Chapter Title : സ്കിൻ റ്റു സ്കിൻ, ദേർ ഈസ് നോ സിൻ [അപരൻ]

വിളിച്ച് കാര്യങ്ങളൊക്കെ വിശദീകരിച്ചു. അവന് പ്രശ്നങ്ങളൊന്നുമില്ല. എങ്കിലും മൂന്നു ദിവസം കൂടി കഴിയാതെ വരാൻ പറ്റില്ലത്രേ...

സനൂപുമായുള്ള സംഭാഷണത്തിനു ശേഷം ശാലിനിയും ആനിയും അത്താഴത്തിന് ഇരുന്നു. അപ്പോഴാണ് കോളിംഗ് ബെൽ ശബ്ദിച്ചത്.

ശാലിനി പോയി വാതിൽ തുറന്നു. നവാസ് ആയിരുന്നു.

അവൻ അകത്തേക്കു കയറി.

" ഇതാ ചേച്ചീ നവാസ്. നവാസും ഉമ്മാ ജമീലത്താത്തായുമാ വൈകിട്ട് കൂട്ടു കിടക്കാൻ വരാറ് "

ആനി നവാസിനെ നോക്കിച്ചിരിച്ചു.

കഷ്ടിച്ച് ഒരു ഇരുപതു വയസ്സു വരും. ശരീരം കണ്ടിട്ട് ജിമ്മിൽ പോകുന്നതാണെന്നു തോന്നി.

" ഇത്തായെന്തിയേടാ " ശാലിനി ചോദിച്ചു.

" വല്യുപ്പായും വല്യുമ്മായും വന്നിട്ടുണ്ട്. അതോണ്ട് ഉമ്മാ വരത്തില്ല"

" ഇന്നു ഞാനുമുണ്ടല്ലോ. നവാസ് വന്നില്ലേലും കുഴപ്പമില്ലായിരുന്നു " ആനി പറഞ്ഞു.

" ഞാമ്പറഞ്ഞതാ ചേച്ചീ. പക്ഷേ ഉമ്മാ സമ്മതിക്കേണ്ടേ. സനൂപേട്ടൻ വിളിച്ചു പറഞ്ഞതാ. പോകണമെന്നു പറഞ്ഞ് ഉമ്മാ ഇരുത്തത്തില്ല..."

" നീ കഴിച്ചോടാ " ശാലിനി.

" കഴിച്ചതാ ചേച്ചീ. നിങ്ങളു കഴിക്ക്"

" എന്നാ നീയിരിക്ക്. ഞങ്ങളു കഴിച്ചിട്ടു വരാം "

നവാസ് ടിവി ഓണാക്കി കാണാൻ തുടങ്ങി.

കഴിച്ചു കഴിഞ്ഞ് കുറേ നേരം വർത്തമാനമൊക്കെ പറഞ്ഞിരുന്നു...

" ചേച്ചീ കിടക്കാറായോ "

ഒമ്പതു കഴിഞ്ഞപ്പോൾ ശാലിനി ചോദിച്ചു.

" ശാലിനിക്ക് ഉറക്കം വരുന്നുണ്ടോ "

" ഉറക്കം വരുന്നില്ല. എന്നാലും വല്ലാത്ത ഒരു ക്ഷീണം "

ക്ഷീണം കാണും... ആനി ചിന്തിച്ചു.

" നവാസ് എവിടാ കിടക്കുന്നത് "

" അവനിപ്പഴൊന്നും കെടക്കത്തില്ല. ടിവിയിൽ ഇംഗ്ലീഷ് സിനിമയും വച്ചോണ്ടിരിക്കും. പിന്നെ അവൻ അമ്മയുടെ മുറിയിൽ കിടന്നോളും. അതാ പതിവ്. മുകളിലത്തെ മുറിയിലപ്പടി ഓരോരോ സാധനങ്ങളാ. അടുക്കിപ്പെറുക്കി വച്ചിട്ടൊന്നുമില്ല..."

" എന്നാ ശാലിനി കിടന്നോ. ഞാനും കിടക്കാൻ പോകുകാ . ഗുഡ്നൈറ്റ് "

" ഗുഡ്നൈറ്റ് ചേച്ചീ "

നവാസ് ഇതിലൊന്നും ശ്രദ്ധിക്കാതെ ടിവിയിലാണ്...

മുറിയിൽ വന്നു കിടന്നിട്ടും ആനിക്ക് ഉറക്കം വന്നില്ല. കുറച്ചു നേരം മൊബൈലിൽ ചെലവഴിച്ചു. അര മണിക്കൂറു കൊണ്ട് അതു മതിയായി. പിന്നെ വെറുതേ കണ്ണടച്ചു കിടന്നു.

പകൽ ശാലിനിയും സൂരജും കൂടി