Chapter Title : സൂസൻ 14 [Tom]

കഴിഞ്ഞു പോത്തീസും..."

ഇവളുമാർ എന്ത് ഇന്നു എല്ലാ കടയിലും കയറി എല്ലാ തുണിയും എടുത്തു ഇങ്ങു വരുവോ എന്ന് മനസ് കൊണ്ട് ചിന്തിച്ചു പോയി...

മൂന്ന് ഷോപ്പിന്റെ പേരും പറഞ്ഞത് കൊണ്ട് ആദ്യം എങ്ങോട്ട് പോകണം എന്ന് ഉറപ്പിക്കാൻ ഒന്നു കൂടി ഞാൻ ചോദിച്ചു...

അപ്പോഴും മരിയ നല്ല ചൂടായി പറയും പോലെ "തന്നോട് അല്ലെ പറഞ്ഞത് ജയലക്ഷ്മി ൽ വിടാൻ..."

മരിയയുടെ ഈ ശൈലി സിജിക്കു തീരെ പിടിച്ചിട്ടില്ല എന്ന് സിജി അപ്പോൾ തന്നെ കൊടുത്ത മറുപടിയിൽ നിന്നും വെക്തമായി...

"ദേ മരിയ,,, ടോം നിന്റെ വീട്ടിലെ ഡ്രൈവർ ഒന്നും അല്ല, അവന്റെ ജോലിയും ഡ്രൈവിംഗ് അല്ല,, പിന്നെ ഞങ്ങടെ ഫാമിലി ക്കു അടുത്ത് അറിയാവുന്ന ചെക്കൻ ആയതു കൊണ്ട് വിളിച്ചപ്പോൾ അവൻ വന്നതാ ചുമ്മാ അവനോടു ഈ ഷൈലിയിൽ സംസാരിക്കാൻ നിക്കണ്ട..."

സിജി ഇത് പറയുമ്പോ മരിയയുടെ മുഖം കാണേണ്ടത് തന്നെ ആയിരുന്നു... എന്തോ പോയ അണ്ണാനെ പോലെ...

എന്തായാലും മുതലാളിച്ചി കളിക്കാൻ നിന്നത് മുളയിലേ സിജി നുള്ളി കളഞ്ഞിട്ടുണ്ട്...

സിജി മരിയയോട് പറഞ്ഞ ശേഷം എന്നെ നോക്കി "ആദ്യം നമുക്ക് ജയലക്ഷ്മി ൽ പോകാം..."

""ആഹ്ഹ് ശെരി "" എന്നും പറഞ്ഞു ഞാൻ വണ്ടി മുന്നോട്ടേക്ക് എടുത്തു...

പുറകിൽ മറിയവും മേരിയും എന്തൊക്കെയോ സംസാരിക്കുന്നു ഉണ്ട്.. അത് ഫ്രണ്ടിൽ ഇരിക്കുന്ന ഞങ്ങൾക്ക് വരെ കേൾക്കാം...

സിജി മൊബൈലിൽ ഇൻസ്റ്റാഗ്രാം കുത്തി കളിക്കുന്നു ഉണ്ട്...

ഫ്രണ്ട് ഗ്ലാസ്സിലൂടെ സൂസനെ ഞാൻ ഒന്ന് നോക്കി അവളും ഗ്ലാസ്സിലൂടെ എന്നെ നോക്കി വായ ചലിപ്പിച്ചു സോറി പറഞ്ഞു...