Chapter Title : സിൽക്ക് സാരി 3 [Amal Srk]

" അത്… എനിക്ക്.. ചെറിയൊരു ക്ഷീണം.. " നിരുപമ പരുങ്ങലോടെ പറഞ്ഞു.

" പനിക്കുന്നുണ്ടോ..? " മാളവിക നിരുപമയുടെ നെറ്റിയിലും, കഴുത്തിലും തൊട്ടുനോക്കിക്കൊണ്ട് ചോദിച്ചു. അപ്പഴാണ് കഴുത്തിൽ ചുവന്ന പാട് ശ്രദ്ധയിൽ പെട്ടത്. " ഇതെന്ത് പറ്റിയതാ ..? "

അപ്പഴാണ് അവളും ആ കാര്യം ശ്രദ്ധിക്കുന്നത്. ഇന്നലെ ഷിജു ചെയ്ത് വച്ചതാ. ഇതിന്റെ യഥാർത്ഥ കാരണം ഒരമ്മക്കും സ്വന്തം മകളോട് പറയാൻ പറ്റാത്തതാണല്ലോ.

" അമ്മയെന്താ ഒന്നും മിണ്ടാത്തെ..? "

" അത്.. അത് പിന്നെ ഇന്നലെ ഒരു പ്രാണി കടിച്ചതാ.. " നിരുപമ പരുങ്ങലോടെ മറുപടി നൽകി.

" പ്രാണി കടിച്ചാ ഇങ്ങനൊക്കെ ആവോ..? " മാളവികക്ക് സംശയം മാറിയില്ല.

" കടിച്ചപ്പോ മുതൽ നല്ല ചൊറിച്ചിൽ ആരുന്നു. അങ്ങനെ വന്നതാ.." കള്ളം പറയാൻ അവൾ നന്നെ പാടുപെട്ടു.

" Hm.. ഇന്ന് ബ്രേക്ക്ഫാസ്റ്റിന് എന്നാ..? "

" ചപ്പാത്തി മതിയോ..? "

" കറിയോ..? "

" മോള് പറ.. "

" മുട്ടക്കറി…"

" ശെരി.. അമ്മ പെട്ടന്ന് ഉണ്ടാക്കാം.. മോള് അത്ര വരെ ചെന്ന് പഠിക്ക്.. " മാളവികയെ തലോടികൊണ്ട് പറഞ്ഞു.

" ശെരിയമ്മേ.. " അമ്മക്ക് സ്നേഹത്തോടെ മുത്തം നൽകികൊണ്ട് മാളവിക തിരികെ മുറിയിലേക്ക് ചെന്നു.

ഇപ്പഴാണ് അവൾക്ക് ശ്വാസം നേരെ വീണത്. ടെൻഷനും, പേടിയും കൊണ്ട് നിരുപമ വല്ലാതെ വിയർത്തു. കൈയ്യും,മുഖവും നന്നായി കഴുകിയ ശേഷം അവൾ അടുക്കളയിലേക്ക് ചെന്നു. ആദ്യം Breakfast ഉണ്ടാക്കാം, എന്നിട്ട് കുളിക്കാം. ഉടനെ പ്രാതലിനുള്ള പരിപാടി തുടങ്ങി.

നേരം കുറേയായിട്ടും നിരുപമയെ