Chapter Title : സേവ് ദ ഡേറ്റ് [ജംഗിള്‍ ബോയ്‌സ്]

അവള്‍ കീഴ്‌പ്പെടുത്തിയപോലെ തോന്നി. നേരിട്ട് കാണണം, അതാണ് മനസിലെ ഏക ചിന്ത. ഫ്‌ളൈറ്റിന്റെ വിന്‍ഡോ സീറ്റിലിരുന്ന് പുറം കാഴ്ച കണ്ടുകൊണ്ടിരിക്കുമ്പോളും അവളുടെ മുഖം മനസിലേക്ക് ഓടിയെത്തി. കയ്യിലെ മൊബൈല്‍ ഓണ്‍ ചെയ്ത് ഗാലറിയില്‍ നിന്ന് ഫോട്ടോയെടുത്ത് നോക്കി. ചിരിച്ചുകൊണ്ടിരിക്കുന്ന അവളുടെ മുഖത്തേക്ക് ഞാന്‍ ചെറുപുഞ്ചിരിയോടെ നോക്കി. അടുത്തിരിക്കുന്ന ഒരു യാത്രക്കാരന്‍ അവളുടെ ഫോട്ടോ എന്റെ ഫോണില്‍ കണ്ടു അതിലേക്ക് സസൂക്ഷ്മം നോക്കുന്നു. അയാള്‍ അവളുടെ സൗന്ദര്യം ആസ്വദിക്കുന്നു. ഞാന്‍ വേഗം ഫോണിന്റെ ഡിസ്‌പ്ലേ ഓഫാക്കി. അത് അയാളില്‍ നീരസം ഉണ്ടാക്കി. അയാള്‍ വേഗം മുഖം മാറ്റി. ഹോ കൂട്ടുകാര്‍ ക്ഷമിക്കണം. ഞാന്‍ എന്നെ പരിചയപ്പെടുത്താന്‍ മറന്നു. രാവിലെ പെട്ടിയും പാക്ക് ചെയ്ത് നാട്ടിലേക്കുള്ള യാത്രയായതുകൊണ്ടും മനസില്‍ കെട്ടാന്‍ പോവുന്ന പെണ്‍കുട്ടി സ്ഥാനമുറപ്പിച്ചതുകൊണ്ടും പരിചയപ്പെടുത്താന്‍ കഴിഞ്ഞില്ല. സോറി. എന്റെ പേര് അനുരാഗ്. ഞാന്‍ ദുബായിലെ ഒരു കമ്പനിയില്‍ എന്‍ജിനീയറായി എട്ടുവര്‍ഷം ജോലി ചെയ്യുന്നു. ഒരുപാട് മലയാളി കൂട്ടുകാര്‍ ഉണ്ട്. അധികവും വെള്ളടിയും പെണ്ണുമായി നടക്കുന്നവര്‍. ഞാന്‍ ആദ്യമേ പറയാം. എനിക്ക് വെള്ളടിയുമില്ല, പെണ്ണുപിടിയുമില്ല. വളരെ ഡീസന്റ്. കൂട്ടുകാര്‍ അലമ്പന്മാര്‍ ആയതുകൊണ്ട് കല്ല്യാണകാര്യമൊന്നും അവരോട് ഞാന്‍ പറഞ്ഞിട്ടില്ല. എനിക്ക് 32 വയസുണ്ട്. ഉയരം അഞ്ചടി ആറിഞ്ച് വരും. നിറം കറുപ്പിനോട് അടുത്ത് നില്‍ക്കുന്നു. എന്നെ കണ്ടവര്‍ ആരും ഇരുനിറം എന്ന് പറയില്ല. കാരണം കറുപ്പിന്റെ തൊട്ടെതാഴെയാണ് എന്റെ നിറം. നാട്ടില്‍ അച്ഛന്‍ കൂലിപ്പണിയാണ്. കുറെയായി ജോലിക്ക് ഒന്നും പോവുന്നില്ല. പിന്നെ അമ്മ. അമ്മ ഹൗസ് വൈഫാണ്. പിന്നെയുള്ളത് ഒരു പെങ്ങളാണ്. അതായത് എന്റെ ചേച്ചി. ചേച്ചിയുടെ പ്രായം 37. കല്ല്യാണം