന്റെ മുമ്പിൽ നടക്കുമ്പോൾ വിവരം അറിഞ്ഞു അവിടെ കൂടിയ കുറച്ചു നാട്ടുകാരും മുൻവശത്തു കസേരയിൽ തളർന്നു ഇരുന്ന മാധവന്റെ അമ്മ പങ്കജാക്ഷി അമ്മയും എന്നെ തുറിച്ചു നോക്കുന്നത് ഞാൻ അറിഞ്ഞു. ഞാൻ ആണ് ഇതിനു എല്ലാം ഉത്തരവാദി എന്ന് കണ്ണുകൾ കൊണ്ടു ചില കീടങ്ങൾ എന്നെ നോക്കി പറയുന്നത് ആയി എനിക്ക് തോന്നി.

"അവളും ഈ ചെക്കനും തമ്മിൽ എന്തോ ഉണ്ട്.. അതാ മാധവൻ പോയത്.. കണ്ടില്ലെ അവൻ പോയപ്പോ തന്നെ അവൾ ഇവനെ വിളിച്ചു വരുത്തിയത്" കൂട്ടത്തിൽ നിന്ന് ഏതോ പരദൂഷണം തള്ള കുശുകുശുക്കുന്നത് ഞാൻ കേട്ടു.. കത്തുന്ന തീജ്വാലം ആയി എന്റെ കണ്ണുക്കൾ.. രൂക്ഷമായി ഞാൻ ആ സ്ത്രീകളെ നോക്കി.. പക്ഷെ പറഞ്ഞത് ആരാണെന്നു കണ്ടുപിടിക്കാൻ പറ്റിയില്ല..

അവിടെ അവരെ തന്നെ നോക്കി നിന്നു ദഹിപ്പിച്ചോണ്ട് ഇരുന്ന എന്റെ കയ്യിൽ വിശാൽ പിടിച്ചു വലിച്ചു.. കൂടുതൽ അവിടെ നിന്നാൽ ശരിയാവില്ല എന്ന് അവനു തോന്നി കാണും. അവൻ എന്നെ പിടിച്ചു വലിച്ചു അകത്തേക്ക് കയറി..

വളരെ ചെറിയ വീട് ആയിരുന്നു അതു..അകത്തു കയറിയപ്പോൾ ശ്വാസം മുട്ടുന്നത് ആയി എനിക്ക് തോന്നി.. ആകെ ഒരു ഇരുട്ട്.. നിന്നു തിരിയാൻ സ്ഥലം ഇല്ല..ആ ചെറിയ ഹാളിൽ തന്നെ ഒരു കട്ടിൽ, ഊണ് മേശ, ടീവി, രണ്ടു പ്ലാസ്റ്റിക് കസേരകൾ എല്ലാം ഉണ്ട്..പുറമെ നിന്നു നോക്കുമ്പോൾ ചെറിയ വീട് ആണെന് അറിയാം.. പക്ഷെ ഉള്ളിൽ കയറുമ്പോൾ മാത്രം ആണ് അതു എത്ര ചെറുത്‌ ആണെന്ന് മനസ്സിലാവുക. ഒരു ഹാൾ, ഒരു അടുക്കള, ഒരു