Chapter Title : സുതാര്യമായ തടവറ 3 [ഒറ്റയ്ക്ക് വഴിവെട്ടി വന്നവൻ]

​നതാഷയുടെ ക്യാബിനുള്ളിൽ ഒരു വശത്ത് തകർന്നൊലിക്കുന്ന മനസ്സാക്ഷിയും മറുവശത്ത് വന്യമായ കാമനകളും തമ്മിലുള്ള യുദ്ധം തുടങ്ങിക്കഴിഞ്ഞിരുന്നു.

​സാം ചോദിച്ച ചോദ്യം നതാഷയുടെ മുന്നിൽ ഒരു വലിയ കടങ്കഥയായി നിന്നു.

ലില്ലിയുടെ കണ്ണുകൾ നതാഷയുടെ മുഖത്തേക്ക് നീണ്ടു.

ഒരു പ്രൊഫഷണൽ സൈക്കോളജിസ്റ്റ് എന്ന നിലയിൽ മറുപടി പറയേണ്ടത് നതാഷയുടെ കടമയായിരുന്നു.

​നതാഷ വിറയ്ക്കുന്ന കൈകൾ മേശയ്ക്കടിയിൽ ഒളിപ്പിച്ചുപിടിച്ചു. അവൾ തന്റെ തൊണ്ടയൊന്ന് ശരിയാക്കി, ഗൗരവം നടിക്കാൻ ശ്രമിച്ചു.

​നതാഷ: "മിസ്റ്റർ സാം... ലൈംഗികമായ താല്പര്യങ്ങൾ ഓരോ വ്യക്തിയിലും വ്യത്യസ്തമായിരിക്കും.

നിങ്ങൾ പറയുന്ന ഫാന്റസികൾ പലപ്പോഴും അടിച്ചമർത്തപ്പെട്ട ആഗ്രഹങ്ങളിൽ നിന്നാണ് വരുന്നത്.

പക്ഷേ, ഒരു ബന്ധത്തിൽ രണ്ടുപേരുടെയും സമ്മതം (Consent) വളരെ പ്രധാനമാണ്. ഒരാൾക്ക് താല്പര്യമില്ലാത്ത കാര്യങ്ങൾ അയാളിൽ അടിച്ചേൽപ്പിക്കുന്നത് ശരിയല്ല സാം."

​സാം പരിഹാസത്തോടെ ഒന്ന് ചിരിച്ചു. ആ ചിരി നതാഷയുടെ ചങ്കിലേക്ക് ആഴ്ന്നിറങ്ങി.

​സാം: "സമ്മതം ഉണ്ടോ ഇല്ലയോ എന്ന് എങ്ങനെ അറിയും ഡോക്ടർ?!!

ഒരുപക്ഷേ അവൾക്ക് ഉള്ളിൽ താല്പര്യമുണ്ടാകില്ലേ?!!

അവളുടെ നിശബ്ദതയെ എനിക്ക് സമ്മതമായി എടുത്തുകൂടെ?!!

അവൾ ഭയപ്പെടുന്നത് ഈ സമൂഹത്തെയല്ലേ?!!"

​നതാഷയുടെ നെറ്റിയിൽ വിയർപ്പുതുള്ളികൾ പൊടിഞ്ഞു. ലില്ലി പെട്ടെന്ന് ആ ചർച്ചയിൽ പങ്കുചേർന്നു.

​ലില്ലി: "ഡോക്ടർ, സാം പറയുന്നത് ശരിയല്ലേ? ചിലപ്പോൾ ആ പാർട്ണർക്ക് പേടിയായിരിക്കും. പുതിയ കാര്യങ്ങൾ പരീക്ഷിക്കാൻ ധൈര്യമില്ലാത്തതുകൊണ്ടാകില്ലേ അവർ വിസമ്മതിക്കുന്നത്?!

എനിക്ക് തോന്നുന്നത് സാം അയാളുടെ ആഗ്രഹങ്ങൾ തുറന്നു പറയുന്നത് വളരെ നല്ല കാര്യമാണെന്നാണ്. സ്നേഹത്തിൽ വന്യതയും പരീക്ഷണങ്ങളും വേണമല്ലോ."

​ലില്ലി സാമിനെ നോക്കി ഒരു വശ്യമായ പുഞ്ചിരി നൽകി.

സാമിന് അനുകൂലമായി ലില്ലി സംസാരിക്കുന്നത് കണ്ടപ്പോൾ നതാഷയുടെ ഉള്ളിൽ