Chapter Title : ഷഹാന IPS : ഒരു സര്‍വീസ് സ്റ്റോറി 7 [SmiTHA]

അവരിരുവരും ആ കുട്ടികളിൽ കൗതുകമുണർത്തി. "അല്ല..ഞാൻ പഷ്തൂണിൽ നിന്നാണ്...എന്താ അങ്ങനെ ചോദിച്ചേ?"

കുട്ടികളുടെ നേരെ മനോഹരമായ ഒരു പുഞ്ചരിയെറിഞ്ഞ് അവൾ ചോദിച്ചു.

"ആണോ? പാഷ്തൂൺ ആണോ? പക്ഷെ നിങ്ങളുടെ മുഖം ഇന്ത്യൻ സിനിമകളിലെ ഹീറോയിൻപ്പോലെയുണ്ട്...പക്ഷെ നിങ്ങളുടെ സ്കിൻ ..ഇത്ര നിറം ലെബനീസിനെയുള്ളൂ..."

ഷഹാന ഫൈസലിന്റെ നേരെ തലയുയർത്തി കണ്ണുകൾ ഇളക്കി "എങ്ങനെയുണ്ട്?" എന്ന അർത്ഥത്തിൽ നോക്കി.

"അപ്പോൾ ഞാനോ?"

ഫൈസൽ അവരോട് പെട്ടെന്ന് ചോദിച്ചു.

"ഏത് ഹീറോയെപ്പോലെയാണ്?"

"യൂ റ്റൂ ഈസ് വെരി ഹോട്ട്...!"

സുന്ദരിയായ ഒരു പെൺകുട്ടി പൊട്ടിച്ചിരിച്ചുകൊണ്ട് പറഞ്ഞു.

"ഡോണ്ട് വറി മാഡം..."

അവൾ ചിരി അവസാനിപ്പിക്കാതെ ഷഹാനയെ നോക്കി.

"ഞാൻ നിങ്ങളുടെ ഹോട്ട് ഹബിയെ കിഡ്നാപ്പ് ചെയ്യുകയൊന്നുമില്ല..."

എല്ലാവരും ചിരിച്ചു.

"ലേറ്റാവുന്നു..."

ഷഹാന ചിരിച്ചുകൊണ്ട് വാച്ചുയർത്തി ഫൈസലിനെ കാണിച്ചുകൊണ്ട് പറഞ്ഞു.

"ഓഹോ.."

മറ്റൊരു പെൺകുട്ടി പറഞ്ഞു.

"ഉമ്മ കൊടുക്കുന്നത് കണ്ടപ്പോൾ ഈ ദിവസം മൊത്തം നിങ്ങൾ ഇവിടുന്ന് പോകും എന്ന് തോന്നിയില്ല...എന്നിട്ടാണ് ഇപ്പോൾ പോകാൻ തിരക്കാക്കുന്നത്!”

"ശ്യോ!"

ഷഹാന നാണത്തോടെ അവരെ നോക്കി. മിഴികളിലും ചുണ്ടുകളിലും വിടർന്ന ലജ്‌ജാ പുഷ്പ്പങ്ങളിലെ ഭംഗിയിലേക്ക് കുട്ടികൾ കണ്ണുകൾ മാറ്റാതെ നോക്കി.

ഷഹാന നോക്കുമ്പോൾ ഫൈസലും അവളുടെ നാണത്തിന്റെ ഗോപുരഭംഗി ആസ്വദിക്കുകയാണ്. "ഇൻസിയാ വരൂ,"

ഫൈസൽ ഷഹാനയെ വിളിച്ചു.

നാണത്തിൽ നിന്നും അവളുണർന്ന് ഗൗരവത്തോടെ ഫൈസലിനെ നോക്കി.

"ഓ, യെസ് ..."

അവൾ പെട്ടെന്ന് പറഞ്ഞു.

ആഘോഷത്തിന്റെ പര്യായം പോലെ അവർക്ക് മുമ്പിൽ കിടന്ന ക്ലിഫോൺ ബീച്ചിനെയും കുട്ടികളെയും വിട്ട് അൽപ്പം ദൂരെ പനമരങ്ങൾക്ക് താഴെ പാർക്ക് ചെയ്തിരുന്ന ഹോണ്ടാ അറ്റ്ലസ്സിന് നേരെ അവർ നടന്നു.

"ഫൈസൽ..."