Chapter Title : സിൽക്ക് സാരി 10 [Amal Srk] [Climax]

“ എന്നാലും ഇതൊക്കെ സംഭവിക്കും എന്ന് ഞാൻ ഒരിക്കലും പ്രതീക്ഷിച്ചതല്ല. നമ്മടെ പ്രാർത്ഥന കേട്ട് ദൈവം കൊടുത്ത ശിക്ഷയാണോ? അതോ വേറെ എന്തെങ്കിലും ഉണ്ടോ ഇതിന്റെ പുറകിൽ.. “ മാളവിക തന്റെ സംശയം പറഞ്ഞു.

മുന്നിലൊരാൾ….

നിരുപമയും, മാളവികയും ഒരേ പോലെ ഞെട്ടി.

“ ആരാ നിങ്ങൾക്കെന്ത് വേണം..? “

നിരുപമ അൽപ്പം ഭയത്തോടെ ചോദിച്ചു.

അമ്മയുടെ പേടിച്ചുള്ള ശബ്ദം കേട്ട് ഗോഹുലും മുറിയിൽ നിന്ന് ഹാളിലേക്ക് വന്നു. അയാളുടെ വേഷവും, രൂപവും കണ്ട് മൂവരും ഒരേ പോലെ പരിഭ്രാന്തരായി.

“ നിങ്ങളിവിടുന്ന് പോണുണ്ടോ.. ഇല്ലേ ഞാൻ പോലീസിനെ വിളിക്കും.. “ മാളവിക പറഞ്ഞു.

പെട്ടന്ന് അയാളുടെ പിറകെ നിന്ന് സനു മുന്നിലേക്ക് കടന്നു വന്നു. എല്ലാവരും ഒരേ പോലെ നിശബ്ദരായി. മാളവികയ്ക്ക് പറയാൻ വാക്കുകളില്ലാതായി.

“ ആരും പേടിക്കണ്ട.. തല്ലാനോ, കൊല്ലാനോ ഒന്നും വന്നതല്ല.. ഞാൻ ഇവന്റെ ചേട്ടനാ.. സതീശൻ.. “ അയാൾ സ്വയം പരിചയപ്പെടുത്തി.

സനു മുന്നിലോട്ട് നടന്ന് വന്ന് മാളവികയുടെ കൈയ്യിൽ പതിയെ പിടിച്ചു ചോദിച്ചു “ എന്നെ ഇഷ്ട്ടമല്ലെന്ന് പറഞ്ഞത് ശെരിക്കും സത്യമാണോ..? “ മാളവികയുടെ കണ്ണുകളിലേക്ക് നോക്കിക്കൊണ്ട് ചോദിച്ചു.

“ സനു ഞാൻ…” മാളവികയുടെ വാക്കുകൾ ഇടറി.

“ ഞാൻ ചോദിച്ചതിനുള്ള മറുപടി താ.. “

“ എന്റെ മറുപടിയിൽ എനി പ്രസക്തിയില്ല സനു. ഒരാണ് അവന്റെ പെണ്ണിൽ പ്രതീക്ഷിക്കുന്ന പലതും എനിക്ക് നഷ്ട്ടപ്പെട്ടു. നീ ചിന്തിക്കുന്നതിലും അപ്പുറത്താണ് പലതും. നിനക്ക് നല്ലൊരു പെണ്ണിനെ കിട്ടും.. “ മാളവിക നിറ കണ്ണുകളോടെ പറഞ്ഞു.

“ ഞാൻ ചോദിച്ചതിനുള്ള മറുപടി കിട്ടിയില്ല.. “

“ സനു പ്ലീസ്.. നമ്മുക്ക് ഒരുമിച്ച് മുന്നോട്ട് പോകാൻ പറ്റത്തില്ല.. നിന്റെ നല്ലതിന് വേണ്ടിയാ ഞാൻ പറയണേ.. “

ഈ നേരം സതീഷ് മുന്നോട്ട് വന്നു. “ മോളെ ഇവന് എല്ലാം അറിയാം.. ഇതുവരെ നിങ്ങൾ അനുഭവിച്ച വേദനയും, അതിന്റെ കാരണവും, കാരണക്കാരയും എല്ലാം അറിയാം… അവന്റെയൊക്കെ ഉന്മൂലനം. ആ വിധി എഴുതിയത് ഞങ്ങളാ…” സതീശന്റെ വാക്കുകൾ കേട്ട് മൂവരും ഒരേ പോലെ ഞെട്ടി.

“ ആരും അമ്പരക്കണ്ട.