Chapter Title : ശ്രീനന്ദനം 5 [ശ്യാം ഗോപാൽ]

ഷർട്ടും വെള്ള മുണ്ടും , പെൺകുട്ടികൾ സെറ്റ് സാരി , അല്ലെ പട്ടു പാവാട ... ഇനി ഒരാഴ്ച കൂടെ ഉണ്ട് ഓണാഘോഷത്തിന് ,, എലിയും കൂട്ടരും ക്ലാസിനു ശേഷം ഒരു മണിക്കൂർ ഡാൻസ് പ്രാക്ടീസ് തുടങ്ങി ,

ഞങ്ങൾ ആണേൽ വടം വലി പഠിക്കാൻ ആയി ഷാജി പാപ്പന്റെ എടുത്തേക്കും , ഷാജി പാപ്പനെ കാണുമ്പോൾ തന്നെ അറിയാം ആള് പുലി ആണെന്ന് , നല്ല കൊമ്പൻ മീശയും ജുബ്ബയും കറുപ്പും ചുവപ്പും കൂടിയ മുണ്ടും ആണ് ഇഷ്ട വേഷം ....ആളോട് സംസാരിച്ചു തുടങ്ങിയപ്പോൾ തന്നെ ആളൊരു പാവമാണെന്നു മനസിലായി , ഷാജി പാപ്പന് വടം വലി എന്നാൽ ഹരമാണ് അങ്ങനെ ഞങ്ങൾ പ്രാക്ടീസ് തുടങ്ങി , പ്രാക്ടീസ് ചെയ്യാനായി പപ്പനും പിള്ളേരും ഞങ്ങളുടെ കോളേജിലേക്ക് വരും , ആളുടെ കൂടെ ഒരു ലോലൻ ഉണ്ട് , ഒരു ഒന്ന്  ഒന്നര കോഴി ആണ് ,എന്ന് വച്ച് ശല്യമൊന്നും ഇല്ലാട്ടോ , നൈസ് ആയി നിന്ന് വായ് നോക്കും . അത്യാവശ്യം സീനും പിടിക്കും അത്രതന്നെ ... അങ്ങനെ ഞങ്ങളുടെ പ്രാക്ടീസ് എല്ലാം തകൃതി ആയി നടന്നു  കൊണ്ടിരുന്നു.....

അങ്ങനെ ഓണാഘോഷ ദിവസം വന്നെത്തി , രാവിലെ തന്നെ ബ്ലാക്ക് ഫുൾ കൈ ഷർട്ടും , ബ്ലാക്ക് കരയുള്ള മുണ്ടും ഉടുത്തു ഞാൻ സെറ്റ് ആയി നിന്ന് , കണ്ണാടിയിൽ നോക്കിയപ്പോൾ ഏകദേശം വിജയ് ദേവരകൊണ്ടയുടെ ചായ ഒക്കെ ഉണ്ട് , മുടി അവന്റെ പോലെ തന്നെ നീട്ടി ആണ് വളർത്തിയിട്ടുള്ളത് , മീശയും താടിയും ട്രിം ചെയ്തത് കൊണ്ട് കുഴപ്പമില്ല .. പിന്നെ പൂച്ച കണ്ണ് അതാണല്ലോ നമ്മുടെ മെയിൻ , എത്ര ഒക്കെ കൂറ ലുക്ക് ആണേലും പൂച്ച കണ്ണാണോ പെണ്പിള്ളേര് പിന്നാലെ വന്നോളും ....ഓരോരുത്തര് മീശ വളർത്തി പിള്ളേരെ പീഡിപ്പിക്കുന്നു അപ്പോളാ ....

കണ്ണാടിയുടെ മുൻപിൽ നിന്ന് അന്തവും കുന്തവും ഇല്ലാതെ ഓരോന്ന് ചിന്തിച്ചു നിൽകുമ്പോൾ ആണ് പിന്നിൽ നിന്നും ഒരു പാദസ്വര ശബ്ദം കേട്ടത് , തിരിഞ്ഞപ്പോൾ എന്റെ മുൻപിൽ ഒരു