Chapter Title : ഷുഗർ ഡാഡി [മ്ലേച്ഛൻ]

'കരയല്ലേ മോളേ... ദേ... ഫ്രണ്ട്‌സ് ഒക്കെ കാണുന്നു. അവര് കളിയാക്കില്ലേ... മതിയാക്ക്... കണ്ണു തുടയ്ക്ക്... ദേ മോൾടെ പ്രിയപ്പെട്ട ചോക്ലേറ്റ് കേക്ക് ആണ്...' രാജീവ് അവളെ അടർത്തിയെടുത്തു കണ്ണുകൾ തുടച്ചുകൊടുത്തു. നെറുകയിൽ ചുംബിച്ചു.

'ഹാപ്പി ബർത്ത്ഡേ ആര്യക്കുട്ടീ...' രാജീവ് ഒന്നുകൂടെ അവളെ കെട്ടിപ്പിടിച്ചു.

ആ അച്ഛന്റെയും മകളുടെയും സ്നേഹം കൂടി നിന്ന അവളുടെ സുഹൃത്തുക്കളെ മൗനമാക്കിയിരുന്നു. വിസ്മയയുടെയും സ്റ്റെഫിയുടെയും നസ്‌റിന്റെയും കണ്ണുകൾ നനഞ്ഞിരുന്നു.

രാജീവ് നന്ദിനിയെയും വിജിത്തിനെയും വീഡിയോ കാൾ ചെയ്തു. സന്തോഷം കൊണ്ട് വീണ്ടും ആര്യയുടെ കണ്ണുകൾ നിറഞ്ഞു.

കലങ്ങിയ കണ്ണുകളോടെയാണ് അവൾ കേക്ക് മുറിച്ചത്. രാജീവ് എല്ലാവർക്കും ട്രീറ്റ് കൊടുത്തു.

വളരെ ഹാപ്പി ആയാണ് ആര്യയും കൂട്ടുകാരും അവിടെ നിന്നിറങ്ങിയത്. രാജീവിന്റെയും മനസ് നിറഞ്ഞിരുന്നു.

രാജീവ് റൂമിലെത്തുമ്പോൾ ഉച്ചയ്ക്ക് ശേഷം മൂന്നുമണി ആയിരുന്നു. അയാൾ ഒന്നു കിടന്നു.

4 മണി ആകുമ്പോഴേക്കും ഏജന്റിന്റെ കാൾ വന്നു.

'സർ... പെൺകുട്ടി ഓക്കേ ആണ് പക്ഷെ, ക്ലാസ് കുറച്ചു നീണ്ടുപോയി. വൈകീട്ട് ഒരു 7.30 ആകുമ്പോഴേക്കും എത്താമെന്നു പറയുന്നു... വൈകിയതിൽ ഞങ്ങൾ ക്ഷമ ചോദിക്കുന്നു സർ...' അയാൾ പറഞ്ഞു.

സത്യത്തിൽ രാജീവിന്റെ ആ ചിന്തകൾ ഒക്കെ എങ്ങോ പോയ് മറഞ്ഞിരുന്നു.

'ശെരി... ഓക്കേ... ഇനിയും വൈകുകയാണെങ്കിൽ... എന്റെ മനസ് മാറും...' രാജീവ് പറഞ്ഞു. ഇപ്പോൾ തന്നെ അവന് വലിയ താല്പര്യം ഇല്ലായിരുന്നു. തലേ ദിവസത്തെ മൂഡ് ഒക്കെ മാറി ഇന്നു ആകെ സന്തോഷവാനായിരുന്നു.

തലേ ദിവസം തന്നെ അജയെ പോയി കണ്ടു ക്യാഷ് ട്രാൻസ്ഫർ ചെയ്തതിൽ അവന് കുറ്റബോധം തോന്നി.

'ഇല്ല സർ... ഇനി വൈകില്ല...' അയാൾ