Chapter Title : സുതാര്യമായ തടവറ 5 [ഒറ്റയ്ക്ക് വഴിവെട്ടി വന്നവൻ]

അവൾ ഒറ്റപ്പെട്ടുപോയപ്പോൾ ആ വിടവിലേക്കാണോ സാം എന്ന അപരിചിതൻ കടന്നുവന്നത് എങ്കിലോ?!!

​തന്നിൽ നിന്നും ലഭിക്കാത്ത ആ സ്നേഹം മറ്റൊരാൾ അവൾക്ക് നീട്ടുമ്പോൾ അത് സ്വീകരിക്കാതിരിക്കാൻ മാത്രം അവൾക്ക് കഴിയില്ലായിരുന്നോ?

ഒരുപക്ഷേ അവളിലെ സ്ത്രീ അവളുടെ പ്രൊഫഷനേക്കാൾ ശക്തമായിട്ടുണ്ടാകാം.

​മാത്യുവിന്റെ മനസ്സിൽ ഒരു നിമിഷം ദയ തോന്നി.

അവളെ അവളുടെ പാട്ടിന് വിടണോ?!!

അവൾ ആഗ്രഹിക്കുന്ന ജീവിതം അവൾ ജീവിക്കട്ടെ എന്ന് കരുതി മാറിനിൽക്കണോ?!!

നമുക്കിടയിലെ ഈ ബന്ധം വെറും ചടങ്ങായി മാറിയെങ്കിൽ അത് ഇവിടെ അവസാനിപ്പിക്കണോ?!!

ആ ഷവറിൽ നിന്നും വരുന്ന തണുത്ത വെള്ളം പോലും മാത്യു വിനു ചുട്ടു പൊള്ളുന്നതായി തോന്നി..

​പക്ഷേ അടുത്ത നിമിഷം തന്നെ അയാളുടെ ഉള്ളിലെ പുരുഷത്വം ഉണർന്നു. അയാളുടെ കണ്ണുകൾ തള്ളി..

അവൾ....അവൾക്ക് കുറവുകൾ ഉണ്ടായിരുന്നുവെങ്കിൽ അത് തന്നോട് പറയാമായിരുന്നു.!!

ചതി...!!!

അത് ഏത് കാരണത്തിന്റെ പേരിലായാലും അംഗീകരിക്കാൻ കഴിയില്ല.

തന്റെ വിശ്വസ്തതയെ അവൾ ചോദ്യം ചെയ്തിരിക്കുന്നു.

തന്റെ വീടിനുള്ളിൽ അവൾ മറ്റൊരാളെ സ്വീകരിച്ചത് തന്റെ ബന്ധത്തോടുള്ള അവഹേളനമാണ്.

​വെള്ളം അയാളുടെ മുഖത്തിലൂടെ ഒഴുകി ഇറങ്ങുമ്പോൾ മാത്യുവിന്റെ മനസ്സ് പകുതിയായി പിളർന്നു.

ഒരു വശത്ത് താൻ ചെയ്ത വീഴ്ചകളെക്കുറിച്ചുള്ള കുറ്റബോധം...!!

മറുഭാഗത്ത് ചതിക്കപ്പെട്ടവന്റെ കത്തുന്ന പ്രതികാരം....!!

ബാത്ത്റൂമിലെ ആ നാല് ചുവരുകൾക്കുള്ളിൽ മാത്യുവിന്റെ മനസ്സ് ഒരു യുദ്ധക്കളമായി മാറി.

ഷവറിൽ നിന്നുള്ള വെള്ളം അയാളുടെ ഉള്ളിലെ തീ അണയ്ക്കുന്നതിന് പകരം അത് ആളിപ്പടർത്തുകയായിരുന്നു.

​കുറച്ചു മുൻപ് തോന്നിയ ആ സഹതാപവും കുറ്റബോധവും പെട്ടെന്ന് കനത്ത ദേഷ്യത്തിന് വഴിമാറി. മാത്യുവിന്റെ പല്ലുകൾ ദേഷ്യം കൊണ്ട് ഞെരിഞ്ഞു.

​'ചതി... അതല്ലാതെ ഇതിനെ എന്ത് പേരിട്ടാണ് വിളിക്കുക? വഞ്ചന!'

​മാത്യു കണ്ണാടിയിലേക്ക് നോക്കി.

അവിടെ കണ്ട തന്റെ ബിംബത്തോട് അയാൾ ചോദിച്ചു:

'നീ അത്രയ്ക്ക് വലിയ സഹായമനസ്കനാണോ മാത്യു?!!!!!

തന്റെ കിടപ്പറയിൽ മറ്റൊരുത്തൻ കയറി നിരങ്ങുമ്പോഴും കുറ്റബോധം കൊണ്ട് നീറാൻ നീയെന്താ പൊട്ടനാണോ?!!'

​ഈ നഗരത്തിലെ ഏറ്റവും മികച്ച സർജൻ.

സൊസൈറ്റിയിൽ വലിയ ബഹുമാനമുള്ള വ്യക്തി.

നാട്ടുകാർ ഇതറിഞ്ഞാൽ എന്ത് പറയും?!!

'ഡോക്ടർക്ക് സർജറി നടത്താൻ മാത്രമേ അറിയൂ, സ്വന്തം ഭാര്യയെ ഒന്ന് സുഖിപ്പിക്കാൻ