Chapter Title : സീതായനം [Mani Kuttan]

കവലയിലെത്തിയപ്പോഴാണ് തേങ്ങയുടെ മാർക്കറ്റ് രാധേച്ചി അന്വേഷിക്കാൻ പറഞ്ഞത് ഓർമ്മ വന്നത്, കവലയിലെ മൊത്തവ്യാപാര കടയുടെ മുൻപിൽ ഞാൻ ബൈക്ക് നിർത്തി. "എന്താടാ ഇവിടെ നിർത്തിയത്"? "നീ ഇവിടെ നിൽക്ക് ഞാൻ ഇപ്പൊ വരാം" പറഞ്ഞ് ഞാൻ കടയിലേക്ക് കയറി വില ചോദിച്ച് തിരിച്ചു വന്നു "നിന്ന് മനോരാജ്യം കാണാതെ വന്ന് കയറടാ" ഞാൻ വന്നതു പോലും അറിയാതെ ചിന്തയിൽ മുഴുകി നിൽക്കുകയായിരുന്നു അവൻ. "ആട്ടെ നീ ഇഷ്ട്ടമാണെന്നു പറഞ്ഞപ്പോ അവളെന്താ പറഞ്ഞേ"? ബൈക്ക് മുന്നോട്ട് എടുക്കുന്നതിനിടയിൽ ഞാൻ അവനോടു ചോദിച്ചു . "എൻ്റെ പൊന്നളിയാ .. ഞാൻ ഇഷ്ട്ടമാണെന്നു പറഞ്ഞപ്പോ അവൾ എന്നോടു ചോദിക്കുവാ കെട്ടി കൂടെ പൊറുപ്പിക്കാനാണോ? അതോ നീ ചോദിച്ച പോലെ നേരം പോക്കിനാണോന്ന് കെട്ടാൻ തന്നെയാണെന്നു പറഞ്ഞപ്പ ദേ അടുത്തത് എൻ്റെ അച്ചൻ നായരു മാർക്കേ കെട്ടിച്ചു കൊടുക്കൂ അതുകൊണ്ട് ഒരു ഒളിച്ചോട്ടം വേണ്ടിവരും അതിനുള്ള ധൈര്യം ഇപ്പോഴെ ഉണ്ടാക്കി ക്കൊള്ളാൻ അതും കഴിഞ്ഞു പറയുവാ ഇവിടെ നിന്ന് അധികം സംസാരിക്കാൻ പറ്റില്ല നാളെ അവൾ പഠിക്കുന്ന സ്കൂളിനടുത്ത് വൈകിട്ടു വരാൻ എനിക്കൊരു സംശയം ഞാനവളെയൊണോ അവളെന്നേയാണോ പ്രൊപ്പോസ് ചെയ്തത്"? "ഹ ഹ ഹ നിനക്കു പറ്റിയ കക്ഷി തന്നെ അവളും കട്ടക്കു തന്നെ ആണെടാ". പറഞ്ഞ് ഞങ്ങൾ എൻ്റെ വീടിനടുത്തെത്തി ഞാൻ വീട്ടിനു മുൻപിൽ വണ്ടി നിർത്തി "ഇറങ്ങി നീ കയറുന്നുണ്ടോ"? "ഓ ഇല്ലെടാ ഞാൻ പോകുവാ" "എന്നാ രാവിലെ കാണാം നാളെ കൂടിയല്ലേ ക്ലാസ്സുള്ളൂ ക്രിസ്തമസ് വെക്കേഷനല്ലേ" "പൊന്നുമോനെ നാളെ ചിലവ് കിട്ടിയില്ലേ എൻ്റെ സ്വഭാവം നീ അറിയും". "ആ