Chapter Title : ? സര്‍വ്വം സമര്‍പ്പയാമി ? [DD]

മനസാക്ഷി സൂക്ഷിപ്പു കാരന്‍ മാത്രമല്ലല്ലേ ... സ്ഥാവര ജംഗമ വസ്ഥുക്കളെല്ലാം ഇവിടെ ഏല്‍പ്പിച്ചിട്ടാ പോയെ ല്ലേ ...?'' '' ഹം '' ഇതിപ്പൊ ആരാ പുതിയൊരു കഥാപാത്രം എന്നു ചിന്തിച്ചില്ലേ നീ... നീ ചിന്തിക്കും എന്നെനിക്കറിയാം . ദാ ഒരു ബസ്സ് വരുന്നുണ്ട് . നമുക്കതില്‍ കേറാം ലേ ... ഇങ്ങു വാ ഇവിടെ ഇരിക്കാം . സീറ്റൊക്കെ കുറേ ഒഴിവുണ്ട് . ഞാനീ ടിക്കറ്റ് ഒന്നു കൊടുക്കട്ടെ . കണ്ടക്ടറുടെ നോട്ടം കണ്ടോ നീ . അയാളുടെ കണ്ണ്‌ എന്തായാലും എന്‍റെ മുഖത്തല്ല . ആദ്യമൊക്കെ ഇങ്ങനെയുള്ള നോട്ടം എനിക്ക് ഭയങ്കര അരോചകമായിരുന്നു . ഇപ്പൊ ഞാന്‍ അതെല്ലാം ആസ്വദിക്കാറുണ്ട് കേട്ടോ ... അത് മാത്രമല്ല ഇത്തിരി തവിടും പിണ്ണാക്കുമൊക്കെ ഇട്ടുകൊടുക്കാറുമുണ്ട് . നിന്‍റെ ഈ ആക്കിയ ചിരി എനിക്കത്ര ദഹിക്കുന്നില്ല കേട്ടോ ... ആ അത് വിട് അപ്പൊ എവിടാ പറഞ്ഞു നിര്‍ത്തിയേ ? ശിവറാം അല്ലേ ..?

അങ്ങനെ ആ ദിവസം വന്നു ... ഏത് ? ഞായറാഴ്ച്ച . എന്‍റെ കെട്ട്യോന്‍ പറഞ്ഞേല്‍പ്പിച്ചിട്ടാ പോയെ . ശിവറാം ഇവിടെ നിന്നാണ് ഫുഡ് കഴിക്ക്യാ .. എന്തേലും സ്പെഷ്യല്‍ ഒക്കെ ഉണ്ടാക്കണം എന്ന്. കൂട്ടുകാരന്‍ ഒരുപാട് കാലം കൂടി നാട്ടില്‍ വരുന്നതല്ലേ ... കുറക്കണ്ട എന്നു ഞാനും കരുതി . നല്ല കുത്തരി ചോറും സാമ്പാറും പയറു തോരനും കടുകുമാങ്ങാ അച്ചാറും അവിയലും കാളനും ഓലനും കുറച്ചു പായസവും സഹിതം ചെറിയൊരു വള്ളുവനാടന്‍ സദ്യ തന്നെ ഞാന്‍ റെഡി ആക്കി . പുള്ളിക്കാരന്‍ ഇടക്ക് വന്ന് ഇത്തിരി കരിമീന്‍ വാങ്ങി തന്ന് തിരിച്ചു പോയി . അതും വറുത്തു വച്ചപ്പോഴേക്കും നടുവൊടിഞ്ഞു . പാചകമൊക്കെ ഇവിടെ വന്നാ ഞാന്‍ പഠിച്ചത് . ചെവിയും കണ്ണും കുറച്ചു പുറകോട്ടായിരുന്നെങ്കിലും അസാധ്യ കൈപ്പുണ്ണ്യമായിരുന്നു എന്‍റെ അമ്മായിയമ്മക്ക് ... വന്നു കുറച്ചായപ്പോഴേക്കും ഒരു വിധം പാചകമൊക്കെ ഞാന്‍ പഠിച്ചു . ഒരു തവണ വീട്ടില്‍ ചെന്നപ്പൊ അമ്മ പറയുകയും ചെയ്തു . മലര്‍ന്നു വീണ പ്ലാവില ഒന്നു കമിഴ്ത്തിയിടാന്‍