Chapter Title : ശംഭുവിന്റെ ഒളിയമ്പുകൾ 5 [Alby]

സാവിത്രിയെ കണ്ണുകാട്ടി വിളിച്ചു.പുറകുതിരിഞ്ഞിരുന്ന വീണ ശ്രദ്ധിച്ചില്ല. വീണ പാത്രങ്ങളും ആയി അകത്തേക്ക് പോയപ്പോൾ കൈകഴുകി അവൾ അവന്റെ പിന്നാലെ ചെന്നു.അല്പം വശത്തേക്ക് മാറി വെളിച്ചം വീഴാത്തിടത്തായി അവൻ കാത്തുനിന്നു.മുറ്റത്തെത്തി അവനായി അവളുടെ കണ്ണുകൾ പരതി.കണ്ടതും അവൾ അവനെ ഇറുകെ പുണർന്നു ചുണ്ടുകൾ സ്വന്തമാക്കി.അവളുടെ മാറിടം അവന്റെ നെഞ്ചിൽ ഞെരിഞ്ഞമർന്നു.

ഇനി എപ്പോഴാ ടീച്ചറെ.എങ്ങനാ ഇനി.

വിഷമിക്കാതെടാ.ഞാൻ വഴികണ്ടോളാം.ആരൊക്കെയുണ്ടെ ങ്കിലും ഞാൻ നിന്നിലലിഞ്ഞുചേരും.അതിന് അവസരം ഞാൻ ഉണ്ടാക്കും. ഇപ്പൊ എന്റെ കൊച്ച് ചെല്ല്. അവന്റെ മാറിൽ തലചായ്ച്ചു പറഞ്ഞു.

ഇന്നിനി എങ്ങനാ.കൊതി തീരണില്ല.

മനുഷ്യന്റെ മൂലോം പൂരാടോം ഒന്നാക്കിയിട്ട് പറയുന്ന കേട്ടില്ലേ. ദുഷ്ടൻ.

അവൻ അവളെ ഒന്നുടെ വലിഞ്ഞുമുറുക്കി.

കുട്ടാ വേഗം ചെല്ലെടാ.വീണ ഇങ്ങോട്ട് വന്നാൽ തീർന്നു. ഇപ്പൊ ചെല്ല്. നല്ല കുട്ടിയല്ലേ.ഞാൻ എന്തേലും വഴികാണാം.

നെറുകയിൽ ഒരു ചുംബനവും കൊടുത്ത് അവൻ ഇരുളിലേക്ക് മറഞ്ഞു.

രാവിലെ കാറു തുടച്ചു സാവിത്രിയെ സ്കൂളിൽ ആക്കാനുള്ള ഒരുക്കത്തിൽ ആണ് ശംഭു.പതിവു സമയത്തുതന്നെ സാവിത്രി ഇറങ്ങി. ഒപ്പം വീണയും.

ജാനകി,പോയിവരാം.നീ കതക് തുറന്നിട്ട്‌ വല്ലടുത്തും പോകല്ലേ.ഈ ചെക്കനും ഇന്നിവിടെയില്ല ഓർമ്മവേണം.

വീണ മുന്നിൽ സ്ഥാനം പിടിച്ചു. സാവിത്രി പുറകിലും. അവനോപ്പം ഇരിക്കാൻ കഴിയാത്തതിൽ ഉള്ളിൽ പരിഭവം തോന്നിയെങ്കിലും പുറത്തുകാട്ടിയില്ല.കാർ മുന്നോട്ടുനീങ്ങി.മണ്ണിട്ട റോഡിൽനിന്നും ടാറിട്ട റോഡിലെക്ക് പ്രവേശിച്ചു.വയലുകൾക്ക് നടുവിലുടെ വണ്ടി കുതിച്ചുപാഞ്ഞു.

അമ്മേ,ഇവനെ ഇന്ന് ഞാൻ കൊണ്ടുപോകുന്നതിൽ ബുദ്ധിമുട്ടുണ്ടോ?അങ്ങോട്ടും ഇങ്ങോട്ടുമായി പത്തുനൂറു കിലോമീറ്റർ ഓടിക്കാൻ ഒരു മടി അതാ.

അതിനെന്നാ മോളെ അവൻ വന്നോളും. വൈകിട്ട് ഞാൻ ഓട്ടോ വിളിച്ചോളാം.ഇന്നൊരു ദിവസത്തെ കാര്യം അല്ലെ.

താങ്ക്സ് അമ്മേ.

അല്ല മോളെ, ധൃതി വച്ച് എന്തിനാ ഇപ്പൊ ഒരു പോക്ക്.മോളുടെ വീട്ടിലേക്ക് അല്ലെ.ഒന്ന് നിക്കുകപോലും ചെയ്യാതെ ഇന്നുതന്നെ പോരണോ.

വേണം അമ്മേ.അത്യാവശ്യം ആയതുകൊണ്ടാ.ഇപ്പൊ അച്ഛനും ഇവിടില്ല. വരാൻ രണ്ടുനാൾ ആവില്ലേ.അതാ തിരിച്ചുപോരാന്നു വച്ചേ.അവിടെ ഇനീം നിക്കാല്ലോ.

ശരി മോളെ. ഇഷ്ടം പോലെ.

സാവിത്രി കണ്ണാടിയിലൂടെ ഇടക്ക് ശംഭുവിനെ നോക്കുന്നതല്ലാതെ ഒന്നും മിണ്ടിയില്ല. സ്കൂളിൽ ഇറക്കുംമ്പോഴും "ശ്രദ്ധിച്ചു പോയിവാ"എന്നല്ലാതെ ഒന്നും അവനോട് പറഞ്ഞില്ല.അവർ യാത്ര തുടർന്നു.ഗ്രാമം പിന്നിലേക്ക് ഓടിമറഞ്ഞു.അപ്പോൾ വീണ ഒന്ന് നിവർന്നിരുന്ന് ബാഗിൽനിന്നും വെള്ളമെടുത്തു കുടിച്ചു.