ശ്രീയുടെ ആമി 3 [ഏകലവ്യൻ]

തോന്നി. ഫ്രഷായി വന്ന് ഭക്ഷണം കഴിച്ച് തിരികെ റൂമിലേക്ക് വന്നു.

കുറച്ചു നേരം ബാൽക്കണിയിൽ ചെന്നിരുന്ന് കറുത്ത ആകാശത്തിലെ തിളക്കങ്ങൾ നോക്കിയിരുന്നു. റിതിന്റെ മെസ്സേജുകൾ വന്ന് വീഴുന്നതിനു പുറമെ കോളും വന്നു. അറ്റൻഡ് ചെയ്യാൻ ചെറിയ മടി ഉണ്ടായിരുന്നു. പക്ഷെ അത് നന്നാകില്ലെന്ന് അവൾക്ക് തോന്നി.

ആമി പറഞ്ഞ കള്ളം ആദ്യം അവന് ദഹിച്ചിരുന്നില്ല. പിന്നെ സമർഥിച്ചപ്പോൾ അവനത് വിശ്വസിക്കേണ്ടി വന്നു. അവൾക്ക് എന്തു പറ്റിയെന്നറിയാനുള്ള ത്വര റിതിന്റെ സംഭാഷണങ്ങളിലും അലയടിച്ചിരുന്നു. പക്ഷെ അത് മനസിലാക്കാനുള്ള ഒരു മാനസികാവസ്ഥ അവൾക്കുണ്ടായില്ല. ഇനിയെപ്പോഴാ കാണുക എന്ന ചോദ്യത്തിന് കല്യാണം കഴിഞ്ഞിട്ട് എന്നായിരുന്നു ആമിയുടെ മറുപടി.

പ്രതീക്ഷിച്ചതല്ലെങ്കിലും അവനത് ഉൾക്കൊള്ളേണ്ടി വന്നു. കാരണം ആമിയുടെ സ്വരപകർച്ച അവന് മനസിലായിരുന്നു. അത് കൊണ്ട് അവനും വേറെയൊന്നും പറയാനും അധികം നിർബന്ധിക്കാനും കഴിഞ്ഞില്ല.

കല്യാണത്തിന് വേണ്ട ഏകദേശം എല്ലാ കാര്യങ്ങളൊക്കെ ചെയ്ത് കഴിഞ്ഞപ്പോൾ തിരക്കുകൾ കുറഞ്ഞ ശ്രീക്ക്‌ രാത്രിയിൽ സമയം കിട്ടിത്തുടങ്ങി. അത് കൊണ്ട് ആമിയുമായി കാര്യമായൊന്നും സംസാരിക്കാൻ റിതിന് കഴിഞ്ഞില്ല. അവളും അതാശിച്ചിരുന്നു.

റിതിനുമായി സംസാരങ്ങൾ അകന്നു നിന്നു. ശ്രീ ഇടക്ക് റിതിനെ കുറിച്ച് അവളോട് ചോദിക്കുന്നുണ്ടെങ്കിലും അവനുമായി നടന്ന കാര്യങ്ങൾ ഓർത്ത് മനസ്സിൽ കുത്ത് വരുന്നത് കൊണ്ട് അവനെ കുറിച്ച് അവളൊന്നും വിട്ടു പറഞ്ഞില്ല. ചെറിയ എതിർപ്പോടെയാണെങ്കിലും അവളും ആസ്വദിച്ചിരുന്നതാണല്ലോ ആ ഹാർബർ നിമിഷങ്ങൾ..!

കല്യാണത്തിന് ഇനി കുറച്ചു ദിവസങ്ങളെ ഉള്ളു. രണ്ടു ദിവസങ്ങളോളം ആമിയിൽ മോശമല്ലാത്ത തരത്തിൽ ഡിപ്പ്രഷൻ അനുഭവപ്പെട്ടിരുന്നു. ബാക്കിയുള്ള ദിവസങ്ങൾ പുഷ്പം പോലെ നീങ്ങി.

