Chapter Title : ശരത് രേഖകള്‍ 6 [സ്മിത]

പെട്ടെന്ന് ഓഫീസില്‍ പോകാന്‍ ഒരുങ്ങി.

ഒരാഴ്ച്ച കടന്നുപോയി.

ഓരോ ദിവസവും അവള്‍ എനിക്ക് മെയില്‍ ചെയ്തുകൊണ്ടിരുന്നു. ഒരേ ഒരു മെസേജ്:

“അം ഫൈന്‍. ലവ് യൂ”

എന്‍റെ റിപ്ലേ മെയിലുകളില്‍ ഞാന്‍ എന്നും ഒരേ ചോദ്യം ആവര്‍ത്തിച്ചു:

“എവിടെയാണ് നീ? ആരോടോപ്പമാണ്?”

എവിടെയാണെങ്കിലും മടങ്ങി വരാന്‍ ഞാന്‍ അവളോട്‌ ആവശ്യപ്പെട്ടു. ഞാനും അവളോട്‌ മാപ്പിരന്നു . നടന്നതിനൊക്കെ.

പക്ഷെ അവളുടെ റിപ്ലേ മെയിലുകളില്‍ രണ്ടു വാക്യങ്ങള്‍ മാത്രം:

“ഐം ഫൈന്‍. ലവ് യൂ”

വിഷമം മാറ്റാന്‍ ഞാന്‍ ജോലിയില്‍ കൂടുതല്‍ വ്യാപൃതനായി. കൂടുതല്‍ ആലോചിക്കുന്തോറും കൂടുതല്‍ എനിക്കവളെ കാണാന്‍ തോന്നി.

അവള്‍ തീര്‍ച്ചയായും തെറ്റ് ചെയ്തിട്ടുണ്ട്.

അനവധി തെറ്റുകള്‍.

പക്ഷെ മോഹന്‍ അങ്കിളിനെപ്പോലെ ഒരു മാസ്റ്റര്‍ കൌശലക്കാരന്‍റ്റെ മുമ്പില്‍ ഏത് പെണ്ണിന് പിടിച്ചു നില്‍ക്കാന്‍ പറ്റും?

അവള്‍ക്ക് പശ്ചാത്താപമുണ്ട്.

ഇപ്പോഴും അവളെന്നെ സ്നേഹിക്കുന്നു എന്നാണ് അതിനര്‍ത്ഥം. ഞാനും അവളെ എത്ര ഗാഡമായാണ് സ്നേഹിക്കുന്നത്!

അവള്‍ എന്നില്‍ നിന്നും വേര്‍പിരിഞ്ഞു പോകുന്നത് എനിക്ക് സഹിക്കാനാവില്ല.

അടുത്ത മെയിലില്‍ ഞാന്‍ എഴുതി:

“എല്ലാം ഞാന്‍ ക്ഷമിച്ചു രേഖേ. നമുക്ക് ഇനിയുമൊരുമിച്ചു താമസിച്ചു കൂടെ?”

ഒരു ദിവസം ഓഫീസില്‍ നിന്നും വീട്ടിലേക്ക് ഡ്രൈവ് ചെയ്യുമ്പോള്‍ എന്‍റെ മൊബൈല്‍ഫോണ്‍ റിങ്ങ് ചെയ്തൂ.

“യെസ്!”

ഞാന്‍ ആവേശത്തോടെ മന്ത്രിച്ചു.

“ഇത് രേഖ തന്നെ!”

ഞാന്‍ ഫോണ്‍ ചെവിയോട് ചേര്‍ത്തു.

“രേഖേ...”

ഞാന്‍ ആവേശത്തോടെ വിളിച്ചു.

“രേഖയല്ല...”

അപരിചിതമായ ഒരു സ്ത്രീശബ്ദം ഞാന്‍ കേട്ടു.

“ഹെലനാണ്...”

ഹെലന്‍?

എനിക്ക് ഒന്നും മനസ്സിലായില്ല.

ഏത് ഹെലന്‍?

“ഡിറ്റക്റ്റീവ് ഏജന്‍സിയില്‍ നിന്നാ...”

വീണ്ടും അതെ ശബ്ദം!

പെട്ടെന്ന് എനിക്ക്