Chapter Title : സൗമ്യസരോവരം 3 [ചാത്തൻ]

കേട്ട് സൗമ്യ ഫോൺ എടുത്ത് നോക്കിയപ്പോ രാഹുലിന്റെ മെസ്സേജ് ആണ്.

സൗമ്യ മെസ്സേജ് തുറന്ന് വായിച്ചു.
“മാമി… ഒരായിരം സോറി. അപ്പോ പെട്ടെന്ന് എന്തോ തോന്നി ചെയ്തു പോയതാണ്, എന്നോട് ദേഷ്യമാണെന്ന് അറിയാം, എങ്ങനെ സോറി പറയണം എന്നെനിക്ക് അറിയില്ല, ഞാൻ തൽക്കാൻ ഇവിടെ നിന്ന് മാറി നിന്നോളാം, അത് ആരോടെങ്കിലും ഉള്ള ദേഷ്യം കൊണ്ടല്ലാട്ടോ. കവിൾ നന്നായി പൊട്ടിയിട്ടുണ്ട്, മാമിയുടെ അഞ്ച് വിരലുകൾ എന്റെ മുഖത്ത് തന്നെ കിടപ്പുണ്ട്. അല്ല എനിക്കത് കിട്ടേണ്ടത് തന്നെയാണ്. ഇനി മുത്തശ്ശനും മുത്തശ്ശിയും കണ്ടാൽ ചോദിക്കും, അപ്പോ എന്റെ മാനം കപ്പൽ കേറും. അതോണ്ടാ ഭക്ഷണം കഴിക്കാൻ വരാതിരുന്നത്. അവരുടെ ഉറക്കം എണീക്കുമ്പോഴേക്കും ഞാൻ തൽക്കാലം ഇവിടെ നിന്ന് മാറി നിൽക്കാം. തൃശൂർ ഉള്ള ഫ്രണ്ടിന്റെ വീട്ടിൽ പോവാട്ടോ. വീണ്ടും ഒരായിരം സോറി.”

മെസേജ് വായിച്ച് കഴിഞ്ഞ് കൂടെ ഉള്ള ഫോട്ടോ സൗമ്യ ഡൗൺലോഡ് ചെയ്തു നോക്കി.
ഒരു നോട്ടമേ നോക്കാൻ കഴിഞ്ഞൊള്ളൂ, രാഹുലിന്റെ കവിൾ തിണർത്ത് വീർത്തിട്ടുണ്ട്, മുഖത്ത് തന്റെ അഞ്ച് വിരലുകൾ അങ്ങനെ തന്നെ കിടപ്പുണ്ട്. മുഖം വീങ്ങി ചോര കല്ലച്ച് ഒരു കരിവാളിപ്പ് കയറിയിട്ടുണ്ട്.

രാഹുലിന്റെ മുഖം കണ്ട് സൗമ്യയുടെ നെഞ്ച് പൊള്ളി. അവളുടെ കണ്ണുകൾ ഇറാനണിഞ്ഞു.
അടിച്ചത് കൂടിപ്പോയി എന്നവൾക്ക് തോന്നി.
അവൾ വേഗം എഴുന്നേറ്റ് ഡോർ തുറന്ന് രാഹുലിന്റെ റൂമിലേക്ക് ഓടി.
ഡോർ തള്ളിത്തുറന്ന് അകത്ത് കയറിയ സൗമ്യ കണ്ടത് വലത് കവിൾ തലയിണയിൽ വെച്ച് അടി കൊണ്ട ഇടത് കവിൾ മുകളിലേക്ക് വെച്ച് ഇങ്ങോട്ട് തിരിഞ്ഞ് ചെരിഞ്ഞ് കിടക്കുന്ന രാഹുലിനെ ആണ്.