Chapter Title : ഷഹാന IPS : ഒരു സര്‍വീസ് സ്റ്റോറി 5 [SmiTHA]

പോലെ കാറ്റും വെയിലും നിശ്ചലമായി.

"രാത്രിയിൽ ഉറക്കം വരുവോളവും അതൊക്കെ ഓർക്കും..നേരിൽ കാണുമ്പോൾ നിന്നെ തൊടണമെന്നു കൊതിച്ച് ആഗ്രഹിക്കും ...നിന്നെ ഉമ്മ വെക്കണമെന്നും ഒക്കെ..."

ശിഖരങ്ങളിലിരുന്ന് ദേശാടനപ്പക്ഷികൾ കുറുകി...

"ചിലപ്പോൾ..."

അവന്റെ വാക്കുകൾ സാവധാനമായി. നീലനിറമുള്ള കനവുകൾ അവന്റെ കണ്ണുകൾക്ക് മയക്കംനൽകി. അവൾ അവന്റെ കണ്ണുകളിലേക്ക് ഉറ്റുനോക്കി.

"ഈ പുഴയിൽ നീ അരയൊപ്പം വെള്ളത്തിൽ..."

"ഫൈസൽ...!"

അവളുടെ ശബ്ദം കാതരമായി.

"എന്താ...ഞാൻ പറയുന്നത് നിനക്ക് ഇഷ്ടമല്ലാതെ വരുന്നുണ്ടോ...?"

കണ്ണുകളിൽ നിന്ന് മയക്കം വിടാതെ ഫൈസൽ ചോദിച്ചു. "ഇല്ല നീ പറയൂ..."

അവളുടെ ഉഛ്വാസ വായു അവന്റെ കവിളിലെ തൊട്ടു. അതിലെ ചൂട് തന്റെ ഞരമ്പുകളിലെ രക്തയോട്ടം കൂട്ടുന്നത് ഫൈസൽ അറിഞ്ഞു.

"അതിപ്പോൾ ഞാൻ...രാത്രിയിൽ കിടക്കുമ്പോൾ..."

ഫൈസൽ ഓരോ വാക്കും നിർത്തി നിർത്തി സാവധാനം, അവളുടെ കണ്ണുകളിൽക്ക് നോക്കി പറഞ്ഞു.

അവന്റെ കണ്ണുകളിലേക്ക് നോക്കുമ്പോൾ തന്റെ ഭാരമെല്ലാം നഷ്ടപ്പെടുന്നത് പോലെ അവൾക്ക് തോന്നി.

ഇളംകാറ്റിലെ ഇലയെപ്പോലെ...

ആഷാഢമാസത്തിലെ നിലാവിലും രാപ്പക്ഷികളുടെ ചിറകടിയിലും യമുനാ നദിയുടെ ഓളങ്ങൾ എങ്ങനെയാണ് ഉലയുന്നത്? അതുപോലെ. "നീ മുടിയഴിച്ച്, മുടി മുഴുവൻ വെള്ളത്തിൽ നനഞ്ഞ്...നിന്റെ ദേഹം നിറയെ പവിഴമണികൾ പോലെ ജലമുത്തുകൾ...അപ്പോൾ...അപ്പോൾ ...അവിടെ ..... നോക്ക് ..ശിവാലിക്കിന്റെ ആ അതിരിൽ നിന്ന് മയിൽപ്പീലികൾ പോലെ വെയിൽ രശ്മികൾ നിന്റെ ഉടലിനെ പൊതിഞ്ഞ്...."

ഋതുജയുടെ മുഖത്തെ നീരവഭാവം സുഗന്ധിയായ കാമത്തിലുലഞ്ഞു. അവളുടെ കണ്ണുകളിൽ പ്രണയാതിരേകം കൽവിളക്കിലെ ദീപനാളത്തേക്കാൾ തീവ്രമായി. യമുനയുടെ വേഗത്തിലേക്ക് ഒരു നിമിഷം അവളുടെ മിഴികൾ പോയി.

പാദസരമണിഞ്ഞ കാൽ അവൾ യമുനയുടെ ഓളത്തിൽ തൊട്ടപ്പോൾ ഫൈസൽ അങ്ങോട്ട് നോക്കി.

"പറയൂ..."

അവൾ മന്ത്രിച്ചു.