Chapter Title : സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ]

സ്നേഹപൂർവ്വമായിരിക്കണം എന്ന് അയാൾ ഉറപ്പിച്ചു.

ലില്ലി ആക്രോശിച്ചു കൊണ്ട് ഇറങ്ങിപ്പോയതോടെ നതാഷയുടെ മനസ്സിലെ സമാധാനം പൂർണ്ണമായും തകർന്നിരുന്നു.

ക്യാബിനിലെ എസിയിലും അവൾ വിയർക്കുന്നുണ്ടായിരുന്നു.

മാത്യുവിന്റെ സംശയവും ലില്ലിയുടെ പകയും അവളെ ശ്വാസം മുട്ടിച്ചു. ഒടുവിൽ ആശ്വാസത്തിനായി അവൾ സാമിനെ വിളിച്ചു.

​സാം അപ്പോൾ തന്റെ വീട്ടിലെ ബെഡിൽ നിന്നും പതുക്കെ എഴുന്നേൽക്കുന്നതേ ഉണ്ടായിരുന്നുള്ളൂ.

തലേന്നത്തെ ലഹരിയുടെ ആലസ്യം അവന്റെ കണ്ണുകളിൽ ബാക്കിയുണ്ട്. ഫോൺ ബെല്ലടിക്കുന്നത് കണ്ട് അവൻ ഒരു കള്ളച്ചിരിയോടെ അത് എടുത്തു.

​സാം: "ഹാ... നതാഷാ... എന്താ ഈ നേരത്ത്? എന്നെ അത്രയ്ക്ക് മിസ്സ് ചെയ്യുന്നുണ്ടോ?"

​നതാഷ: (വളരെ ശബ്ദം താഴ്ത്തി, വെപ്രാളത്തോടെ) "സാം... തമാശിക്കല്ലേ. മാത്യുവിന് എന്തോ സംശയം തോന്നിയിട്ടുണ്ട്. ഇന്നലെ രാത്രി നീ വന്ന കാര്യം എനിക്ക് അയാളോട് പറയേണ്ടി വന്നു."

​സാം: (ഒന്ന്  എഴുന്നേറ്റിരുന്നു) "എന്ത്? നീ സത്യം പറഞ്ഞോ?"

​നതാഷ: "ഇല്ല... ഞാൻ പറഞ്ഞു നീ എന്റെ ഒരു പേഷ്യന്റ് ആണെന്ന്.

വല്ലാത്തൊരു മാനസികാവസ്ഥയിലായതുകൊണ്ട് ഇമ്പോർട്ടന്റ് ട്രീറ്റ്മെന്റിന് വന്നതാണെന്ന് ഞാൻ കള്ളം പറഞ്ഞു.

സാം... മാത്യു പണ്ട് മുതലേ വളരെ ഷാർപ്പ് ആണ്. അയാൾ അത് വിശ്വസിച്ചോ എന്ന് എനിക്ക് ഉറപ്പില്ല."

​സാം ഇത് കേട്ട് ഉച്ചത്തിൽ ചിരിക്കാൻ തുടങ്ങി. അവന്റെ ചിരി ഫോണിലൂടെ നതാഷയുടെ കാതുകളിൽ മുഴങ്ങി.

​സാം: "അങ്ങനെ എന്നെ നീ ഒരു പേഷ്യന്റ് ആക്കിയല്ലേ നതാഷാ?... ഹഹഹ..

കൊള്ളാം... ഒരു ഡോക്ടർക്ക് പറയാൻ പറ്റിയ നല്ല കള്ളം തന്നെ.

മാത്യുവിന്റെ കാര്യം ആലോചിച്ച് നീ എന്തിന് ടെൻഷൻ അടിക്കണം?
അയാളെ കൈകാര്യം ചെയ്യാനുള്ള വിദ്യകളൊക്കെ എന്റെ