Chapter Title : സുമി 2 [Perumal Clouds]

ഇന്ന് വീട്ടിൽ വരില്ലേ?”

“എങ്ങനെ വരാൻ. നാലുകാലിൽ വന്നാൽ മാതാവ് തല്ലികൊല്ലും.”

“ഒക്കെ… നീ എനിക്ക് ഒരു ഹെല്പ് ചെയ്യോ?”

“എന്ത് ഹെല്പ് ആണ്?”

“നീ ഇറങ്ങുമ്പോൾ വിളിക്കടാ ചെക്കാ!”

സുമി എന്നെ വിളിക്കാത്തതുകൊണ്ടു തന്നെ ചില സമയം കോൾ വരുമ്പോൾ കട്ട് ചെയ്യാൻ പറയാൻ തോന്നാറില്ല.. പാവം, അവളുടെ ആഗ്രഹങ്ങൾക്ക് ഒരുപാടൊരുപാട് ലിമിറ്റേഷൻസ് ഉണ്ട്. ഞാൻ കുളി കഴിഞ്ഞു ഇറങ്ങാൻ നിൽകുമ്പോൾ നല്ല മഴ! റൈൻ കോട്ട് തപ്പുന്നതിനു ഇടയിലാണ് സുമി വിളിക്കാൻ പറഞ്ഞത് ഓർമ്മ വന്നത്. ഇറങ്ങുന്നതിനു മുൻപ് തന്നെ ഞാൻ അവളെ വിളിച്ചു.

“എന്താ വിളിക്കാൻ പറഞ്ഞത്?” മഴയുടെ ശബ്‌ദം കാരണം ഒന്നും അവൾ പറയുന്നത് ക്ലിയർ ആയിരുന്നില്ല. ഞാൻ റൂമിൽ കയറി വാതിൽ അടച്ചു.

“ഡാ, ഞാൻ പറയുന്നത് കേൾക്കു. ഇവിടെ ആരും ഇല്ല, നീ കുടിക്കാൻ പോകുന്ന മദ്യം, നിൻ്റെ ഫ്രണ്ട്‌സ് ഒന്നും ഇവിടെ ഇല്ല. ഉള്ളത് ഞാൻ മാത്രം ആണ്. എൻ്റെ കൂടെ ന്യൂയർ ആഘോഷിക്കാൻ ആഗ്രഹിക്കാൻ തോന്നുന്നു എന്ന് ഉണ്ടേൽ നീ ഈ മഴയത്തു കാട്ടിലൂടെ തന്നെ വരണം”

“എന്നെ വല്ല പാമ്പും കടിച്ചാൽ?”

“മരിക്കും. ലൈഫിൽ റിസ്ക് എടുക്കാതെ ചില പ്രെഷ്യസ് മൊമെന്റ്സ് ഉണ്ടാക്കാൻ പറ്റില്ല.”

“പാമ്പു കടി കിട്ടിയില്ലെങ്കിൽ ഞാൻ അവിടെ എത്തും.”

അമ്മയോട് ഞാൻ ഇറങ്ങാണെന്നു പറഞ്ഞു. അടുത്തുള്ള വീട്ടുകാർ, അമ്മ, ഇവർ ആരും എന്നെ നോക്കുന്നില്ല എന്ന ഉറപ്പിൽ ഞാൻ കാട്ടിലേക്ക് നടന്നു. ഫോണിലെ ടോർച്ചു ഉപയോഗിക്കാൻ നിർവാഹം ഉണ്ടായിരുന്നില്ല. നല്ല കാറ്റും മിന്നലും. ഇടിവെട്ടിൻ്റെ ശബ്‌ദം ഭൂമിയിൽ പതിഞ്ഞിരുന്നില്ല.

കാട്ടിലേക്ക്