Chapter Title : ഷഹാന IPS : ഒരു സര്‍വീസ് സ്റ്റോറി 7 [SmiTHA]

അയാൾ കാർ തിരിക്കുമ്പോൾ അവൾ വിളിച്ചു.

ഒരു നിമിഷം അയാൾ അവളെ നോക്കി.

"നിങ്ങൾ വിവാഹിതനാണ്..അച്ഛനാണ്...എന്നിട്ടും ഞാൻ നിങ്ങളെ..."

എന്താണ് പറയേണ്ടതെന്ന് ഫൈസൽ സന്ദേഹിച്ചു.

"മെഹ്‌നൂർ എനിക്കെല്ലാമാണ് …. അവൾക്ക് എല്ലാം ഞാനും…” അയാൾ പറഞ്ഞു. "പക്ഷെ ഋതുജ എന്റെ ജീവന്റെ ഭാഗം തന്നെയാണ്. എന്റെ പകലിൽ നിന്നും ഉറക്കത്തിൽ നിന്നും അവൾ ഇതുവരെ കടന്നുപോയിട്ടില്ല. മഹ്‌നൂരിന്റെ സ്നേഹമോ എന്റെ മോന്റെ ജീവിതമോ .ഒന്നിനും അവളെ എന്റെ ഓർമ്മയിൽ നിന്ന് പറിച്ചുകളഞ്ഞിട്ടില്ല....അപ്പോൾ അവളുടെ രൂപവും അവളുടെ ശബ്ദവും അവളുടെ മണവുമുള്ള ഒരു പെണ്ണ് നിന്റെ രൂപത്തിൽ എന്റെ ജീവിതതിന് നേരെ നേർ രേഖ വരച്ചുകൊണ്ട് മുമ്പിൽ വന്നുനിന്നാൽ..."

അവൾ അയാളുടെ വാക്കുകൾക്ക് കാതോർത്തു.

"അത് കൊണ്ട് ..മുമ്പ് നടന്നതിന്റെ മുഴുവൻ ഉത്തരവാദിത്തം നിങ്ങൾക്ക് മാത്രമല്ല..ഞാനും ..ഞാനും അതിൽ ഉത്തരവാദിയാണ്..."

കാർ ക്ലിഫ്റ്റൺ ബീച്ചിൽ നിന്നും സൈബുന്നിസ സ്ട്രീറ്റിലേക്ക് കടന്നു.

"ഒന്ന് ചോദിച്ചോട്ടെ?"

അയാളുടെ മുഖത്തു മനോഹരമായ ഒരു പുഞ്ചിരി വിടരുന്നത് അവൾ കണ്ടു.

"എന്താ?"

അവളും പുഞ്ചിരിക്കാൻ ശ്രമിച്ചു.

"അപ്പോൾ ..അപ്പോൾ ഷഹാന പറഞ്ഞത് ഫസ്റ്റ് കിസ്സ് എന്നാണ്? എന്താ അത്?"

അവൾ അയാളെ രൂക്ഷമായി നോക്കി.

"ഫസ്റ്റ് കിസ് എന്ന് വെച്ചാൽ ആദ്യ ചുംബനം,"

ഫൈസൽ നാക്കു കടിച്ചു.

"ഋതുജയെപ്പോലെ ഒരു സുന്ദരിക്കുട്ടീടെ കാമുകൻ.! മെഹ്‌നൂറിന്റെ ഭർത്താവ്! അതും പോരാഞ്ഞിട്ട് ഒരു മകന്റെ അച്ഛൻ! എന്നിട്ടും ഫസ്റ്റ് കിസ്സിന്റെ മീനിങ് അറിയില്ല!"

"ചിരിപ്പിക്കാൻ നോക്കുകയാണോ? നടക്കില്ല,"

"വിഷമിച്ച് ചിരിക്കേണ്ട!"

"തമാശ വിടൂ ഷഹാന!"

അയാൾ ഗൗരവത്തിൽ പറഞ്ഞു.

"ഏജ് മുപ്പത് എന്നാണു ഡാറ്റാ ബേസിൽ..ഇത്രയ്ക്കും സുന്ദരിയായിട്ട്