Chapter Title : ശംഭുവിന്റെ ഒളിയമ്പുകൾ 3 [Alby]

പതിവില്ലാതെ രാത്രിയിൽ അങ്ങോട്ടേക്ക് വന്ന ശംഭുവിനെ കണ്ടയാൾ എണീറ്റു :എന്താടാ ഈ സമയത്ത് ഇതുവഴി :ഒന്നും പറയണ്ട കുഞ്ഞിക്കണ്ണേട്ടാ, ഇന്നു പതിവില്ലാതെ മാഷിനൊരു സ്നേഹം. പോയി രണ്ടെണ്ണം അടിച്ചോളാൻ :അതിനു അവിടേം ആകാല്ലോ അതോ എന്തേലും ചുറ്റിക്കളി ഉണ്ടോടാ :നിങ്ങളൊന്നു പോയെ അവിടെ ആ വീട്ടിൽ പോയിട്ട് പറമ്പിൽ ഒരു തുള്ളി കേറ്റിക്കില്ല ടീച്ചർ. വെറുതെ വായിലിരിക്കുന്നത് കേൾക്കുന്നതെന്തിനാ. ഇടഞ്ഞാൽ സാക്ഷാൽ കള്ളിയങ്കാട്ടു നീലിയാ :അത് ഞാൻ ഓർത്തില്ലടാ. നീ എന്ന ഇരുപത്തിരണ്ടിലൊട്ടിരി. ഞാൻ അങ്ങ് എത്തിയേക്കാം.

ശംഭു റൂമിലേക്ക് പോയി. ഇടക്കിതുപോലെ മാഷ് അവനെ ഒന്നു സന്തോഷിപ്പിക്കാറുള്ളതു കൊണ്ട് അവിടെയും അവനു പൂർണ്ണ സ്വാതന്ത്ര്യം ആയിരുന്നു. കൂടാതെ മുതലാളിയുടെ വലംകൈ എന്ന ലേബലും. അവൻ മുറിയിലെത്തി ഒന്നു ഫ്രഷ് ആയപ്പോഴേക്കും കുഞ്ഞിക്കണ്ണൻ ഒരു പൈന്റ്  റോയൽ ചലഞ്ചു വിസ്ക്കിയും, ബാക്കി അനുബന്ധ സാമഗ്രികളും ആയി എത്തി. കൂടെ 4 ബോട്ടിൽ കാൾസ്ബർഗ് ബിയറും.അവിടെയിരുന്ന് ബിയർ മിക്സ്‌ ചെയ്തു മദ്യം നുണയുമ്പോൾ ശംഭുവിന്റെ മനസ്സിൽ രഘുവിന്റെ മുഖമായിരുന്നു.ആ മദ്യത്തിന്റെ ലഹരിയിൽ എന്തോ ഒരു മായപോലെ ഓർമവന്ന ശംഭു പുറത്തേക്കിറങ്ങി പരിസരം വീക്ഷിച്ചു. പിന്നെ തന്റെ പോക്കറ്റിൽ നിന്നും ഫോൺ എടുത്ത് മാധവനെ വിളിച്ചു. :സർ ഇവിടുണ്ടായിരുന്നോ?? രാവിലെ പുറത്തേക്കിറങ്ങുമ്പോൾ സുനന്ദയുടെ ചോദ്യം കേട്ടാണ് ശംഭു റിസെപ്ഷനിലേക്ക്  തിരിഞ്ഞത്.