Chapter Title : സീതയുടെ പരിണാമം 6 [Anup]

പൊക്കോ. ലഞ്ച് കഴിച്ചില്ലെങ്കില്‍ പുറത്തൂന്നു കഴിച്ചോ.. വീട്ടില്‍ എത്തി ഫ്രഷ്‌ ആയി ചായയും ഒക്കെ കുടിച്ചു കഴിയുമ്പോഴേക്കും ഞാനങ്ങ് എത്തിക്കോളാം... "
"ഹും... അതല്ല ഏട്ടാ!.... മറ്റെക്കാര്യം എങ്ങനെയാ അവനോടു പറയുന്നത്?.. ?..."
"ഏതു കാര്യം??" വിനോദ് ചിരിച്ചു..
"ചുമ്മാ പൊട്ടന്‍ കളിക്കല്ലേ?.... ഏട്ടനും കൂടി അറിഞ്ഞോണ്ടാ എല്ലാം എന്ന കാര്യം!!!" സീതയ്ക്ക് ശരിക്കും ദേഷ്യം വന്നു....
"അതൊക്കെ ഞാന്‍ മാനേജ് ചെയ്തോളാം... വൈകിട്ട് ഡിന്നര്‍ നമുക്ക് പുറത്താണ്.. നമ്മള്‍ മാത്രം... അവനേം കൊണ്ട് ബാറില്‍ പോകാന്‍ ആണെന്ന് പറഞ്ഞാ മതി.. അപ്പൊ അവരെ കൊണ്ടുപോകാന്‍ പറ്റില്ലല്ലോ?.. തിരിച്ചു ഞങ്ങള്‍ക്കു വണ്ടി ഓടിക്കാന്‍ കഴിയാത്തതുകൊണ്ട് നീ ഡ്രൈവര്‍ ആയിട്ട് വരുന്നു.... അപ്പൊ എല്ലാം ശുഭം.... ഓക്കെ??" വിനോദ് ചോദിച്ചു.. സീതയ്ക്ക് പൂര്‍ണ തൃപ്തി ആയിരുന്നില്ല.. എങ്കിലും അവള്‍ തലകുലുക്കി...
"ങ്ഹാ പിന്നെ... അവിടെ പോകുമ്പോ നീ നിന്‍റെ ആ യെല്ലോ പാര്‍ട്ടി സാരി ഇല്ലേ?... അന്നു റിസോര്‍ട്ടിന്‍റെ ആനുവല്‍ സെലിബ്രേഷന് ഇട്ടത്?.. അത് വേണം ഉടുക്കാന്‍..."
"അതെന്തിനാ?....."
"കാര്യമുണ്ട് പെണ്ണേ..... പറയുന്നത് അങ്ങോട്ട്‌ കേട്ടാല്‍ മതി...."
"ശ്ശോ... അതിന്‍റെ ബ്ലൌസ് ഒക്കെ എവിടെയാണെന്ന് അറിയില്ല ഏട്ടാ...." എല്ലാ സ്ത്രീകള്‍ക്കും ഉള്ള പ്രശ്നം. അങ്ങോട്ടൊരു കാര്യം പറഞ്ഞാല്‍ എന്തെങ്കിലും ഒരു ഉടക്കും കൊണ്ട് വരും.
"തപ്പിപ്പിടിക്കണം.. ഇല്ലെങ്കില്‍ നാളെ പോയി ഒരെണ്ണം തൈപ്പിക്കണം... വ്യാഴം, വെള്ളി, ശനി വൈകിട്ട് വരേ സമയമുണ്ട്... എന്താ പറ്റില്ലേ??" വിനോദ് ലേശം കലിപ്പില്‍ പറഞ്ഞു.. സീത ഒതുങ്ങി...
അന്നു വൈകിട്ട് എല്ലാരും ഒരുമിച്ചു ഡിന്നര്‍ കഴിക്കുമ്പോള്‍ വിനോദ് ഹരിയുടെ വരവിനെക്കുറിച്ചുള്ള വാര്‍ത്ത അറിയിച്ചു..
"ങ്ങാ.... ഒരു കാര്യം പറയാന്‍ ഞാന്‍ വിട്ടു പോയി.. നമ്മുടെ ഹരിയില്ലേ? അവന്‍ വീക്ക്‌ ഏന്‍ഡ് കൊച്ചീല്‍ വരുന്നുണ്ട്.. എന്തോ പ്രോജെക്ടിന്റെ ആവശ്യത്തിനു കൊച്ചിന്‍ യൂണിവേര്‍‌സിറ്റി പോകാന്‍ ഉണ്ടത്രേ... "
"ങ്ഹാ... അവന്‍ എനിക്ക് മെസേജ് ഇട്ടിരുന്നു...." സീത ഭാവം മാറാതെ പറഞ്ഞു...
"ആരാ മോനേ?.. സീതയ്ക്ക് എങ്ങനെയാ പരിചയം??" സീതയുടെ അമ്മ ചോദിച്ചു...
"എന്‍റെയൊരു അകന്ന ബന്ധത്തിലുള്ള പയ്യനാ അമ്മേ... അവരങ്ങ് പാലക്കാടാ... ഇവന്‍ മംഗലാപുരത്ത് എന്‍ജിനീയറിംഗ് പഠിക്കുന്നു..