Chapter Title : സിൽക്ക് സാരി 4 [Amal Srk]

മണി കഴിഞ്ഞു. നിരുപമ മുടിയൊക്കെ ഒതുക്കി വേഗം ചെന്ന് വാതിൽ തുറന്നു. മാളവികയും, ഗോഹുലും വന്നിട്ട് ഒരുപാട് നേരമായെന്ന് തോന്നുന്നു. വാതില് തുറന്നുയുടനെ ഇരുവരെയും നോക്കി മുഖത്ത് ചിരി വരുത്തി.

" എത്ര നേരായി അമ്മേ ഞങ്ങള് വന്നിട്ട്... " മാളവിക പറഞ്ഞു.

" കോളിംഗ് ബെൽ ഞെക്കി, ഞെക്കി എന്റെ കൈ വേദനിച്ചു.. " ഗോഹുൽ പറഞ്ഞു.

" സോറി… ഞാനൊന്ന് മയങ്ങിപ്പോയി.. "

" ഇത് വല്ലാത്ത മയക്കം തന്നെ.. " ഗോഹുൽ പിറുപിറുത്തുകൊണ്ട് അകത്തേക്ക് ചെന്നു.

" അമ്മേടെ ക്ഷീണമൊക്കെ മാറിയോ..? " മാളവിക ചോദിച്ചു.

" മാറി.. " നിരുപമ ചിരിച്ചുകൊണ്ട് പറഞ്ഞു.

അപ്പഴാണ് അവളുടെ കഴുത്തിലെ ചുവന്ന പാടുകൾ മാളവികയുടെ ശ്രദ്ധയിൽ പെട്ടത്. " രണ്ട് കഴുത്തിലും പാട് വന്നല്ലോ..? സത്യത്തിൽ ഇത് എന്നാ പറ്റിയതാ..? " മാളവിക സംശയത്തോടെ ചോദിച്ചു.

" ഏതോ പ്രാണി കടിച്ചതാ.. "

" രണ്ട് ഭാഗത്തും..? "

" അഹ്.. അതെ.. " നിരുപമ കള്ളം പറയാൻ നന്നെ പാട് പെട്ടു.

ഈ സമയം ഗോഹുൽ അവിടേക്ക് വന്നു.

" ഇത് പ്രാണി കടിച്ച പാടാണെന്ന് തോന്നുന്നില്ല.. വേറെ എന്തോ ആണ്.. " ഗോഹുൽ സംശയം പ്രകടിപ്പിച്ചു.

" നിങ്ങൾക്ക് ഞാൻ പറയണത് വിശ്വാസം ഇല്ലല്ലേ..? വലിയ CBI ക്കാര് വന്നേക്കുന്നു.. " നിരുപമ വഴക്ക് പറഞ്ഞുകൊണ്ട് തന്റെ മുറിയിലേക്ക് ചെന്നു.

ഈശ്വരാ കള്ളി ഇപ്പൊ വെളിച്ചത്തായേനെ. അവള് ദൈവത്തോട് മുട്ടിപ്പായി പ്രാർത്ഥിച്ചു.

ദിവസങ്ങൾ കടന്നുപോയി ഇപ്പൊ അനിൽ അങ്കിളിന്റെ ഒരു വിവരവുമില്ല. ഓൺലൈനിൽ കണ്ടിട്ട് തന്നെ ഒത്തിരി നാളായി, അങ്ങേരിത് എവടെ പോയതാ? അവൻ വലിയ ആലോചനയിലായി. ഫോൺ അമ്മയുടെ കൈയ്യിലായത് കൊണ്ട് കംപ്ലയിന്റ് ആയ ലാപ് ആണ് അവൻ ഉപയോഗിക്കുന്നത്. ലാപ് ഉപയോഗിച്ച് അവൻ ഫോണിലെ Fb യും insta യും log out ചെയ്ത് സേഫ് ആക്കി.

രണ്ട് ദിവസം കഴിഞ്ഞാൽ ഓണം വെക്കഷൻ തുടങ്ങും, അതിന് മുന്നോടിയായി onam സെലിബ്രേഷൻ ഇൻസ്റ്റിറ്റ്യൂഷനിൽ നടത്താൻ management തീരുമാനിച്ചു. എല്ലാ വർഷവും ഉണ്ടാവുന്നത് പോലെ കേവലമൊരു പൂക്കള മത്സരത്തിൽ മാത്രമൊതുക്കാതെ ഒത്തിരി മത്സരങ്ങളും, പരിപാടികളും ഉൾപ്പെടുത്തി ഗ്രാൻഡ് ആയി നടത്താൻ തന്നെ പ്രിൻസി തീരുമാനമെടുത്തു.

കുറച്ചു ദിവസങ്ങളിലായി ഷിജുവിന്റെ ഭാഗത്ത്‌ നിന്ന് വലിയ പ്രശ്നങ്ങളൊന്നും ഉണ്ടാവാത്തതിന്റെ ആശ്വത്തിൽ ഇരിക്കുകയാണ് നിരൂപമ. ഈ സമയം മേരി