Chapter Title : സിൽക്ക് സാരി 10 [Amal Srk] [Climax]

പറഞ്ഞേക്ക്.. “

💥

പെട്ടന്നൊരു പൊട്ടിത്തെറി ശബ്ദം കേട്ടു. എല്ലാവരും ഒരേ പോലെ ഞെട്ടി. മാളവികയും, ഗോഹുലും പേടിച്ചുകൊണ്ട് മുറിയിൽ നിന്ന് ഹാളിലേക്ക് വന്നു. എന്താണ് സംഭവിച്ചതെന്ന് മനസ്സിലാവാതെ എല്ലാവരും അമ്പരന്നു. ഷിജു ഉടനെ പുറത്തു പോയി നോക്കി. ദൂരെ രാഘവേട്ടന്റെ കട നിന്ന് കത്തുന്നു. ആളുകളൊക്കെ അങ്ങോട്ട് ഓടി ചെല്ലുന്നതേ ഉള്ളു. ഷിജു വേഗം വീടിന്റെ അകത്തേക്ക് കയറി.

“ സംഭവം സീനായിട്ടുണ്ട്. എനി ഇവിടെ നിൽക്കുന്നത് റിസ്‌ക്കാണ്.. എത്രയും പെട്ടന്ന് പോണം. പോലീസും ഫെയർഫോസുമൊക്കെ ഇപ്പൊ ഇവിടെത്തും.. “ ഷിജു എല്ലാവരോടുമായി പറഞ്ഞു.

“ എന്നാലും എന്താ അവിടെ സംഭവിച്ചത്..? ഇപ്പൊ അങ്ങേര് ഫോൺ ചെയ്ത് വച്ചല്ലേ ഉള്ളു.. “ വിഷ്ണു ആശ്ചര്യത്തോടെ ചോദിച്ചു.

“ സംസാരിച്ചു നിൽക്കാൻ നേരമില്ല എത്രയും പെട്ടന്ന് ഇവിടുന്ന് പോകാൻ നോക്കാം.. ആള് കൂടി തുടങ്ങി.. “ ഷിജു ധൃതി കൂട്ടി. നിരുപമയോട് കൂടുതലൊന്നും പറയാൻ നിൽക്കാതെ അവരെല്ലാം അവിടെ നിന്ന് പോയി.

എന്താണ് സംഭവിച്ചതെന്ന് അറിയാൻ ഗോഹുലിന് ആകാംഷയായി. അവൻ ഉടനെ പുറത്തിറങ്ങി കടയുടെ അടുത്തേക്ക് ചെന്നു. കട ഏതാണ്ട് പൂർണ്ണമായി കത്തിയ അവസ്ഥയിലാണ്. അടുത്തേക്ക് പോകാൻ പറ്റാത്ത വിധത്തിൽ ചൂടും. ഞൊടിയിടയിൽ ആംബുലൻസ് എത്തി, പൊള്ളാലെറ്റ് പിടയുന്ന രാഘവനേയും, വാസുവിനെയും വണ്ടിയിലേക്ക് കയറ്റി. പിന്നാലെ ഫെയർ ഫോഴ്സും എത്തി. ഗോഹുലിനെ നാട്ടുകാർ അടുത്തേക്ക് കടത്തി വിട്ടില്ല. ദൂരെ നിന്ന് ഇതൊക്കെ കണ്ടപ്പോ തന്നെ അവന്റെ മനസ്സിൽ നല്ല സന്തോഷമുണ്ട്. രാഘവേട്ടന്റെ കട കത്തി അമരുന്നത് കണ്ട് അവന്റെ കണ്ണുകൾ തിളങ്ങി.

പിറ്റേന്ന് രാവിലെ.

“ ഷിജു