Chapter Title : സുതാര്യമായ തടവറ 2 [ഒറ്റയ്ക്ക് വഴിവെട്ടി വന്നവൻ]

അല്ലെന്ന് വക്കച്ചന് നൂറു ശതമാനം ഉറപ്പായിരുന്നു.

​വക്കച്ചൻ: (മനസ്സിൽ) "ദൈവമേ...

ഡോക്ടർ നതാഷയോ ഇത്? രാത്രി പതിനൊന്നു മണിക്ക് റേഡിയോ സ്റ്റുഡിയോ വിട്ടതാണ്...

ഇത്രയും നേരം ഇവർ എവിടെയായിരുന്നു? ഇതാണോ ഇവരുടെ യഥാർത്ഥ മുഖം?"

​വക്കച്ചന്റെ ഉള്ളിലെ വിശ്വസ്തനായ കാവൽക്കാരൻ ആ നിമിഷം മരിച്ചു.

പകരം ഒരു വേട്ടക്കാരന്റെ ബുദ്ധി അവിടെ ഉണർന്നു.

അയാൾ പതുക്കെ തന്റെ പോക്കറ്റിൽ നിന്നും ഫോൺ എടുത്തു.

വിറയ്ക്കുന്ന കൈകളോടെ അയാൾ ആ ദൃശ്യങ്ങൾ ക്യാമറയിൽ പകർത്തി. നതാഷ സാമിനെ കെട്ടിപ്പിടിച്ചു നിൽക്കുന്നതും, സാം അവളുടെ സ്കാർഫ് നീക്കി കഴുത്തിൽ ഉമ്മ വെക്കുന്നതുമായ വ്യക്തമായ ദൃശ്യങ്ങൾ ആ സ്ട്രീറ്റ് ലൈറ്റ് വെട്ടത്തിൽ അയാൾ റെക്കോർഡ് ചെയ്തു.

​സാം ബൈക്ക് തിരിച്ചു പറപ്പിച്ചു പോയതും നതാഷ തിടുക്കത്തിൽ തന്റെ കാറിൽ കയറി.

അവൾ ഒരിക്കൽ പോലും ചുറ്റും ശ്രദ്ധിച്ചില്ല.

വക്കച്ചൻ ആ മരനിഴലിൽ ഇരുന്ന് തന്റെ ഫോണിലെ വീഡിയോ ഒന്നുകൂടി നോക്കി. അയാളുടെ മുഖത്ത് ഒരു ക്രൂരമായ ചിരി വിരിഞ്ഞു.

​വക്കച്ചൻ: "അപ്പോൾ ഇതാണ് കാര്യം! മാത്യു ഡോക്ടറെ പറ്റിച്ചു സുഖിക്കുകയാണല്ലേ? ഈ വീഡിയോ എന്റെ കയ്യിലുള്ളടത്തോളം കാലം ഡോക്ടർ എന്റെ വാക്കിന് പുറത്തു പോകില്ല. നിന്റെ ഈ മാന്യതയുടെ മുഖംമൂടി ഞാൻ അഴിക്കും."

​നതാഷ കാർ സ്റ്റാർട്ട് ചെയ്തു പോകുമ്പോൾ, താൻ ഒരു വലിയ കെണിയിലേക്കാണ് നടന്നു കയറിയതെന്ന് അവൾ അറിഞ്ഞിരുന്നില്ല. മാത്യുവിനെക്കാൾ വലിയൊരു അപകടം തന്നെ കാത്തിരിക്കുന്നുണ്ടെന്ന് അവൾ സ്വപ്നത്തിൽ പോലും കരുതിയില്ല.

. നതാഷ കാറിൽ ഇരുന്ന് സാം ബൈക്ക് ഓടിച്ചു പോകുന്നത് റിയർവ്യൂ മിററിലൂടെ നോക്കി അവൾ ദീർഘമായി ശ്വാസം വിട്ടു.

കഴുത്തിലെ സ്കാർഫ് ഒന്ന് കൂടി മുറുക്കി, അവൾ തന്റെ ജീവിതത്തിലെ ഏറ്റവും വലിയ പരീക്ഷണം നേരിടാൻ—സ്വന്തം വീട്ടിലേക്ക്—കാർ ഓടിച്ചു.

​പുറത്ത് നേരം വെളുത്തു തുടങ്ങിയിരിക്കുന്നു.

മഞ്ഞുതുള്ളികൾ പറ്റിപ്പിടിച്ച കാർ പോർച്ചിൽ നിർത്തി നതാഷ അതിവേഗം അകത്തേക്ക് കയറി.

തന്റെ ആഡംബര വീടിന്റെ വലിയ ഗ്ലാസ് ഡോർ തുറന്ന നതാഷ കണ്ടത് ഹാളിന്റെ നടുവിലെ സോഫയിൽ കിടന്നുറങ്ങുന്ന മാത്യുവിനെയാണ്.

​അയാളുടെ നെഞ്ചിൽ ഒരു മെഡിക്കൽ ജേണൽ തുറന്നു