Chapter Title : സുതാര്യമായ തടവറ 3 [ഒറ്റയ്ക്ക് വഴിവെട്ടി വന്നവൻ]

വ്യഭിചരിക്കാൻ നിനക്ക് എങ്ങനെ ധൈര്യം വന്നു?!!"

​ലില്ലി ആകെ തളർന്നു പോയി. നതാഷ ഇത്രയും കടുത്ത ഭാഷയിൽ സംസാരിക്കുമെന്ന് അവൾ കരുതിയിരുന്നില്ല. അവൾ തല താഴ്ത്തി നിന്നു.

​ലില്ലി: "മാഡം... അത്... അയാൾക്ക് സുഖമില്ലെന്ന് പറഞ്ഞപ്പോൾ..."

​നതാഷ: (വാക്കുകൾ മുറിച്ചുകൊണ്ട്) "മിണ്ടരുത്!

നിന്റെ സുഖമില്ലാത്തവനെ ചികിത്സിക്കാൻ ഞാനിവിടെ വേറെ ആളുകളെ വെച്ചിട്ടുണ്ട്.

നീ ഒരു നേഴ്സാണ് ലില്ലി, അല്ലാതെ വഴിയിൽ കാണുന്നവർക്കൊക്കെ ശരീരം വിൽക്കുന്നവളല്ല.

നിന്റെ ഈ വൃത്തികെട്ട സ്വഭാവം ഹോസ്പിറ്റൽ ബോർഡ് അറിഞ്ഞാൽ നിന്റെ സർട്ടിഫിക്കറ്റ് റദ്ദാക്കുമെന്ന് നിനക്കറിയാമോ?!!"

​നതാഷ വിറയ്ക്കുന്ന വിരലുകൾ കൊണ്ട് ലില്ലിക്ക് നേരെ ചൂണ്ടി.

​നതാഷ: "നീ വിചാരിച്ചോ അവൻ നിന്നെ സ്നേഹിക്കാനാണ് വന്നതെന്ന്?!!

നിന്നെപ്പോലെയുള്ള പെണ്ണുങ്ങളെ കണ്ടാൽ അവൻ ഉപയോഗിക്കും, എന്നിട്ട് വലിച്ചെറിയും.

അവനൊരു മൃഗമാണ്. അവനോടൊപ്പം ആ മുറിയിൽ നീ ചിലവഴിച്ച ഓരോ നിമിഷവും ഈ പ്രൊഫഷനോട് നീ കാണിച്ച ചതിയാണ്. നിന്നെ ഇപ്പോൾ തന്നെ എനിക്ക് പുറത്താക്കാം!"

​ലില്ലി ഒന്നും മിണ്ടാതെ കരച്ചിലിന്റെ വക്കിലായി നിന്നു.

നതാഷയുടെ രൗദ്രഭാവം അവൾ ആദ്യമായി കാണുകയായിരുന്നു.

നതാഷയുടെ ഉള്ളിലെ ദേഷ്യം മുഴുവൻ അവൾ ലില്ലിക്ക് നേരെ ചൊരിഞ്ഞു.

ലില്ലിക്ക് സാമിനോട് തോന്നിയ ആവേശമെല്ലാം നതാഷയുടെ ശകാരത്തിന് മുന്നിൽ ഭയമായി മാറി.

​നതാഷ: "ഇറങ്ങിപ്പോ ഇവിടുന്ന്! നിന്റെ മുഖം എനിക്ക് കാണണ്ട. ഇനി മേലാൽ എന്റെ പെർമിഷനില്ലാതെ നീ ഒരു പേഷ്യന്റിനെയും തൊട്ടുപോകരുത്. പോ!"

​ലില്ലി വിറയ്ക്കുന്ന കൈകളോടെ ഫയലുകൾ എടുത്ത് വേഗത്തിൽ ക്യാബിന് പുറത്തേക്ക് ഓടി.

അവൾ പോയിക്കഴിഞ്ഞപ്പോൾ നതാഷ കസേരയിലേക്ക് തളർന്നിരുന്നു.

തന്റെ ഉള്ളിലെ പക ലില്ലിക്ക് നേരെ പ്രയോഗിച്ചപ്പോൾ അല്പം ആശ്വാസം തോന്നിയെങ്കിലും, സാം തന്റെ ജീവിതത്തിലേക്ക് വിതച്ച വിഷം ലില്ലിയിലൂടെ പടർന്നു കഴിഞ്ഞു എന്ന് അവൾ തിരിച്ചറിഞ്ഞു...!!

അവളുടെ കേബിനിലെ ആ ചൂടേറിയ തർക്കത്തിന് ശേഷം നതാഷയും ലില്ലിയും തമ്മിൽ ഒരു വാക്ക് പോലും സംസാരിച്ചില്ല.

ലില്ലി തന്റെ ജോലികൾ യന്ത്രം പോലെ ചെയ്തുകൊണ്ടിരുന്നു.

നതാഷയുടെ ശകാരം ലില്ലിക്ക് വലിയ വിഷമുണ്ടാക്കിയെങ്കിലും, ആ ചെക്കപ്പ് റൂമിൽ വെച്ച് സാം തനിക്ക് നൽകിയ വന്യമായ സുഖം ലില്ലിയുടെ മനസ്സിൽ