Chapter Title : സിൽക്ക് സാരി 8 [Amal Srk]

“ ഞാൻ അമ്മയോട് പറയാം.. “ ഗോഹുൽ താഴ്ന്ന സ്വരത്തിൽ മറുപടി നൽകി.

“ ഞാൻ ഇങ്ങനെ പറഞ്ഞെന്ന് പോയി പറഞ്ഞേക്കല്ലേ.. നിന്റെ ബെസ്റ്റ് ഫ്രണ്ട് ആണെന്നൊന്നും നോക്കില്ല, എന്നെ എല്ലാർടേം മുന്നിൽ വച്ച് അലക്കും.. “ ജിനു അല്പം ഭയത്തോടെ പറഞ്ഞു.

“ നീ അതോർത്തു പേടിക്കണ്ട, പ്രശ്നം ഉണ്ടാവാത്ത രീതിയിൽ അമ്മയോട് കാര്യം അവതരിപ്പിച്ചോളാം. “ ജിനുവിന്റെ തോളിൽ കൈ തട്ടിക്കൊണ്ടു പറഞ്ഞു.

ക്ലാസ്സിൽ സൈലന്റ് ആയി ഇരിക്കുകയാണ് മാളവിക. പഴയ പോലെ അവൾക്ക് ഒന്നിലും ഒരു ഉത്സാഹം ഇല്ല.

ലക്ഷ്മി അവളെ തട്ടി വിളിച്ചു “ എന്ത് പറ്റി നിനക്ക്? കുറച്ചു ദിവസമായിട്ട് ഞാൻ ശ്രദ്ധിക്കുന്നു. എന്നോട് എന്തേലും തുറന്ന് പറയാനുണ്ടേൽ പറ. എന്താ നിന്റെ വിഷമം? “

“ വിഷമം ഒന്നും ഇല്ല.. “ മാളവിക തല താഴ്ത്തി കൊണ്ട് പറഞ്ഞു.

“ അത് കള്ളം.. “

“ സത്യാടി.. എനിക്ക് ഒരു കുഴപ്പവും ഇല്ല… “

“ എന്നാ വാ നമുക്ക് ഗ്രൗണ്ടിൽ ഒക്കെ പോയിട്ട് വരാം.. “ ലക്ഷ്മി മാളവികയുടെ കൈയിൽ പിടിച്ചു വലിച്ചുകൊണ്ട് പറഞ്ഞു.

“ എനിക്ക് നല്ല ക്ഷീണമുണ്ട്.. നീ പൊക്കോ.. “ അതും പറഞ്ഞ് മാളവിക ഡസ്ക്കിൽ തല വച്ചു കിടന്നു.

“ എന്നാ ഞാൻ പോകുവാ.. “ അല്പം ദേഷ്യത്തോടെ പറഞ്ഞുകൊണ്ട് ലക്ഷ്മി മറ്റു കൂട്ടുകാരികളുടെ കൂടെ വരാന്തയിലേക്ക് നടന്നു.

ഇതൊക്കെ സൂക്ഷ്മമായി നിരീക്ഷിക്കുന്നുണ്ട് സനു. മാളവികയെ ക്ലാസ്സിൽ ഒറ്റക്ക് കിട്ടിയ സന്തോഷത്തിൽ അവൻ അടുത്തേക്ക് ചെന്നിരുന്നു.

“ എന്തു പറ്റിയെടോ ആകെ ഒരു മൂഡ് ഔട്ട് ആണല്ലോ..? “ സനു അവളുടെ കയ്യിൽ തട്ടിക്കൊണ്ടു പറഞ്ഞു. സനുവാണ് തന്റെ അടുത്തിരിക്കുന്നതെന്ന് മനസ്സിലാക്കിയ മാളവിക ഒന്ന് ഞെട്ടി “ നീ എന്താ ഇവിടെ? ഒന്ന് മാറിയിരിക്ക്, ആരേലും കണ്ട് ഡൗട്ട് അടിക്കും. “

“ ആര് കണ്ടാലും എനിക്കൊരു കുഴപ്പവുമില്ല.. “ സനു ധൈര്യത്തോടെ പറഞ്ഞു.

“ നിനക്ക് അങ്ങനെയൊക്കെ പറയാം പക്ഷേ എന്റെ ഭാഗത്തൊന്ന് ചിന്തിച്ചു നോക്ക്. “

“ നമ്മള് ലവേഴ്സാണ്, എന്നായാലും ഇതൊക്കെ എല്ലാവരും അറിയും. “

“ അറിയുമ്പോൾ അറിഞ്ഞോട്ടെ. നീയായിട്ട് അതിനിപ്പൊന്നും ചെയ്യേണ്ട. “ മാളവിക അല്പം ഗൗരവത്തോടെ പറഞ്ഞു.

“ നിനക്ക് എന്തുപറ്റി മാളു..? പഴയപോലെ എന്നോട് ഇപ്പോ ഒരു ഇഷ്ടവുമില്ല. സംസാരിക്കാൻ താല്പര്യമില്ല, അടുത്ത് വരുന്നതും ഇഷ്ടമല്ല.