Chapter Title : സുറുമയെഴുതിയ മിഴികൾ 2 [സ്പൾബർ]

ചോദിക്ക്… അവനിഷ്ടമാണെങ്കിൽ മാത്രം ഞാനും പ്രതീക്ഷിച്ചാ മതിയല്ലോ..”

സാജിതയുടെ ഫോണിൽ മറ്റൊരു കോള് വരുന്നത് കണ്ട് അവൾ ചെവിയിൽ നിന്ന് എടുത്ത് നോക്കി..

അവൾ അൽഭുതപ്പെട്ട് പോയി…അബ്ദു..

“എടീ… നീ ഫോൺ കട്ടാക്കിയേ.. നിന്റെ ഭാവി വരൻ വിളിക്കുന്നു… കട്ടാക്ക്…”

സാജിത ഉറക്കെ പറഞ്ഞു..
സലീന പെട്ടെന്ന് കോൾ കട്ടാക്കി..

സാജിത വേഗം അബ്ദുവിന്റെ കോളെടുത്തു..

“ഹലോ… എന്താടാ അബ്ദൂ ഈ നേരത്ത്… ?”

സാജിത സന്തോഷത്തോടെ ചോദിച്ചു..

“ ഞാൻ വെറുതേ വിളിച്ചതാടീ… നീ കിടന്നില്ലായിരുന്നോ… ?”..

“വെറുതെ വിളിക്കാൻ പറ്റിയ സമയം.. ഈ പച്ചപ്പാതിരക്ക്… നീ കാര്യം പറ അബ്ദൂ…”

“അങ്ങിനെ പ്രത്യേകിച്ച് കാര്യമൊന്നുമില്ല..”

അബ്ദുവിന്റെ പരുങ്ങൽ കണ്ട് സാജിത അൽഭുതപ്പെട്ടു… സലീന വിളിച്ചപ്പഴും ആദ്യം ഇതേ പരുങ്ങലായിരുന്നു…

“പരുങ്ങണ്ട… കാര്യം പറഞ്ഞാമതി..”

സാജിത ചിരിയോടെ പറഞ്ഞു.

“അത്.. സലീനയെ പറ്റി ഒരു കാര്യം ചോദിക്കാനാ…”

“അവളെ പറ്റി നിനക്കെല്ലാം അറിയുന്നതല്ലേ… ഇനി ഞാനെന്ത് പറയാനാ… ?”

അബ്ദുവിന്റെ അസുഖവും സാജിതക്ക് മനസിലായി..

“അതല്ലെടീ… നീ അവളോടൊരു കാര്യം പറയണം…”

“ എന്ത്… ?”..

സാജിത സംശയത്തോടെ ചോദിച്ചു..

“അത്… കുറച്ച് കഴിഞ്ഞാ അവളുടെ ഉപ്പ നാട്ടിൽ വരും… അവളെന്തായാലും ഇനി അവന്റെ കൂടെ ജീവിക്കില്ലെന്നാ പറഞ്ഞേ… ഞാനൊരു കൂലിപ്പണിക്കാരനാ… ഗൾഫ് കാരന്റെ പത്രാസൊന്നും ഉണ്ടാവില്ല… സലീനയെ കല്യാണം കഴിക്കാൻ എനിക്ക് ആഗ്രഹമുണ്ട്… വലിയ ആഡംബരമൊന്നുമില്ലെങ്കിലും അവൾക്ക് സങ്കടപ്പെടേണ്ടിവരില്ല.. സമാധാനത്തോടെ ജീവിക്കാം.. നീ അവളോടൊന്ന് ചോദിക്കോ… ?. ഞാനവളെ കെട്ടിക്കോട്ടേന്ന്…”

സാജിത ശരിക്കും അന്തം വിട്ടു.. ഇതെങ്ങിനെ രണ്ടാളും ഒരുപോലെ
ചിന്തിച്ചു…
ഇതാണ് മനപ്പൊരുത്തം..