Chapter Title : സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ]

പഴയ സ്പാർക്ക് തിരിച്ചുപിടിക്കാൻ ഞാൻ തീരുമാനിച്ചു.

നീയും ഞാനും...

ഇന്ന് രാത്രി നമുക്ക് പഴയ കാര്യങ്ങൾ സംസാരിക്കാം. ബാക്കിയെല്ലാം മറക്കാം..ആ സാം എന്ന പേഷ്യന്റ് നേ കുറിച്ചും ഹോസ്പിറ്റലിനെ കുറിച്ചും എല്ലാം മറക്കാം.."

​മാത്യുവിന്റെ ആ അവസാനത്തെ വാചകം നതാഷയുടെ ഉള്ളിൽ ഒരു മിന്നൽ പോലെ തറച്ചു.

അയാൾ ആ പേര് പറഞ്ഞപ്പോൾ മുഖത്തുണ്ടായ ആ നിഗൂഢമായ പുഞ്ചിരി അവൾക്ക് താങ്ങാൻ കഴിയുന്നതിലും അപ്പുറമായിരുന്നു.

​അയാൾ അവൾക്ക് നേരെ മരുന്നുകൾ കലർത്തിയ വൈൻ ഗ്ലാസ് നീട്ടി.

"ഇതൊന്ന് കുടിക്കൂ നതാഷാ... നിന്റെ എല്ലാ ടെൻഷനും മാറും."

​നതാഷ വിറയ്ക്കുന്ന കൈകളോടെ ആ ഗ്ലാസ് വാങ്ങി.

മാത്യു നീട്ടിയ വൈൻ ഗ്ലാസിന് നേരെ കൈ നീട്ടാതെ നതാഷ ഒരു നിമിഷം ശങ്കിച്ചു നിന്നു.

അവളുടെ ഉള്ളിലെ പരിഭ്രമം വാക്കുകളിലൂടെ പുറത്തു വന്നു.

​നതാഷ: "ഇപ്പൊ വേണ്ട മാത്യു... എനിക്ക് റേഡിയോ ഷോയ്ക്ക് പോകേണ്ടതാ.

പിന്നെ ഡ്രൈവ് ചെയ്യുമ്പോൾ പോലീസ് പിടിച്ചാൽ അത് നമ്മളെപ്പോലെയുള്ള ഡോക്ടർമാർക്ക് വലിയ നാണക്കേടാവും.

ഷോ കഴിഞ്ഞ് വന്നിട്ടാവാം ബാക്കി വിശേഷങ്ങൾ.വന്നിട്ട് കുടിക്കാം.."

​മാത്യുവിന്റെ ഉള്ളിൽ ദേഷ്യം ഇരച്ചുകയറി.

'നിന്റെ റേഡിയോ ഷോയും നിന്റെ കാമുകനും...'

എന്ന് ഉറക്കെ വിളിച്ചു ചോദിക്കാൻ അയാൾക്ക് തോന്നി.

പക്ഷേ തന്റെ പ്രതികാരം ഇത്ര പെട്ടെന്ന് വെളിപ്പെടുത്താൻ അയാൾ തയ്യാറായിരുന്നില്ല.

ഒരു മികച്ച സർജന്റെ നിശ്ചയദാർഢ്യത്തോടെ അയാൾ ആ ദേഷ്യം ഉള്ളിലൊതുക്കി.

​മാത്യു: "അത് ശരിയാണ് നതാഷാ...
ഞാൻ അത് മറന്നുപോയി.
ഷോ അല്ലേ പ്രധാനം.
നീ ധൈര്യമായി പൊയ്ക്കോളൂ. ഇത് ഞാൻ ഇവിടെത്തന്നെ സൂക്ഷിച്ചു വെക്കാം. നീ തിരിച്ചുവരുമ്പോൾ