Chapter Title : ഷഹാന IPS : ഒരു സര്‍വീസ് സ്റ്റോറി 3 [SmiTHA]

ഞാൻ താങ്കളുമായി വീണ്ടും ബന്ധപ്പെടാം," മോണിറ്ററിലെ നിറമുള്ള ദൃശ്യങ്ങൾ മാഞ്ഞു.

അദ്ദേഹം കസേരയുടെ പിമ്പിലേക്ക് ചാഞ്ഞു.

"ഇനി എന്ത്?" അദ്ദേഹം സ്വയം ആലോചിച്ചു.

അദ്ദേഹം വീണ്ടും മുമ്പിലെ ചുവന്ന നിറമുള്ള കട്ടിയുള്ള കടലാസിലേക്ക് നോക്കി. 31 22 81 40 50 81 N F I W V I ഇക്കാണുന്ന അക്ഷരങ്ങളും അക്കങ്ങളും എന്തെങ്കിലും ഗൗരവമായ സന്ദേശം കൈമാറുന്നുണ്ടോ? അല്ലെങ്കിൽ ഇവ ആവരുടെയെങ്കിലും വികൃതിയാണോ പോലീസ് ഡിപ്പാർട്ട്മെൻറ്റിനെ പൊട്ടൻ കളിപ്പിക്കാൻ? അദ്ദേഹം ടെലിഫോൺ എടുത്തു. "ദിലീപേ. ഇങ്ങോട്ടു വാ," അദ്ദേഹം പറഞ്ഞു. പിന്നെ റിസീവർ ക്രെഡിലിൽ വെച്ചു. അൽപ്പ നിമിഷതിനുള്ളിൽ ദീർഘകായനായ നാല്പത്തിനടുത്ത, സർക്കിൾ ഇൻസ്പെക്റ്റർ ദിലീപ് മഹേശ്വറിന്റെ രൂപം കതകിന്റെ ഗ്ളാസ് കവറിങ്ങിനു വെളിയിൽ പ്രത്യക്ഷമാക്കുന്നത് അദ്ദേഹം കണ്ടു. അകത്തേക്ക് വരാൻ അദ്ദേഹം ആംഗ്യം കാണിച്ചു. ദിലീപ് മഹേശ്വർ അകത്ത് വന്ന് അദ്ദേഹത്തിന്റെ മുമ്പിൽ നിന്നു. "ഇരിക്ക് ദിലീപേ," "എന്തായി സാർ? സ്‌കോട്ട്ലാൻഡ് യാർഡിൽ നിന്ന് എനി പോസിറ്റിവ്...?" "എന്ത് പോസിറ്റിവ്?" നിരാശ നിറഞ്ഞ സ്വരത്തിൽ ഡി ജി പി പറഞ്ഞു. "സിനിമേലും ഒക്കെ മാത്രവേ ഒള്ളന്നേ അവമ്മാരുടെ കൊണവതിയാരവൊക്കെ!, നമ്മടെ സ്വന്തം ക്രിപ്റ്റോളജി ഡിപ്പാർട്ട്മമെന്റ്റുമായി ഡിസ്‌ക്കസ്‌ചെയ്യാൻ! പിടി കിട്ടുന്നില്ല എന്നതാ ഇനി ചെയ്യണ്ടേന്ന്!" അമർഷത്തോടെ മാത്തൂരാൻ പറഞ്ഞു. "അതിനു അവളുടെ റെക്കമെൻഡേഷൻ വേണോ? നമക്ക് അറീത്തില്ലേ? നമക്ക് എവിടെയാ ദിലീപേ ക്രിപ്റ്റോളജി? സൈബർ സെല്ലിന് അങ്ങനെ പേരിന് ഒരു സബ്ബ് ഡിപ്പ് ഒണ്ടെന്നല്ലാതെ...!" ദിലീപ് മഹേശ്വർക്ക് ഡി ജി പിയുടെ നിരാശയുടെ ആഴം മനസ്സിലായി. "ആരെയാ ഈ കോഡ് ഒന്ന് ബ്രെക്