Chapter Title : ശൂലംതൊടി മാധവൻ മുതലാളിയും കുടുംബവും [റിഷി ഗന്ധർവ്വൻ]

സമ്പത്തിനെപറ്റിയും കൃത്യമായ ധാരണ ഉള്ളതിനാൽ സിദ്ധാർഥ് മറുത്തൊന്നും പറയാതെ മുത്തച്ഛന്റെ വാക്കിനെ അനുസരിക്കുന്നതായി ഭാവിച്ചുകൊണ്ട് തറവാട്ടിലേക്ക് വന്നു. ആ വരവും അനുസരണയും മാധവനിൽ സിദ്ധാർത്തിനോട് പ്രത്യേക മമതയും മതിപ്പും ഉളവാക്കി.

©©©©©©©©©©©©©©©©©©©©©©©©©©©

കല്യാണം കഴിഞ്ഞ മൂന്നാം ആഴ്ച ഉച്ച സമയം. തമ്പിയും മക്കളും പച്ചക്കറി കയറ്റി അയക്കുന്നതുമായി ബന്ധപ്പെട്ട് രാവിലെ പോയതാണ്. പാക്കിങ്ങുമായി ബന്ധപ്പെട്ട എന്തോ പ്രശ്നം കാരണം പാർസൽ കെട്ടികിടക്കുകയാണ്. നേരിട്ട് ചെല്ലാതെ കാര്യങ്ങൾ ശെരിയാവില്ലെന്ന് തോന്നി മക്കളെയും കൂട്ടി പോയതാണ് തമ്പി. ഈ സന്ദർഭം മണത്തറിഞ്ഞു പുതു അളിയൻ സിദ്ധാർഥ് അമേരിക്കയിൽ നിന്നും കൊണ്ടുവന്ന കുപ്പി ഒരെണ്ണം പൊട്ടിക്കാൻ പ്ലാനിട്ടു. തമ്പിയുടെ ചെറുമക്കൾ ആണുങ്ങൾ മൂന്നിനെയും പറഞ്ഞു സമ്മതിപ്പിച്ച് സമയവും സ്ഥലവും തലേന്നെ ഉറപ്പിച്ചിരുന്നു സിദ്ധാർഥ്.

സിദ്ധാർഥ് : നിങ്ങള് മൂന്നും ഇതെവിടായിരുന്നു?

കണ്ണൻ : അളിയാ. അളിയനത് പറയാം. ഞങ്ങടെ ടെൻഷൻ മനസിലാവാണേൽ അളിയൻ ഈ വീട്ടിൽ കുറച്ചുകാലം താമസിക്കണം.

വിഷ്ണു : ഞങ്ങക്കൊന്നും ഇവിടെ വോയിസ്‌ ഇല്ല അളിയാ. കീ കൊടുക്കും കറങ്ങും.

സിദ്ധാർഥ് : വോയിസ്‌ ഇല്ലെങ്കിൽ എന്തോന്ന്. നാല് നേരം കിടിലൻ ഫുഡ്‌.

പിന്നെ കറങ്ങി നടക്കാൻ ഇഷ്ടംപോലെ വണ്ടി. പിന്നേ കാശ് ചോദിച്ചാൽ കെട്ടുകണക്കിനല്ലേ നിങ്ങടെ മുത്തച്ഛൻ എടുത്ത് തരുന്നത്.

കണ്ണൻ : അതൊക്കെ ശെരിയാണ്. പക്ഷെ എല്ലാം മുത്തച്ഛന്റെ ഇഷ്ടത്തിന് നടക്കണം. നമുക്കിഷ്ടമുള്ള ഫീൽഡ് പോലും തിരഞ്ഞെടുക്കാൻ പറ്റൂല.

കേശു : എന്തോ ഫീൽഡ്? പ്ലസ്ടു തട്ടിമുട്ടി പാസായവനാണ് ഫീൽഡ്.

കണ്ണൻ : വിഷ്ണുവേട്ടാ.. ഇവന്റെ സംസാരം കേക്കുമ്പോ ചൊറിഞ്ഞു വരുന്നുണ്ട് എനിക്ക്. അവനൊരു ബിസിനസ്‌