Chapter Title : ഷഹാന IPS : ഒരു സര്‍വീസ് സ്റ്റോറി 3 [SmiTHA]

....അല്ലെ?" "യെസ് സാർ..." ഷഹാന പറഞ്ഞു. എനിക്ക് കിട്ടിയ രണ്ടു കവറുകളുടെയും ഓപ്പണിങ് ഭാഗത്ത് ആ സ്മെൽ ഉണ്ടായിരുന്നു ..സംതിങ് ലൈക് ബ്ലഡ്!!" ദിലീപ് മഹേശ്വർ ഷഹാനയുടെ വാക്കുകൾ ശ്രദ്ധിച്ചു. "സാറിന് ഇന്നലെ കിട്ടിയ കവറിൽ ഈ മെസേജ് ആയിരുന്നോ?" തന്റെ കയ്യിലെ ഒരു കവർ അഴിച്ച് അതിൽ നിന്ന് ഒരു ചുവന്ന പേപ്പർ എടുത്ത് അദ്ദേഹത്തിന്റെ കണ്ണുകൾക്ക് നേരെ പിടിച്ച് അവൾ ചോദിച്ചു. അദ്ദേഹം അതിലേക്ക് നോക്കി. 31 22 81 40 50 81 N F I W V I "അതെ ...അതുതന്നെ...!" അദ്ദേഹം വിസ്മയത്തോടെ അവളെയും ദിലീപ് മഹേശ്വറേയും മാറി മാറി നോക്കി. "സാർ അതിലെ മെസേജ് ഡെസിഫർ ചെയ്തോ?" അവൾ ചോദിച്ചു. "പിന്നേ! സ്‌കോട്ട്ലാൻഡ് യാഡിലെ ഒന്നാന്തരം ക്രിപ്റ്റോളജിസ്റ്റുകൾക്ക് പറ്റുന്നില്ല! ...ഷഹാന ട്രൈ ചെയ്തോ?" അവൾ പുഞ്ചിരിക്കാൻ ശ്രമിച്ചു. ദിലീപ് അത് ശ്രദ്ധിച്ചു. ഡി ജി പിയും അവളുടെ പുഞ്ചിരി ശ്രദ്ധിച്ചു. "ട്രൈഡ്...." "ആൻഡ്...?" അദ്ദേഹം ആകാംക്ഷയോടെ ചോദിച്ചു. "ആൻഡ് ...ഐ തിങ്ക് ഐ ബ്രെക് ..ദ കോഡ്...!" അവൾ സാവധാനം പറഞ്ഞു. "ങ്ഹേ?" ഡി ജി പി ജോസഫ് മാത്തൂരാനും സർക്കിൾ ഇൻസ്പെക്റ്റർ ദിലീപ് മഹേശ്വറും അവിശ്വസനീയതയോടെ പരസ്പ്പരം നോക്കി. *********************************************************************

പുറത്ത് ഇളംകാറ്റ് കാറ്റാടി മരങ്ങളിൽ താളമിടുന്നത് നോക്കി ഡോക്റ്റർ നർഗ്ഗീസ് ഹനീഫ് മാഗസിന്റെ പേജുകൾ മറിച്ചു. എയിംസിന്റെ ഔദ്യോഗിക പ്രസിദ്ധീകരണമാണ് ആ വൈദ്യമാസിക. ഇടയ്ക്കിടെ നർഗ്ഗീസ് അതിൽ ലേഖനങ്ങൾ എഴുതാറുണ്ട്. കാറ്റ് ചിലപ്പോഴൊക്കെ അവളുടെ മനോഹരമായ മുടിയിഴകളെ പിടിച്ചുലയ്ക്കുന്നുണ്ട്. റോസ് നിറത്തിൽ ചുവന്ന ഡിസൈനുള്ള