Chapter Title : ശംഭുവിന്റെ ഒളിയമ്പുകൾ 30 [Alby]

പ്രഹരം മൂക്കിന് തന്നെ കൊടുത്തു.ശേഷം ശംഭുവിന്റെ കൈകൾ സലീമിന്റെ ദേഹവുമായി സൗഹൃദം പങ്കുവച്ച നിമിഷങ്ങളായിരുന്നു.ഊക്കോടെ ശംഭു നൽകിയ ഓരോ പ്രഹരവും സലീമിനെ തളർത്തിക്കൊണ്ടിരുന്നു. കൈകൾ വേദനിച്ചുതുടങ്ങിയിരുന്നു, അതുകൊണ്ട് ശംഭു അൽപ്പനേരം പിൻവാങ്ങി.തന്റെ ബുള്ളറ്റിൽ താൻ കരുതിവച്ചിരുന്ന മദ്യത്തിൽ നിന്നും കട്ടിക്കൊരെണ്ണമൊഴിച്ചടിച്ചു.കണ്ണും പൂട്ടി ഒറ്റയിറക്കിൽ തീർത്തശേഷം, കൈകളൊക്കെയൊന്ന് കുടഞ്ഞിട്ട് അടുത്ത റൗണ്ടിനായി തയ്യാറെടുത്തു. ഒരു ലാത്തിയുടെ നീളമുള്ള ചൂരൽ ആയിരുന്നു ഇത്തവണ അവൻ സലിമിനായി കരുതിയിരുന്നത്. പുറത്ത് ആദ്യത്തെ അടി വീണതും സലിം അലറിക്കരഞ്ഞുപോയി.അത് കേട്ട ശംഭുവിന് ലഹരികൂടി.മദ്യം അവനിൽ ആവേശം നിറച്ചു.ചൂരൽ പൊട്ടിപ്പൊളിയുന്നത് വരെ സലീമിന് ചൂരലിന്റെ പരിപാലനം ലഭിച്ചുകൊണ്ടിരുന്നു.അയാളുടെ അലർച്ച അവനെ ഒരുതരം ഉന്മാദ ലഹരിയിൽ കൊണ്ടുചെന്നെത്തിച്ചു. എന്നിട്ട് പോലും അവന്റെ കലി അടങ്ങിയിരുന്നില്ല.ഭ്രാന്ത് പിടിച്ച ശംഭു സലീമിന്റെ മുഖത്ത് ആ പൊട്ടിയ ചൂരലുകൊണ്ട് ഒന്നു കൊടുത്തു.ഒപ്പം പാതിയൊടിഞ്ഞ് ചൂരൽക്കഷ്ണം താഴേക്ക് വീണതും മറുപാതിയവൻ നിലത്തേക്ക് വലിച്ചെറിഞ്ഞു. കരുതിവച്ചിരുന്ന ബാക്കി മദ്യവും ഡ്രൈയ്യടിച്ച ശംഭു ആ ക്വർട്ടറുകുപ്പി സലീമിന്റെ തല ലക്ഷ്യമാക്കിയെറിഞ്ഞു.നെറ്റിയിൽ ഒരു മുറിവ് നൽകിക്കൊണ്ട് അത് നിലത്തുവീണുടഞ്ഞു. സലീമിന്റെ കണ്ണുകൾ അടഞ്ഞു തുടങ്ങിയിരുന്നു.പാതിയടഞ്ഞ കണ്ണ് കൊണ്ട് ശംഭു അടുത്തേക്ക് വരുന്നതു കണ്ട സലിം ഞെട്ടി.ഒരു വാൾ അവൻ മുറുകെപ്പിടിച്ചിരുന്നു. തന്റെ ജീവനിപ്പോൾ ശംഭുവിന്റെ കയ്യിലാണെന്ന് സലിം മനസ്സിലാക്കി. അടുത്ത നിമിഷം താനില്ലാതെയാവും

അയാൾ ഉറപ്പിച്ചു.പക്ഷെ നടന്നത്......"ഈ കൈകൾ കൊണ്ടാ എന്റെ പെണ്ണിന്റെ ശരീരത്തിൽ നീ തൊട്ടത്‌. ഇനി നിനക്കിത് വേണ്ട."ദയനീയമായ എതിർപ്പിന് വിലകൊടുക്കാതെ ശംഭു തന്റെ വാൾ സലീമിന് നേരെ വീശി. സലിം അലറിക്കരഞ്ഞു.മുട്ടിനു താഴേക്ക് മുറിഞ്ഞ കൈ നിലത്തു കിടന്നു പിടക്കുന്നത് ശംഭു കണ്ടു. ഒപ്പം ചോര വാർന്നിറങ്ങി ഭൂമിയെ നനക്കാൻ തുടങ്ങിയിരുന്നു. "ഇതെന്റെ പെണ്ണിനുള്ള സമ്മാനമാണ് നീ മനസ്സിനേൽപ്പിച്ച മുറിവ് കരിയാൻ ഉള്ള ഔഷധം.നീയിനി രക്ഷപെട്ടാലും വീണ്ടും കാണാതിരിക്കട്ടെ.ഇനിയും കണ്ടുമുട്ടിയാൽ പിന്നെ നീയില്ല." താൻ കരുതിയിരുന്ന കവറിലേക്ക് ആ കൈ എടുത്തിട്ടശേഷം ശംഭു പറഞ്ഞു. ഒപ്പം നിലത്തുകിടന്ന സലീമിന്റെ ഫോൺ എടുത്ത് ശംഭു ആരെയോ ഡയൽ ചെയ്തു. തന്റെ ഫോൺ നിർത്താതെ അടിക്കുന്നതുകേട്ട് രാജീവ്‌ ഉറക്കം വിട്ടുണർന്നു.നോക്കിയപ്പോൾ സലിം ആണ്."എന്താ അളിയാ"അയാൾ ഫോൺ