Chapter Title : സുഹൃത്തിന്റെ മകൾ ജ്വാല 8 [Sojan]

അവരുടെ കോളേജ് ഒരു വലിയ കെട്ടിടത്തിന്റെ രണ്ടാം നിലമുഴുവനുമാണ്.
അവൾ പരിപാടി കാണാൻ വരരുതെന്ന്‌ പറഞ്ഞിരുന്നെങ്കിലും ഞാൻ രഹസ്യമായി ആ ദിവസം അവിടെ എത്തി. അവൾ എന്നെ കാണാതിരിക്കാൻ സൂക്ഷിച്ചും കണ്ടുമാണ് ഞാൻ താഴെ ജംക്ഷനിൽ നിന്നത്.
പരിപാടി തുടങ്ങി.
അവളുടെ പ്രോഗ്രാമിന്റെ അനൗൺസ്മെന്റ് കേട്ടതും ഞാൻ പതിയെ സ്റ്റെപ്പ് കയറി പിന്നിലുള്ള ആളുകളുടെ ഇടയിലൂടെ സംഭവം വീക്ഷിച്ചു. ഒരു തരം ഗ്രാമീണ ഡാൻസ് പോലാണ് എനിക്ക് തോന്നിയത്. കൈയ്യിൽ പ്ലാസ്റ്റിക്ക് ബക്കറ്റ് ഒക്കെ പിടിച്ച് എന്തോ ഒന്ന്‌. അവൾ ഡാൻസ് കളിക്കുന്നതും ഞാൻ കണ്ടു. തീരുന്നതിന് മുമ്പ് ഞാൻ പെട്ടെന്ന്‌ പുറത്തിറങ്ങി. താഴെ ഒരു കടയിൽ പോയി സിഗററ്റ് വലിച്ചു.
അവൾ ഉള്ള ആ സ്ഥലത്തു നിന്നും പോകാനുള്ള മടികാരണമായിരിക്കാം എന്തോ നഷ്ടപ്പെട്ടതു പോലെ ചുറ്റിപ്പറ്റി നിന്നു.
ജ്വാലയുടെ സ്വഭാവം അറിയാവുന്നതിനാൽ എന്നെ അവൾ കാണരുതെന്നത് ആയിരുന്നു എന്റെ പ്രഥമ പരിഗണന.
പിന്നീട് മറ്റാരുടെയൊക്കെയോ ഗാനങ്ങൾ തുടങ്ങി.
"അടുത്തതായി ജ്വാല സതീശൻ പാടുന്നു"
ഞാൻ ഒന്നു കൂടി ചെവിവട്ടം പിടിച്ചു, ഞാൻ കേട്ടത് സത്യമാണോ?
അപ്പോഴേയ്ക്കും പാട്ട് തുടങ്ങി.
മൈക്കിലൂടെ കേൾക്കുന്നതിനാൽ എനിക്ക് സ്വരം മനസിലായില്ല, അല്ലെങ്കിലും ഞാൻ കേട്ടതല്ലായിരുന്നല്ലോ സത്യവും!!
ഞാൻ തിരിച്ചോടി സ്റ്റെപ്പുകൾ കയറി.
അത് ജ്വാല തന്നെ, ഡാൻസിന് ധരിച്ച ഡ്രെസ്സിട്ടാണ് പാടുന്നതെന്നു മാത്രം.
അതിമനോഹരമായി പാടുന്നു.
ഞാൻ വാ പൊളിച്ചു നിന്നു.!!
എന്നെക്കൊണ്ട് പാട്ട് പാടിച്ച്, ശ്രുതി തെറ്റിച്ച് പാട്ടുപാടിയവൾ സിനിമയിലും മറ്റും കാണുന്നതു പോലെ ദാ നിന്ന്‌ പാടുന്നു.!! അതും അതിമനോഹരമായി!!
അപ്പോൾ അവൾ ഞാൻ കാളരാഗത്തിൽ പാടിയപ്പോൾ