Chapter Title : സീതയുടെ പരിണാമം 9 [Anup]
തേച്ചുപിടിപ്പിച്ചു...
"ശ്ശോ... ഷോര്‍ട്ട്സിട്ടത് പണിയാവുമോ?....." സീതയ്ക്ക് സംശയം....
"ഇല്ല... ഇത് തേച്ചാല്‍ പിന്നെ പിടിക്കൂല്ല... മുകളില്‍ ചെല്ലുമ്പോ ഒന്നൂടെ തേച്ചോ..." വിനോദ് ധൈര്യപ്പെടുത്തി...
അവര്‍ വീട് പൂട്ടിയിറങ്ങി.. ചുറ്റുമതിലിന്‍റെ ബായ്ക് ഗെയിറ്റ് തുറന്ന് പുറത്തിറങ്ങി. അവിടെനിന്നും മലകയറ്റം തുടങ്ങുകയായിരുന്നു...
ഉരുളന്‍ കല്ലുകളും കാപ്പിക്കുറ്റികളും നിറഞ്ഞ ചെറിയൊരു കുന്നുകയറിയപ്പോള്‍ ടെറെയിന്‍ മൊത്തം മാറി... മുന്നില്‍ കഷ്ട്ടിച്ചൊരു പത്തു മീറ്ററ് വീതിയുള്ള പച്ചപ്പ്‌നിറഞ്ഞ മലമ്പാത. ഇരുവശത്തും കൊക്കയാണ്.. നിറയെ പുല്ലും, ഈന്തിന്റെ ഇനത്തില്‍പ്പെട്ട ഒരുതരം ചെടികളും, അവയ്ക്കിടയില്‍ക്കൂടി മുകളിലേക്ക് ഇഴഞ്ഞു കയറുന്ന നടവഴിയും....
അവിടെനിന്നും ഉദ്ദേശം ഇരുപതു മിനിറ്റോളം നേരെ കയറ്റമായിരുന്നു... പ്രകൃതി മഞ്ഞിന്‍റെ മൂടുപടം ലേശം ഉയര്‍ത്തി തന്‍റെ വശ്യത കുറേശെയായി അവര്‍ക്കു മുന്‍പില്‍ വെളിവാക്കിക്കൊണ്ടിരുന്നു...
മുകളില്‍ ഒരു ചെറിയ പാറക്ക് സമീപത്തു ചെന്നപ്പോള്‍ പെട്ടെന്ന് കയറ്റം അവസാനിച്ചു.. അവര്‍ ഏറ്റവും മുകളില്‍ എത്തിയിരിക്കുന്നു... മൊട്ടക്കുന്നാണ്... പച്ചവിരിച്ച കുന്നിന്‍മുകള്‍... കുറച്ചു പാറകളും മറ്റും ഉണ്ട്... അവര്‍ കയറിവന്ന വശം ഒഴികെ ബാക്കിയെല്ലായിടവും കൊക്ക..
സീത അവനെനോക്കി നിറഞ്ഞു ചിരിച്ചു.. പിന്നെ ഒരു പതിനാറുകാരിയേപ്പോലെ ഓടി ഒരു പാറയുടെ പുറത്തു കയറി കൈകള്‍ വിരിച്ചു കണ്ണടച്ചു നിന്നു തണുത്ത കാറ്റും ശുദ്ധമായ വായുവും ആസ്വദിച്ചു......
"രാവിലെ നിങ്ങളെയും കൂട്ടി ഇവിടെ വരാന്‍ ആയിരുന്നു എന്‍റെ പ്ലാന്‍... ഹി ഹി..." തോളില്‍ നിന്നും ബാഗ് എടുത്ത് പാറപ്പുറത്ത് വെച്ചുകൊണ്ട് വിനോദ് പറഞ്ഞു...
"ഈ ലൊക്കേഷന്‍ കണ്ടാണ്‌ ഞാന്‍ പ്രോപ്പര്‍ട്ടി വാങ്ങാന്‍ തീരുമാനിച്ചത്..." ഉള്ളതില്‍ ഏറ്റവും വലിയ പാറയുടെ താഴെ പാറയില്‍ ചാരിയിരുന്നുകൊണ്ട് വിനോദ് പറഞ്ഞു..
"ഉം... സൂപ്പര്‍.... അടിപൊളി ലൊക്കേഷന്‍ തന്നേ...
💬 Comments
View all comments