അടുത്ത ദിവസം ആമിയുടെയും ശ്രീയുടെയും കല്യാണമാണ്. ടൗണിലെ ഓഡിറ്റോറിയത്തിൽ അലങ്കരിച്ച മണ്ഡപത്തിൽ പതിനൊന്നിനും പതിനൊന്നരക്കുമിടയിൽ താലി കെട്ട്. ആളും ബഹളവുമായി ഒരുക്കങ്ങൾ നടന്നു കൊണ്ടിരുന്നു.

കല്യാണപെണ്ണിന്റെ ഒരുക്കങ്ങൾ മുറിയിൽ നടന്നു കൊണ്ടിരിക്കുന്നുണ്ട്. അപ്പോഴേക്കും വരാനായ ശ്രീയും ബന്ധുക്കളും അവിടേക്ക് എത്തി ചേർന്നു. മുഹൂർത്തതിന് ഇനിയും സമയമുള്ളത് കൊണ്ട് ആർക്കും അത്ര വലിയ തിരക്ക് പിടിച്ച മുഖങ്ങളല്ല. എല്ലാവരും ശാന്തി. ഓം ശാന്തി..

ആളുകൾ വന്നു കൊണ്ടിക്കുന്നുണ്ട്. ചില ആൾക്കാർ മണ്ഡപം ഒന്നൂടെ അലങ്കരിക്കുന്നു. ചിലർ ക്യാമറയും അനുബന്ധ കാര്യങ്ങളും റെഡിയാക്കുന്നു. മൊത്തത്തിൽ ആനന്ദം. ശ്രീയുടെയും ആമിയുടെയും ഓഫീസിലെ സ്റ്റാഫുകൾ വന്നു തുടങ്ങി. എല്ലാവരും ശ്രീക്ക് കൈ കൊടുത്ത് വിഷസ് അറിയിച്ച് ഇടം കണ്ടെത്തി തുടങ്ങി. അവൻ അതിലിടക്ക് റിതിനെയാണ് അന്വേഷിക്കുന്നത്. കാണാഞ്ഞപ്പോൾ അവൻ നവനീതിനോട് കാര്യം തിരക്കി.

“നമ്മുടെ കൂടെ ഉണ്ടായിരുന്നു. ഇവിടെ കാണും..”

അവന്റെ മറുപടിയിൽ ശ്രീ തൃപ്തനാണ്. റിതിൻ വന്നിട്ടുണ്ട് എന്നറിഞ്ഞപ്പോൾ സന്തോഷമായി. ആമിയുമായി കൂടുതൽ അടുപ്പമുള്ള ദൃശ്യയും മറ്റൊരു കൂട്ടുകാരിയും അവളെ കാണാൻ പെണ്ണിനെ ചമയിക്കുന്ന മുറിയിലേക്ക് പോയി.

“വൗ.. ആമി....”

“ഹായ്... കേറി വാടി...”

അവരവളെ ഉള്ളിലേക്ക് സ്വാഗതം ചെയ്തു. കസിൻ പിള്ളേർ ഒരുക്കുകയാണ് നവവധുവായ ആമിയെ. പട്ടുസാരിയുടെ ഞൊറികൾ അവളുടെ നാഭിയിലേക്ക് കയറ്റി വച്ചുകൊടുത്ത ശേഷം അവൾ ശ്വാസം വിട്ട് ചിരിച്ചു.

“ആമി നന്നായിട്ടുണ്ട് സാരി..”

“താങ്ക്സ് ഡിയെർസ്...ഓഫീസിലെ എല്ലാവരും എത്തിയോ..?”

“എത്തി..”

അവളുടെ മനസ്സ് റിതിനെയാണ് തേടിയത്. കാരണം കഴിഞ്ഞ ദിവസങ്ങളിൽ