Chapter Title : സീതായനം [Mani Kuttan]

മൂലം മരിച്ച അച്ചൻ്റെ ജോലി അമ്മക്ക് ലഭിച്ചെങ്കിലും ആസ്തമ രോഗിയായിരുന്ന അമ്മക്ക് അതിനുള്ള ത്രാണി പോലും ഉണ്ടായിരുന്നില്ല. എന്നാലും പത്താം ക്ലാസിൽ മൂന്നാം റാങ്കു വാങ്ങിയ മകൻ്റെ ഭാവിയോർത്ത് ഏറ്റെടുക്കുകയായിരുന്നു, അതു മനസ്സിലാക്കി തന്നെയാണ് പ്ലസ് ടുവിനും റാങ്ക് ലക്ഷ്യമാക്കി പഠിച്ചതും നേടിയതും.എൻജിനീയറിങ്ങിന് തൃശൂർ തന്നെ തിരഞ്ഞെടുത്തത് അമ്മയെ തനിച്ചാക്കി പോകാനുള്ള വിഷമം കൊണ്ടാണ്.

***************************************************** കുളി കഴിഞ്ഞ് നനഞ്ഞ തോർത്ത് ഇറയത്തു വിരിക്കുന്നതിനിടയിലാണ് അമ്മ മുടിയിൽ പിടിമുറുക്കിയത് "ഇത്രേം വളർന്നിട്ടും കുളി കഴിഞ്ഞാ തലതു വർത്തനറിയില്ല. അല്ലെങ്കിലേ നട്ടുച്ചക്കാ കുളി കഴിഞ്ഞേ വല്ല നീർവീഴ്ചയുo വരും" എന്നും പറഞ്ഞമ്മ ഉണങ്ങിയ തോർത്തെടുത്ത് തോർത്താൻ തുടങ്ങി ഇതു പതിവുള്ളതാണ്.പിന്നെ എനിക്ക് ഇഷ്ട്ടമുള്ള പരിപാടി ആയതു കൊണ്ട് അങ്ങ് നിന്നു കൊടുക്കും. "നിന്നെ ആ രാധ അന്വേഷിച്ചിരുന്നു. ചോറുണ്ട് കഴിഞ്ഞിട്ടൊന്നങ്ങോട്ട് ചെല്ല്". "എന്തിനാ അമ്മേ.." ? "അറിയില്ലടാ.. നീ വന്നാ അങ്ങോട്ട് ചെല്ലാൻ പറഞ്ഞു". "ഹം.. ശരി ചോറെടുത്തു വെക്കമ്മേ"

രാധേച്ചി ഞങ്ങളുടെ അയൽപക്കമാണ് ഒരു മതിൽ വ്യത്യാസം മാത്രം എന്നാലും അങ്ങോട്ടു മിങ്ങോട്ടും പോക്കുവരവിനു വേണ്ടി ഒരു ചെറിയ ഗേറ്റ് അടക്കള വശത്തുണ്ട് രാധേച്ചിയുടെ ഭർത്താവ് ദിവാകരേട്ടൻ മിലിട്ടറിയിലാണ് കല്യാണം കഴിഞ്ഞ് 10 വർഷത്തോളം ആയെങ്കിലും ഇതുവരെ കുട്ടികളൊന്നുമായിട്ടില്ല. ആ വീട്ടിൽ ആകെയുള്ളത് രാധേച്ചിയും ദിവാകരേട്ടൻ്റെ അമ്മയും മാത്രമാണ്.

ചോറുണ്ട് കഴിഞ്ഞ് അടുക്കള വശത്തിലൂടെ ഞാൻ രാധേച്ചിയുടെ പറമ്പിലേക്ക് കയറി. മുൻവശത്തെ മുറ്റം വളര കുറവാണെങ്കിലും വീടിനോടു ചേർന്നു തന്നെ 50 സെൻ്റ് സ്ഥലം പുറകിലേക്കുണ്ട് അതിൽ നിറയെ തെങ്ങും കവുങ്ങും.

"രാധേച്ചീ.." "ആ.. മനു കേറിവാടാ"