Chapter Title : ഷഹാന IPS : ഒരു സര്‍വീസ് സ്റ്റോറി 5 [SmiTHA]

നിനക്ക് എന്റെ കുഞ്ഞുങ്ങളുടെ അമ്മയാകാൻ കഴിയില്ല , എനിക്ക് നിന്റെ കുട്ടികളുടെ അച്ഛനാകാൻ കഴിയില്ല...നീ വീട്ടിലെത്താൻ വൈകുമ്പോൾ നിന്നെ അന്വേഷിച്ച് എനിക്ക് പുറപ്പെട്ട് വരാൻ കഴിയില്ല, ഞാൻ മൃതദേഹമായി നമ്മുടെ വീടിന്റെ വരാന്തയിൽ കിടക്കുമ്പോൾ എന്നെയോർത്ത് അലമുറയിടാൻ നിനക്ക് കഴിയില്ല...."

"...കാരണം നീ മുസ്ലീമാണ്..."

അയാളെ തുടരാനനുവദിക്കാതെ അവൾ പറഞ്ഞു.

"കാരണം ഞാൻ ഹിന്ദുവാണ്..കാരണം നമ്മുടെ മതങ്ങൾ നമ്മെ ഒരുമിച്ച് ജീവിക്കാൻ അനുവദിക്കില്ല..."

"വൗ!!"

അയാൾ അവളെ അഭിനന്ദിച്ച് നോക്കി.

"എൽ കെ ജിയിൽ ആയിരുന്ന നീ പെട്ടെന്ന് മാസ്റ്റേഴ്സ് എടുത്തിരിക്കുന്നു “തിരിച്ചറിവ്” എന്ന സബ്ജക്റ്റിൽ ഋതുജാ " അവൾ അയാളെ നോക്കി മന്ദഹസിച്ചു. അടുത്തിരിക്കയായിരുന്ന അയാൾക്ക് അവളെ ഒന്നാലിംഗനം ചെയ്യണം എന്ന് തോന്നി. ശരത്കാലത്തിന്റെ നനവ് പടർന്ന അവളുടെ ചുവന്ന അധരം ഒന്ന് കടിച്ചെടുക്കാനും.

"നീയെന്താ ഓർക്കുന്നെ?"

അവൾ ചോദിച്ചു.

ഉത്തരം പറയാതെ അയാൾ വെറുതെ അവളെ നോക്കി പുഞ്ചിരിക്കുക മാത്രം ചെയ്തു.

"ഞാൻ ഓർക്കുന്ന കാര്യം തന്നെയാണോ ഫൈസൽ നീയുമോർക്കുന്നത്?"

"എന്താ നീയോർക്കുന്നെ?"

"നീയോർക്കുന്ന അതേ കാര്യം തന്നെ,"

"ഞാൻ ഓർത്തത് നിന്നെ ഒന്ന് കെട്ടിപ്പിടിക്കാനാണ്. നിന്നെ ചുംബിക്കാനാണ്,'

"ഞാനും ഓർത്തത് നിന്നെ കെട്ടിപ്പിടിക്കാനാണ്...നിന്നെ ചുംബിക്കാനാണ്..."

ശിവാലിക്കിനപ്പുറത്ത് നിന്ന് തുമ്പികൾ പറന്നു വരാൻ തുടങ്ങി. വെയിൽ നാളത്തിന്റെ സുതാര്യതയിലേക്ക് പരാഗരേണുക്കള് പോലെ മഞ്ഞച്ചിത്ര ശലഭങ്ങൾ ഒഴുകിവരാനും. കാറ്റ്‌ പ്രണയരാഗമായി അവർക്കിടയിൽ നിന്ന് ഘനീഭവിച്ചു. ദൂരെ നിന്ന് ചുവപ്പും പച്ചയും കലർന്ന ചിറകുള്ള ദേശാടനപ്പക്ഷികൾ അവർ ഇരിക്കുന്നിടത്തേക്ക് പറന്നുവന്ന് വടവൃക്ഷത്തിന്റെ ശിഖരങ്ങളിൽ ഇരുന്നു.

"നിനക്ക് മുമ്പ് എന്നെക്കാണുമ്പോൾ അങ്ങനെ തോന്നിയിട്ടുണ്ടോ ഫൈസൽ?"

അവന്റെ ഉത്തരത്തിന് കാത്തിട്ടെന്നത്