Chapter Title : സിൽക്ക് സാരി 10 [Amal Srk] [Climax]

എന്തായി രാഘവേട്ടന്റെ സ്ഥിതി..? സീരിയസാണെന്നാ ന്യൂസിൽ കണ്ടത്.. “ മനു പറഞ്ഞു.

“ ഞാൻ ഹോസ്പിറ്റലിൽ പോയിരുന്നു. സംഭവം സീരിയസ്സാ.. വാസൂന്റെ ശരീരം ഏതാണ്ട് 90% കത്തിയ അവസ്ഥയിലാ.. രാഘവേട്ടന്റെ സ്ഥിതിയും മോശമൊന്നുമല്ല. അരക്ക് താഴെയും, മുഖത്തുമൊക്കെ നല്ലപോലെ പൊള്ളലേറ്റിട്ടുണ്ട്. Survive ചെയ്യാനുള്ള Chance വളരെ കുറവാണെന്നാ അറിഞ്ഞത്.. “ ഷിജു വിവരിച്ചു.

“ എന്നാലും എന്താണ് ശെരിക്കും സംഭവിച്ചത്..? “

“ അങ്ങേര് അടുക്കളയിലെ അറയിൽ ചാരായമൊക്കെ സൂക്ഷിച് വച്ചിട്ടുണ്ടായിരുന്നു. Cylinder ന് തീ പിടിച്ചപ്പോ എല്ലാം കൂടെ ചേർന്നങ്ങ് കത്തി. “

“ ശെടാ.. അങ്ങനൊക്കെ സംഭവിക്കുവോ..? “

“ അല്ലാതെ ഇങ്ങനെ സംഭവിക്കില്ലല്ലോ..“ ഷിജു മറുപടി നൽകി.

“ എന്നാലും വല്ലാത്ത അവസ്ഥയായിപ്പോയി.. “ മനു മൂക്കത്ത് കൈ വച്ചു പറഞ്ഞു.

അൽപ്പം കഴിഞ്ഞ് സത്യൻ നിരുപമയെ വിളിച്ചു. പ്രതീക്ഷിക്കാതെയുള്ള കോൾ കണ്ട് നിരുപമ പരിഭ്രാന്തി പിടിച്ചു. ഇവിടെ നടക്കുന്ന കാര്യങ്ങൾ വല്ലതും അറിഞ്ഞിട്ട് വിളിക്കുന്നതാണോ എന്നവൾ സംശയിച്ചു. എന്തായാലും നിരുപമ കോൾ അറ്റന്റ് ചെയ്യാൻ തന്നെ തീരുമാനിച്ചു.

“ എന്താ ചേട്ടാ പതിവില്ലാതെ ഈ നേരത്തൊരു ഫോൺ കോൾ..? “ നിരുപമ സംശയത്തോടെ തിരക്കി.

“ അപ്പൊ നീ കാര്യങ്ങളൊന്നും അറിഞ്ഞില്ലേ..? “ സത്യൻ ചോദിച്ചു.

“ എന്ത് കാര്യം..? “

“ രാഘവേട്ടനും, സഹായിയും മരിച്ചു. “

അത് കേട്ട് അവൾ ആദ്യമൊന്ന് ഞെട്ടി, പതിയെ മുഖത്ത് സന്തോഷം തെളിഞ്ഞു.

“ നാട്ടിലുള്ള നീ ഈ കാര്യം അറിഞ്ഞില്ല. ഗൾഫിലുള്ള ഞാൻ അറിഞ്ഞു.. “ സത്യൻ പറഞ്ഞു.

“ സീരിയസ്സാണെന്ന്