Chapter Title : സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ]

ചിരി അയാൾ വരുത്തി.

നതാഷ ബാഗും എടുത്ത് അകത്തേക്ക് കയറി. അവളുടെ മുഖം ആകെ വാടിയിരുന്നു.. കണ്ണുകളിൽ ഒരുതരം കുറ്റബോധവും ഭയവും കലർന്നിട്ടുണ്ട്.

​മാത്യു: "ഹാ നതാഷാ... വന്നോ? മുഖം കണ്ടിട്ട് ആകെ ക്ഷീണിച്ചല്ലോ. ഹോസ്പിറ്റലിൽ ഒത്തിരി തിരക്കായിരുന്നോ?"

​അയാൾ അവളുടെ അടുത്തേക്ക് ചെന്ന് അവളുടെ തോളിൽ കൈവെച്ചു.

നതാഷ ഒന്ന് നടുങ്ങിപ്പോയി. മാത്യു ഇത്ര സ്നേഹത്തോടെ പെരുമാറുമെന്ന് അവൾ കരുതിയിരുന്നില്ല.

​നതാഷ: (പതറിക്കൊണ്ട്) "അത്... അതെ മാത്യു. ഇന്ന് വല്ലാത്ത തിരക്കായിരുന്നു. പിന്നെ ലില്ലിക്ക് ജോലി പോയതിന്റെ ചില പ്രശ്നങ്ങളും ഉണ്ടായിരുന്നു."

​മാത്യു: "അതൊക്കെ പോട്ടെ... സാരമില്ല. നീ പോയി ഫ്രഷ് ആയി വാ. ഇന്ന് നമുക്ക് ഒന്നിച്ച് ഡിന്നർ കഴിക്കാം. ഞാൻ നിനക്ക് ഇഷ്ടപ്പെട്ട ചില കാര്യങ്ങൾ പ്ലാൻ ചെയ്തിട്ടുണ്ട്. ഇന്ന് രാത്രി നമ്മുടേതാണ്..."

​അയാൾ അവളുടെ നെറ്റിയിൽ മൃദുവായി ഒന്ന് ചുംബിച്ചു.

ആ ചുംബനം ഒരു ഐസ് കട്ട തട്ടുന്നത് പോലെ നതാഷയ്ക്ക് തോന്നി.

മാത്യു ഇത്ര സ്നേഹത്തോടെ പെരുമാറുന്നത് അവളെ സന്തോഷിപ്പിക്കുന്നതിനേക്കാൾ കൂടുതൽ ഭയപ്പെടുത്തി.

അയാൾ എന്തോ ഒന്ന് മനസ്സിൽ കാണുന്നുണ്ടെന്ന് അവൾക്ക് തോന്നിപോയി.

​നതാഷ കുളിക്കാനായി മുകളിലേക്ക് പോയി. മാത്യു താഴെ നിന്ന് അവൾ പോകുന്നത് നോക്കി നിന്നു.

അയാളുടെ കൈകൾ നാതാഷക്ക് വേണ്ടി നേരത്തെ കൊണ്ടുവന്ന പോക്കറ്റിലെ ആ ചെറിയ മരുന്ന് കുപ്പികളിൽ  അമർന്നു.

​ഇന്ന് രാത്രി... നതാഷ ഇതുവരെ കണ്ടിട്ടില്ലാത്ത മാത്യുവിനെ അവൾ കാണും.

അതേസമയം ജോലി പോയതിന്റെ ആഘാതം ലില്ലിയെ വല്ലാതെ തളർത്തിയിരുന്നു.

മുറിക്കുള്ളിലെ നിശബ്ദത അവളെ വീർപ്പുമുട്ടിച്ചു.

തന്റെ കരിയറിലെ ഏറ്റവും നല്ല കാലഘട്ടത്തിലൂടെ