Chapter Title : സുനന്ദയുടെ വേഷങ്ങള്‍

അവൾ ഒന്ന് പാളിനോക്കി. സമയം6.50 പിഞ്ചുകൂട്ടികളെ ഇത്രയും നേരത്തെ എത്രയോ ദൂരത്തുള്ള സ്കൂളിലേക്ക് വിടാൻ അവൾക്കൊട്ടും താൽപര്യമുണ്ടായിരുന്നില്ല. സിബിഎസ്സി സ്കൂളിൽ പഠിപ്പിച്ചില്ലെങ്കിൽ കൂട്ടികളുടെ ഭാവി പരുങ്ങലിലാവും എന്ന പ്രദീപന്റെ വിശ്വാസത്തിന് വിലങ്ങുതടിയാവണ്ട എന്ന ഒറ്റ വിചാരത്തിലാണ് അവൾ അതിന് കൂട്ടുനിന്നത്. സ്കൂൾ ബസ്സ് കണ്ണിൽ നിന്ന് മറയുന്നതുവരെ കൈവീശിനിന്ന അവൾ പെട്ടെന്നൊരു ബോധാദയമുണ്ടായതുപോലെ അകത്തേക്കോടി. പ്രദീപൻ റഡിയായി വരുമ്പോഴേക്ക് തനിക്ക് മറ്റൊരു ഡ്യൂട്ടികൂടി ചെയ്തുതീർക്കുവാനുണ്ട് എന്ന കാര്യം അവൾ മറന്നിരുന്നു. തലയിൽ കെട്ടിയിരുന്ന തോർത്തഴിച്ച് അഴയിൽ ഇട്ടശേഷം മൂടികുളിപ്പിന്നൽ കെട്ടി. 'പ്രദീപേട്ടാ, കുളിച്ചുവരുമ്പഴേക്ക് ഞാൻ തെക്കേലൊന്നുപോയി ഓടി ഇങ്ങുവരാം.' കൂളിമുറിഭാഗത്തേക്ക് നോക്കി വിളിച്ചുപറഞ്ഞിട്ട് പുറത്തിറങ്ങി വാതിലൊന്നുചാരി അവൾ വേഗത്തിൽ അടുത്ത വീട്ടിലേക്ക് പോയി. അവിടെ, ജീവിതമെന്ന റിയാലിറ്റി ഷോയുടെ ഗ്രാന്റ് ഫിനാലെയിൽ പാസ് മാർക്ക് നഷ്ടപ്പെട്ട് ഡെയ്ഞ്ചുർ സോണിൽ എലിമനേഷൻ കാത്തുകിടക്കുന്ന ജോസഫ് ചേട്ടന് ദിവസേന മരുന്നെടുത്ത് കൊടുക്കാനുള്ള ചുമതല കുറച്ചുനാളായി സുനന്ദക്കാണ്. അതിന് കൃത്യമായി ന്യൂയോർക്കിലുള്ള ജോസഫ് ചേട്ടന്റെ നഴ്സ് മകൾ റീന സുനന്ദയുടെ ബാങ്ക് അക്കൗണ്ടിൽ സൗഹൃദം പുതുക്കാറുമുണ്ട്. മറ്റൊന്നുമില്ല രാവിലെയും വൈകിട്ടും ജോസഫ് ചേട്ടനുമായി പത്തുമിനിറ്റ് സൗഹൃദ സംഭാഷണം, ഒന്നിരാടം ദിവസം വൈകുന്നേരം വിവരങ്ങൾ ഡോക്ടർ ഫെർണാസിനെ വിളിച്ച് അറിയിക്കണം. ദിവസവും നാലു നേരത്തേക്കുള്ള മരുന്നുകൾ കൃത്യമായെടുത്ത് വിവിധ വർണ്ണങ്ങളിലുള്ള നാലു ഡപ്പികളിൽ ഇട്ടുവക്കണം അത്രതന്നെ. പകൽ പാചകത്തിനും മറ്റുമായി വരുന്ന പെൺകുട്ടി അവ സമയാസമയങ്ങളിൽ എടുത്ത് കൊടൂത്തോളും. പതിവുപോലെ അൽപ സമയം ജോസഫ് ചേട്ടനരികിൽ ചെലവഴിച്ച ശേഷം മരുന്നു.ഡപ്പികൾ പെൺകുട്ടിയെ ഏൽപ്പിച്ച് സുനന്ദ വീട്ടിലേക്ക് തിരിച്ചു.കഥകള്‍.കോം അവിടെ ടിഫിൻ കഴിക്കാൻ റിഡിയായി ടേബിളിൽ താളം പിടിച്ചുകൊണ്ട് പ്രദീപൻ ഇരിക്കുന്നുണ്ടായിരുന്നു. വെളുപ്പിന് ഉണ്ടാക്കിവച്ചു പൂട്ടും കടലക്കറിയും വിളമ്പിക്കൊടുത്ത ശേഷം പ്രദീപന് കൊണ്ടുപോകാനുള്ള ചോറും കറിയും പാത്രത്തിലാക്കുമ്പോൾ ഭക്ഷണത്തിനൊപ്പം കൂടിക്കാൻ വെള്ളം കൊടുക്കാൻ മറന്നകാര്യം ഇക്കിൾ ശബ്ദത്തിൽ അയാൾ അവളെ ധരിപ്പിച്ചു. വേഗം ഒരു കണ്ണാടിഗ്ലാസിൽ വെള്ളവുമായി അവൾ പ്രദീപന്റെ അരികിലെത്തി. അത് വാങ്ങി കൂടിച്ച് അൽപം ദേഷ്യത്തിൽ 'ആഹാരം തരുമ്പം വെളേള്ളാം തരണന്ന് നിന്നോട് പ്രത്യേകം പറയണോ..? എന്ന അയാളുടെ ചോദ്യം അത്ര കാര്യമാക്കാതെ