Chapter Title : ? സര്‍വ്വം സമര്‍പ്പയാമി ? [DD]

അമ്മൂ ... അവനെ വെട്ടിനുറുക്കാനാ ഞാനിവിടെ വന്നത് . പക്ഷെ ആദ്യ ദിവസം അമ്മയെ കണ്ടപ്പോള്‍ ആ സ്നേഹം കണ്ടപ്പോള്‍ ഞാന്‍ പതറി ... പിന്നെ നിനക്ക് പിടിതരാതിരിക്കാന്‍ ഞാന്‍ ഒരുപാട് ശ്രമിച്ചു . നിനക്കെന്നോടുള്ള സ്നേഹത്തിനു മുന്‍പില്‍ ഞാന്‍ തോല്‍ക്കാന്‍ തീരുമാനിച്ചു . അതേ ആ പട്ടിയെ ഞാന്‍ വെറുതെ വിടുന്നു . നിനക്കു വേണ്ടി ....'' ഒരു സിനിമ കണ്ട പ്രതീതിയായിരുന്നു എനിക്ക് . കേട്ടതൊന്നും സത്യമാണെന്നു വിശ്വസിക്കാന്‍ കഴിയുന്നുണ്ടായിരുന്നില്ല . വിശ്വസിക്കാതിരിക്കാനും പറ്റുന്നുണ്ടായിരുന്നില്ല . ഇപ്പോള്‍ നിന്‍റെ മുഖത്തുള്ള ഈ അന്ധാളിപ്പില്ലേ ? അതുതന്നെയായിരുന്നു എനിക്കന്നുണ്ടായത് . ഇത്രയധികം വിഷം ഉള്ളില്‍ കൊണ്ടുനടക്കുന്ന ഒരു നികൃഷ്ട ജീവിയാണെന്‍റെ ഭര്‍ത്താവ് എന്ന് ഞാന്‍ അറിഞ്ഞില്ല . അപ്പോഴാണ് ചേച്ചി പറഞ്ഞ വാക്കുകള്‍ എന്‍റെ മനസില്‍ ഓര്‍മ്മ വന്നത് .

''നിന്‍റെ ഭര്‍ത്താവ് അത്ര നല്ല പുള്ളിയൊന്നുമല്ല '' ചേച്ചി എന്തെങ്കിലും അറിഞ്ഞിട്ടുണ്ടാവണം. അതെന്താ എന്നൊരു ചോദ്യം അന്നെനിക്ക് ചോദിക്കാന്‍ അന്നു തോന്നിയില്ലല്ലോ... ശിവേട്ടന്‍ മെല്ലെ എന്‍റെ നേര്‍ക്കടുത്തു വന്നു . ആ രണ്ടു കൈകളിലും എന്‍റെ മുഖം കോരിയെടുത്തു . രണ്ടു കൈകളിലേയും പെരുവിരല്‍ കൊണ്ട് എന്‍റെ കവിളുകള്‍ തുടച്ചപ്പോഴാണ് ഞാന്‍ കരയുകയായിരുന്നു എന്നെനിക്ക് മനസിലായത് . '' വെറുപ്പ് തോന്നുന്നുണ്ടോ എന്നോട് ...?'' ഞാന്‍ അദ്ദേഹത്തെ കെട്ടിപ്പുണര്‍ന്നു . ഇടതൂര്‍ന്ന രോമങ്ങളാല്‍ സമൃദ്ധമായ മാറിലൊരു മുത്തം കൊടുത്ത് ആ മാറിലേക്ക് ഞാന്‍ മുഖം ചായ്ച്ചു . ഒന്നും പറയാനുള്ള ശക്തി എനിക്കുണ്ടായിരുന്നില്ല . എത്ര നേരം അങ്ങനെ നിന്നുവെന്ന് എനിക്കോര്‍മ്മയില്ല . അദ്ദേഹം ഇരു കൈകളിലും എന്നെ കോരിയെടുത്തു അകത്തേക്ക് നടന്നപ്പോഴാണ് ഞാന്‍ ബോധത്തിലേക്ക് തിരിച്ചു വന്നത് . ആ മാറില്‍ കൈകള്‍ കോര്‍ത്ത് ഞാനാ മുഖത്തേക്ക് ഉറ്റു നോക്കി കിടന്നു . അദ്ദേഹം എന്നെ കട്ടിലില്‍ കിടത്തി . ഞാന്‍ നോട്ടം മാറ്റിയില്ലായിരുന്നു . ''എന്താ ഇങ്ങനെ നോക്കുന്നേ ....?'' മലര്‍ന്നു കിടന്ന എന്‍റെ നേര്‍ക്ക് ചരിഞ്ഞു കിടന്നു കൊണ്ട് അദ്ദേഹം ചോദിച്ചു. '' എങ്ങനെ പൊറുക്കാന്‍ കഴിയുന്നു അയാളോട് ....?'' എനിക്കു